આપણું ઉમરેઠ ( Since 2009 )

ચરોતરનો ઉંબરો..

Tag Archives: મારી મરજી

કાંડા ઘડિયાળમાં મોબાઈલ..!


જી…હા બિલકુલ સાચી વાત છે એલ.જી દ્વારા ટૂક સમયમાં કાંડા ઘડિયાળ બજારમાં મુકવામાં આવશે જે માત્ર ઘડિયાળ જ નહિ પરંતું મોબાઈલ ફોન થી પણ સજ્જ હશે..! જરા..વિચારો બસ માં કે ટ્રેનમાં તમને કોઈ કહેશે , ” ભાઈ , જરા તમારું ઘડિયાળ તો આપો એક ફોન કરવો છે.” ..હા હવે તેવા દિવસો દૂર નથી લઘભગ ગણતરીના દિવસમાં આ મોબાઈલ વોચ બજારમાં આવી જશે તેની ખાસિયત છે કે, આ ઘડિયાળથી ફોન કરવાની સાથે , કેમેરા, મ્યુઝિક સહિત મોબાઈલ ફોનમાં મળતી બધીજ સવલતો ઉપલબ્ધ થવાની છે. ખરીદવાનું મન થયું…? એક મિનિટ તેનો ભાવ રૂ.૫૦,૦૦૦ ની આસપાસ હશે તો શરુ કરી દો પૈસાભેગા કરવાનું..!
અને હા..મારી વાત સાચી ન લાગે તો અહિયા ક્લિક કરો..

..અને માર્કશીટ કુવામાં ફેંકી દીધી


તાજેતરમાં ટી.વી ઉપર સમાચારમાં જોયું કે મહારાષ્ટ્રમાં કેટલાક વિદ્યાર્થીઓએ પરિક્ષામાં નાપાસ થવાના ડરથી કે નાપાસ થયા હોવાને કારણે જીવન ટુંકાવી દીધું જાણી ખુબ દૂઃખ થયું પણ સાથે સાથે હું જ્યારે દશમાં ધોરણમાં હતો ત્યારનો એક કિસ્સો યાદ આવી ગયો.

હું દશમાં ધોરણમાં હતો ત્યારે ભણવામાં “ઢ” હતો. પ્રીલીમ પરિક્ષામાં પહેલા બે પેપર ખરાબ ગયા એટલે બીજા પેપરમાં પણ ઢીલી નીતી વાપરી નાપાસ થવાનું નક્કી કરી દીધું જોત જોતામાં પ્રીલીમ પરિક્ષા પૂરી થઈ ગઈ. બધા મિત્રો હવે બોર્ડની પરિક્ષાની તૈયારીમાં લાગી ગયા સાથે સાથે પ્રીલીમ પરિક્ષાના પરિનામની કાગદોળે રાહ પણ જોવા લાગ્યા તેઓ કહેતા હતા કે પ્રીલીમ પરીક્ષા ઉપરથી તેઓ બોર્ડની પરિક્ષામાં કેવું પરફોમન્સ આપશે તેનો અંદાજ આવશે અને બાકી વધેલા મહિનાઓમાં કેવી રીતે મહેનત કરવી કયા વિષય ઉપર ભાર આપવો વગેરે બાબતો અંગે ધ્યાન આપી શકાશે પણ મને તો મારું પરિનામ ખબર હતી.

થોડા દિવસોની રાહ જોયા પછી પ્રીલીમ પરિક્ષાનું પરિનામ આખરે આવી ગયું બધા હોંશે હોંશે પોતાની માર્કશીટ લેવા પડાપડી કરતા હતા. આપળે તો બિન્દાસ છેલ્લે માર્કશીટ લીધી અને ધાર્યું તેજ પરિનામ નિકળ્યું પાંચમાં નાપાસ, સંસ્કૃત પાક્કું હતું એટલે તેમાં પાસ થઈ ગયો. ઘરે આ માર્કશીટ જાયતો મારા રામ રમી જાય સ્વાભાવિક છે પોતાનો છોકરો પાંચમાં નાપાસ થાય તો મા-બાપ ગુસ્સે થાય પપ્પાને તો સમજાવી દવ પણ મમ્મી ને સમજાવાય તેવી આપણામાં તાકાત નહિ . માર્કશીટ લઈ થોડો સમય તો એક મીત્રને ત્યાં ગયો ને સુઈ ગયો પછી બપોરે લઘભગ ચાર પાંચ વાગે ઘરે જવા નિકળ્યો નક્કી હતું કે માર્કશીટ ઘરે બતાવીશ તો માર તો પડવાનો એટલે ઘરે જતા રસ્તામાં એક કુવો આવ્યો ત્યાં ભગવાનનું નામ દઈ માર્કશીટ ફેંકી દીધી, પછી જે થાય તે જોઈલઈશું.

ઘરે જઈને પીક્ચર બનાવી દીધું કે પરિનામ આજે આવ્યું નથી બે દિવસ પછી આવશે. મમ્મી માની ગઈ પણ કોણ જાને કેમ જુઠ્ઠું બહું ના ચાલ્યું ને મમ્મીને ખબર પડી ગઈ કે પરિનામતો આવી ગયું છે. તુરંત મને લઈ મમ્મી મારા ક્લાસ ટીચરને ત્યાં પહોંચી ગઈ ને મારા પરિનામ વીશે પુછ્યું ને બધો ભાંડો ફુટી ગયો. સ્વભાવિક છે ક્લાસ ટીચરને સૌથી હોશિયાર ને સૌથી ડફોર છોકરાના નામ ખબર હોય તુરંત તેમને મમ્મીને કહ્યું હું  પાંચમાં નાપાસ થયો છું.  પછી તરત માર્કશીટ પીક્ચરમાં આવી ને મારે સાચું કહેવું પડ્યું કે માર્કશીટ તો કૂવામાં નાખી દીધી છે.

..બસ એજ ઘડીએ મમ્મીએ પેલા મારા ક્લાસ ટીચરને ત્યાં મારું ટ્યુશન બાધી દીધું ને બોર્ડની પરિક્ષામાં મારા ૫૩ ટકા આવ્યા હતા પછી ૧૧ માં ધોરણ થી ગાડી પાટા ઉપર આવી ગઈ જે આજે ય ચાલી રહી છે.

અમીતાબ બચ્ચન ગુજરાત એમ્બેસેડર બને તો..


પહેલા અમીતાબ બચ્ચન કહેતા હતા…

અગર પૂનઃ જનમ હો મેરા તો ગંગા કે તટ પર…

પણ ગુજરાત માટે બચ્ચન સાહેબ કામ કરશે તો બોલશે…

અગર પૂનઃ જનમ હો મેરા તો નર્મદા કે તટ પર…

અફવા …


ડાકોર મંદિરમાં આતંકવાદી આવ્યા હોવાની અફવાને લઈ ડાકોર સહિત ઉમરેઠમાં પણ કેટલાક લોકો આગાપાછા થઈ ગયા, બન્યું તેવું કે ગઈકાલે રાત્રે મંદિરની સુરક્ષા એકદમ વધારે કરી દેવાઈ ને કોઈએ ચોકઠું બેસાડ્યું કે, દિલ્હીની હોસ્પીટલ માંથી ભાગેલા ત્રણ આતંકવાદીયો ડાકોર આવ્યા છે પોલીસ તંત્રને આ વાત ખબર પડતા તુરંત હરકતમાં આવી મંદિરની સુરક્ષા વધારી દીધે પણ લોકો તો જાણે મંદિરમાં આતંકી આવી ગયા હોય તેવી વાતો કરવા લાગ્યા.. કદાચ હવે આ વાતને કાલે મિડિયા મારી મચોડી રજુ કરશે. જોઈયે હવે કાલનું છાપું શું કે છે…!

એક સરસ વિજ્ઞાપણ


ટી.વી ઉપર કેટલાય વિજ્ઞાપન એટલા સરસ આવે છે કે લોકો જોતા રહી જાય છે, ખાસ કરીને ફેવીકોલ ના વિજ્ઞાપનો ખુબ સરસ હોય છે. આ ઉપરાંત હાલમાં આઈડીબીઆઈ બેન્કનું નવું વિજ્ઞાપણ પણ ખુબ સુંદર છે  ઉપરાંત નિરમા વોશીગ પાઊડરનું પણ નવું વિજ્ઞાપણ સૌથી સરસ લાગ્યું જોવા જેવું છે તમે પણ જોવો…!

ઉમરેઠ પાસેનું ગોકુળીયું ગામ…થામણા


ઉમરેઠથી લગભગ ૯ કી.મી ના અંતરે આવેલ થામણા ખરા અર્થમાં ગોકુલીયું ગામ તરીકે ઉભરી આવ્યું છે. ગામમાં સરપંચની ચુટણી કેટલાય વર્ષથી થઈ નથી હંમેશા ગામ માટે કાંઈ કરી છુટવાની ભાવના ધરાવતા ચંન્દ્રકાન્તભાઈ પટેલ (મુખી)ને ગ્રામ્યજનો હંમેશા સરપંચ પદે સર્વાનુંમતે સ્વીકારી લેતા હોય છે.  પોતાના ગ્રામ્યજનોના આવા અતુટ વિશ્વાસનો ગામના સરપંચ શ્રી ચંન્દ્રકાન્તભાઈ પટેલ (મુખી) હંમેશા જળવાઈ રહે તે માટે આ ગોકુળીયા ગામ થામણાના વિકાસને હંમેશા માટે આગળ ધપાવતા રહે છે. હંમેશા ગામ એકદમ સ્વચ્છ અને ચોખ્ખુચણાક રાખવામાં આવે છે આ માટે ગ્રામ્યજનો પણ તંત્રને સાથ સહકાર આપતા હોય છે. ગામમાં દૂધ મંડળી ઈગ્લીસ મિડીયમ સ્કૂલ સહિત અન્ય સુવિધાઓ પણ ઉપલબ્ધ છે.

થામણા ગામ અંગે વધુ માહિતી માટે અહિયા ક્લિક કરો
થામણા ગામના વિવિધ ફોટા જોવા માટે અહિયા ક્લિક કરો.

ભગવાનને ત્યાં પણ ધનવાન ગરીબનો ભેદભાવ શરુ થઈ ગયો છે…!


કહેવાય છે ભગવાનને ઘરે કોઈ ધનવાન કે ગરીબ નથી હોતું, ભગવાનના દરબારમાં બધાને એક જ ત્રાજવે તોલાય છે. પરંતુ હવે આ વાક્ય યથાર્ત હોય તેમ લાગતું નથી. ગઈ કાલે હું શ્રીનાથજી મંદિર (રાજસ્થાન) ગયો હતો ત્યાં મંદિરના મુખ્ય પ્રવેશ દ્વાર પાસે એક વ્યક્તિ મળ્યો તેમને કહ્યું “ભાઈ સા’બ ચલો દર્શન કરાદું વો ભી દર્શન ખુલનેસે ૧૦ મિનિટ પહેલે..!”અમે ત્રણ જણા ત્યાં હતા, તે ભાઈની વાત તો પહેલા મને શેખચલ્લીના વિચાર જેવી લાગી અમે ત્રણ વ્યક્તિ હતા પેલા મહાશયે રૂ.૧૦૦ ની માગણી કરી અને અમો ત્રણ જણને દર્શન કરાવવાની ગેરંટી પણ તે વ્યક્તિને રૂ.૧૦૦ આપ્યા ને ખરેખર તે અમોને મંદિરમાં મુખ્ય પરિસરની આગળ લઈ ગયો ને દર્શન ૯.૧૫ કલાકે ખુલવાના હતા તેના જણાવ્યા મુજબ ૧૦ મિનિટ પહેલા તેને અમોને દર્શન ન કરાવ્યા બરાબર ૯.૧૫ કલાકે દર્શન ખુલ્યા ને અમારા જેવા રૂ.૧૦૦ ખર્ચનારાને પહેલા દર્શન કરવા જવા દેવામાં આવ્યા અમે અંદર ગયા ત્યારે અન્ય લોકો ભગવાનના નીજ મંદિરમાં હાજર હતા. કોણે ખબર તેમને કેટલા રૂપિયા ચુકવ્યા હશે…?
પણ  ખરેખર હવે, ભગવાનને ત્યાં પણ ધનવાન ગરીબનો ભેદભાવ શરુ થઈ ગયો છે…!

હું આતંકવાદીને આતંકવાદી કેમ કહું છું…?


હું  આતંકવાદીને આતંકવાદી એટલા માટે કહું છું, કારણ કે અત્યાર સુધી ભારતમાં કેટલાય આતંકવાદી હુમલાઓ થયા છે જેમાં આ બદમાશ આતંકવાદીઓએ કેટલાય બેકસુર લોકોની હત્યા કરી છે. પરંતુ આ લબાડ આતંકવાદીઓએ જ્યારે દિલ્હી સંસદ ઉપર હૂમલો કર્યો ત્યારે કોઈને પણ મારી ન શક્યા..! જો ત્યારે કોઈ સારી કક્ષાના આતંકવાદીઓ આવ્યા હોત ને સંસદમાં થોડા બદમાશોને પાડી દીધા હોય તો ભારત અત્યારે ક્યાં થી ક્યાંય આવી ગયું હોત જ્યાં સુધી દેશના કહેવાતા સંસદીયા રખેવાળોની આંખો નહી ખુલે ત્યાં સુધી કસાબ ને અફઝલ જેવા આતંકવાદીઓ ને તો જલસા…! આ લબાડ આતંકવાદીઓ સંસદભવનમાં કશું ન ઉકાળી શક્યા એટલે જ તેઓ મારી દ્ર્ષ્ટીએ આતંકવાદી છે.

જોયું ને મેં કહ્યું તુ ને કસાબને કાંઈ નહિ થાય….


થોડા દિવસ પહેલા મેં એક પોસ્ટ કરી હતી, કસાબ ને પણ કાંઈ નહી થાય…!
જે આજે સ્પષ્ટ રીતે યથાર્ત થતી દેખાઈ રહી છે, હજુ સંસદના સંસદના દુશ્મન અફઝલ ગુરુ ફાંસીના માચડાથી દૂર છે ત્યારે કસાબ હજુ તો કેટલાય વર્ષ સુધી ભારતની મહેમાન ગતિ માનશે તે વિચારવું પણ મુર્ખામી ભર્યું છે.

૨૬/૧૧ ના બનાવને એક વર્ષ જેટલો સમય થઈ ગયો. આ હુમલાને અંજામ આપવા આવેલ આતંકવાદીઓ પૈકી એક માત્ર કસાબ જીવતો પકડાયો જ્યારે અન્ય આતંકવાદીઓને ઠાર મારવામાં આવ્યા હતા. કસાબ વિરુધ્ધ ઢગલા બંધ પુરાવા હોવા છતા પણ આજે તેને સજા આપવામાં ભારતનું ન્યાય તંત્ર નિષ્ફળ નિવળ્યું છે. જ્યારે એવું કહીએ તો અતિરેક નહી હોય કે કસાબે પોતાની જીંદગીના સારા દિવસો ભારતમાં જોયા હશે કારણ કે જાણે મામા ભાણિયાને સંભાળતા હોય તેમ તંત્ર કસાબને સાચવી રહ્યું છે. ક્યારે સુધરશે ભારતનું ન્યાય તંત્ર (ઝડપી બનશે…?)

ઉમરેઠ ઓડ માર્ગ ઉપર ઓવરબ્રીજનું કામ પૂર્ણ કરવાની મુદત પૂર્ણ છતા કામ ચાલુ..!


 

ઓવર બ્રીજનું અધુરૂં કામ

ઓવર બ્રીજનું અધુરૂં કામ

 

 

ઓવર બ્રીજનું અધુરૂં કામ

ઓવર બ્રીજનું અધુરૂં કામ

 

ઉમરેઠ ઓડ માર્ગ ઉપર ઉમરેઠ જી.આઈ.ડી.સી પાસે રેલ્વે ફાટક પર ઓવરબ્રીજ બનાવવાનું કામ શરુ થયે લગભગ ચાર-પાંચ વર્ષ પૂર્ણ થઈ ગયા છતા પણ આ ઓવરબ્રીજનું કામ પૂર્ણ ન થતા ઉમરેઠ નગરના સ્થાનીકો સાથે સદર રસ્તે થી પસાર થતા રાહદારીઓ ત્રાહિમામ્ પોકારી ઉઠ્યા છે. આ ઓવરબ્રીજના અધુરા કામને કારણે ઉમરેઠ જી.આઈ.ડી.સી લગભગ સંપર્ક વિહોણું થઈ ગયું હોય તેમ ભાષી રહ્યું છે. જેના કારણે જી.આઈ.ડી.સીના વેપાર ધંધા પડીભાગવાના આરે આવી ગયા છે. આ અંગે ઉમરેઠ જી.આઈ.ડી.સીના એક વહેપારીએ જણાવ્યું હતુ કે વર્ષોથી ઓવરબ્રીજનું કામ ચાલું છે જેના કારણે ઉમરેઠથી જી.આઈ.ડી.સી જવા માટે રતનપૂરા કે પછી નવાપૂરા ચોકડીના માર્ગથી અવર જવર કરવી પડે છે. જેના કારણે સમય અને ઈંધનનો વ્યય થાય છે. ઓવરબ્રીજનું કામ ચાલુ હોવા છતાં પણ ઉમરેઠથી જી.આઈ.ડી.સી તરફ જવા માટે સર્વીસ રોડ બનાવવામાં આવ્યો નથી જેથી જી.આઈ.ડી.સીના વેપાર ધંધાને ખુબજ માઠી અસર થઈ રહી છે.જો જી.આઈ.ડી.સી ના વહેપારીઓની વાતને ધ્યાનમાં લઈયે તો તેઓના મુજબ છેલ્લા પાંચ વર્ષની સરખામણીમાં જી.આઈ.ડી.સીના વહેપારીઓનું ટર્નઓવર ૫૦ ટકાથી પણ ઓછું થઈ ગયું છે. જો નજીકના ભવિશ્યમાં ઉમરેઠ ઓડ માર્ગ ઉપર રેલ્વે ફાટક પર બનતો ઓવરબ્રીજ સત્વરે પૂર્ણ નહિ થાય તો ઉમરેઠ જી.આઈ.ડી.સી વર્તમાનમાં ભૂતકાળ બની જાય તેમા કોઈ બે મત નથી.

 

નગીનભાઈ પટેલ, સોસાયટી વિસ્તારના રહિશ

નગીનભાઈ પટેલ, સોસાયટીના રહીશ

 

વધુમાં ઉમરેઠ ઓડ માર્ગ ઉપર જી.આઈ.ડી.સી પાસે ઓવરસ્બ્રીજનું કામ ચાલુ હોવાને કારણે વડોદરા તરફ જતો તમામ ટ્રાફીક ઉમરેઠના સોસાયટી વિસ્તાર માંથી ડાઈવર્ટ કરાયો છે જ્યારે થોદો ટ્રાફિક રતનપૂરા માર્ગ ઉપર ડાઈવર્ટ કરવામાં આવ્યો છે જેના કારણે ઉમરેઠના સોસાયટી વિસ્તારના લોકો અને રતનપૂરાના સ્થાનિકો ભારે પરેશાનીનો સામનો કરી રહ્યા છે. વધુમાં ઉમરેઠના સોસાયટી વિસ્તારમાં એક શાળા, તેમજ એક વાડી આવેલી છે જેના કારણે અહિયા બારે માસ અવર જવર હોય છે ત્યારે મોટા વાહનો આ રસ્તા ઉપરથી પસાર થાય ત્યારે અકસ્માતનો ભય આ માર્ગ ઉપરથી અવર જવર કરનારાઓમાં રહેતો હોય છે. જ્યારે ઉમરેઠના સદર વિસ્તારમાં જય અંબે એવન્યુ, શશાંક પાર્ક, રજનીનગર સોસાયટી, અમોધ પાર્ક સોસાયટી, યમુનાપાર્ક સોસાયટી, કૃષ્ણ સોસાયટી કર્ણાવતી સોસાયટી, ધનલક્ષ્મી પાર્ક જેવી સોસાયટી આવેલી છે. ત્યારે આવા વિસ્તાર માંથી ભારે વાહનો ની અવર જવર થાય ત્યારે આ સોસાયટીના લોકો ને ખલેલ પહોંચે છે અને આ સોસાયટીના બાળકો રમતા હોય ત્યારે તેઓને અકસ્માત થવાની પણ સંભાવના નકારી શકાય તેમ નથી.જેથી ઉમરેઠ ના સોસાયટી વિસ્તારની સુરક્ષા પણ આ ઓવરબ્રીજના કારણે ખતરામાં હોય તેમ લાગી રહ્યું છે જ્યારે તાજેતરમાંજ એક બાળકી રિક્ષાની ટક્કરથી આ વિસ્તારમાં મૃત્યુ પામી હતી છતા પણ તંત્ર ઘોર નિદ્રામાં હોવાનૂં ભાસી રહ્યું છે.

 

આશીષ ઠક્કર, વેપારી- જી.આઈ.ડી.સી

આશીષ ઠક્કર, વેપારી- જી.આઈ.ડી.સી

 

વધુમાં ઉમરેઠની સોસાયટી વિસ્તાર સહિત જી.આઈ.ડી.સીના વહેપારીઓ દ્વારા ઉમરેઠ જી.આઈ.ડી.સી પાસે ઓવરબ્રીજનું કામ સત્વરે પૂર્ણ થાય તે માટે તેમજ જી.આઈ.ડી.સી માં જવા માટે સર્વીસ રોડ બનાવવા માટે સ્થાનિક તંત્ર, નેતાઓ, અધિકારીઓ સહિત ઉચ્ચ કક્ષાએ રજુઆત કરી હતી પરંતુ નધનિયાતા ઉમરેઠના તંત્રના વિકાસ માટે કોઈ પણ તંત્રના અધિકારીઓ કે પછી અધિકારીઓએ કોઈ પણ પગલા ન લીધા હોવાનું ભાસી રહ્યું છે. ઉમરેઠના વિકાસનાને આગળ વધારવા માટે ઓવરવ્રીજનું કામ સત્વરે પૂર્ણ થાય તે ખુબજ જરુરી છે.

જીવના જોખમે અવર જવર

 

જીવના જોખમે અવર જવર

જીવના જોખમે અવર જવર

 

ઉમરેઠ જી.આઈ.ડી.સી પાસે ઓવરબ્રીજ બનતો હોવા છતા ત્યાં કોઈ સર્વીસ રોડની પણ વ્યવસ્થા કરવામાં આવી નથી જેથી જી.આઈ.ડી.સી માં રહેતા અને ધંધો કરતા વહેપારીઓ પોતાના જીવના જોખમથી રોજ બરોજની અવર જવર રેલ્વે પાટા કુદાવી કરવા મજબુર બની ગયા છે.

૧૯.૫.૨૦૦૬ સુધીમાં કામપૂર્ણ કરવાનું હતું હજુ પણ કામ ચાલુ

 

મુદત પૂર્ણ છતા કામ ચાલું

મુદત પૂર્ણ છતા કામ ચાલું

 

ઉમરેઠ જી.આઈ.ડી.સી પાસે ઓડ માર્ગ ઉપર બનતાો વરબ્રીજનું કામ તા.૧૯-૫-૨૦૦૬ના દિવસે પૂર્ણ કરી દેવાનું હતુ જે સરકારી તંત્ર કે પછી લાગતા વળગતા તંત્ર દ્વારા તે અંગેનું બોર્ડ પણ લગાવ્યું હતુ પરંતુ આજ દિન સુધી આ કામ પૂર્ણ થયું નથી.

રેલ્વે તંત્ર દ્વારા રેલપટ્ટી ઉપરના બ્રીજનું કામપૂર્ણ

લીખો તો કુછ અપના લીખો…!


        ગઈ કાલે ટી.વી માં એક એડ જોઈ જેમાં એક લેખક બેઠા હતા ત્યાં એક યુવક પસાર થતો હતો તે યુવાનના હાથમાં તે લેખકની લખેલી બુક હતી. આ યુવકે લેખકને કહ્યુ “સર ઓટોગ્રાફ પ્લીઝ, મેં ભી એક દીન આપકે જૈસા લીખુંગા” ત્યારે લેખક સાહેબે પોતાની પાસે થી પાર્કર પેન આપી ને કહ્યું ” મેરે જેસા મત લીખના, લીખો તો કુછ અપના લીખો”

           આપણા બ્લોગ જગતમાં પણ કેટલાય લોકો ઉઠાંતરી કરવામાં માહિર છે. તેમને આ પેન ખરીદી કાંઈ પોતાનું લખવાનો પ્રયત્ન કરવો જોઈયે. આમ તો હવે લોકો પેનથી નહી પરંતુ કી-બોર્ડ લખતા હોય છે છતા પણ કોપી- પેસ્ટ કરનારા ઉપર આ એડ દ્વારા સારો કટાક્ષ કરાયો છે.

વિટામીન “એમ”


કહેવાય છે વિટામીન “એમ” ની ઉણપ હોય તો કોઈ પણ રોગ થઈ શકે છે. પરંતુ વિટામીન “એમ” પુરતા પ્રમાણમાં હોય તો કોઈ રોગ થાય નહિ તે કહેવું યોગ્ય નથી. અને હા..વિટામીન “એમ” થી કોઈ રોગ મટી જાય તે પણ જરુરી નથી.

વિટામીન “એમ” એટલે “Money”

દાન કરવા માટે ઓવર ટાઈમ..!


ગઈ કાલે મારા ફુવા તેમના યુ.એસ ના મિત્ર લઈ ઘરે આવ્યાં, આવી તેમને તેમના મિત્ર સાથે અમારી ઓળખાન કરાવી. તેટલામા મારી મમ્મીએ ફુવાના મિત્રને કહ્યું, “મેં તમને સવારે મંદિર બહાર જોયા હતા ત્યાં બધા શાક-ભાજી વેંચનાર કહેંતા હતા કે તમે બહું દાન કરો છો. આજે મંદિર બહાર તમેજ ગરીબો ને બજાર માંથી ખરીદીને નવા કપડા આપ્યા હતા ને..?”
આટલું શાંભળી ફુવાના મિત્ર બોલી ઉઠ્યા’ “ઓહ..શાકવાળા પણ આવી વાત કરે છે.”
મમ્મએ કહ્યું ” હા, શાકવાળા જોડેથી જ મને જાણવા મળ્યું કે તમે અહિયા ગરીબોને દાન કરો છો” સારું કહેવાય લગભગ ૫૦ જેટલા ગરીબોને તમે ત્યાં કપડા આપ્યાં આમ પણ શિયાળો આવે છે તેમને બહું કામ લાગશે.”
લગભગ ૫૦ જેટલા ગરીબોને પહેરવા માટે કપડા આપ્યા શાંભળી હું દંગ રહી ગયો મે તેમને પુછ્યું “ખરેખર કાકા બધા ગરીબોને કપડા આપ્યાં…?
તેમને કહ્યું ” હા.. હું જ્યારે ભારત આવવાનો હોવ છું, ત્યાર પહેલા છ – સાત મહિના થી જોબ ઉપર ઓવર ટાઈમ કરવાનું શરું કરી દવ છું, અને તેના થી જે આવક વધારાની થાય તે રકમનું ભારતમાં આવીને ગરીબો ને દાન કરું છું, આપણી થોડી મહેનતથી કોઈ ગરીબનું ભલુ થતુ હોય તો આપણું શું જાય છે..?”
ધન્ય છે, આવા લોકો જે દાન કરવા મહેનત કરે છે. જો બધા એન.આર.આઈ આવું વિચારે તો…?

નસીબ આડે પાંદડું, કોમ્પ્યુટર તોડે વાંદરું…!


વાંદરું અમારા પાડોશમાં એક મહાશય હોંશે હોશેં દશ પંદર દિવસ પહેલા નવું બ્રાન્ડ ન્યું એસરનું કોમ્પ્યુટર લાવ્યા હતા. સાથે સરસ મઝાની સાઊન્ડ સીસ્ટમ પણ… નવું નવું કોમ્પ્યુટર હોવાને કારણે સાંજે ઓફિસ થી આવી મહાશય શાંતિથી કોમ્પ્યુટરમાં ખાંખાંખોળા કરે, છોકરા પણ તેમના સ્કૂલ થી આવી ગેમ રમે, ને કોમ્યુટરનો આનંદ લે.. કોમ્પ્યુટરના આગમણ પછી આ મહાશય અને તેમનું પરિવાર ખુશ હતુ પરંતુ કોણ જાણે બિચારાને કોણી નજર લાગી ને બે દિવસ પહેલા કોમ્પ્યુટર ટેબલ ઉપર હોવાની જગ્યાએ તેમની બારી પર લટકતું જોવા મળ્યું…
           બનાવ કાંઈ એવો હતો કે, આ મહાશયે પોતાના ઘરના ત્રીજા માળે પોતાનું કોમ્પ્યુટર મુક્યુ હતું. સાંજ પડે તેમના છોકરા દરોજ્જ કોમ્પ્યુટર ઉપર ગેમ રમતા સાથે સાથે સ્કૂલમાં શિખવાડેલ થિયરીનો કોમ્પ્યુટર ઉપર પ્રયોગ પણ કરી જોતા. જ્ઞાન ગમ્મ્મત તેમનો નિત્યક્રમ બની ગયો હતો. પરંતુ બે દિવસ પહેલા કોણ જાણે કેમ ત્રીજા માળની મારી ખુલ્લી રહી ગઈ ને આ બારી માંથી એક વાંદરું કોમ્પ્યુટર વાળા રુમમાં પેસી ગયું, બસ પછી આ વાંદરાની નજર કોમ્પ્યુટરના સ્ક્રિન ઉપર પડી અને વાંદરાને તેનુંજ પ્રતિબિબ કોમ્પ્યુટર સ્ક્રિનમાં દેખાયું કે તરત વાંદરાએ કોમ્પ્યુટર સ્ક્રિન પોતાના હાથમાં લીધો અને બારી બહાર ચાલવા લાગ્યું. આ સમયે આ મહાશયના પત્નિએ વાંદરાને ભગાડવાનો પ્રયત્ન પણ કર્યો પણ વાંદરું ઉલ્ટું તેમની સામે થઈ ગયું પ્લગમાં સ્ક્રિન વાયર હોવાને કારણે બારી પાસેથી વાંદરું સ્ક્રિન આગળ ન લઈ જઈ શક્યું ને કોમ્પ્યુટર સ્કિન બારી ઉપર લબડતો રહી ગયો. વાંદરું વિચારું ત્યાં થી ભાગી ગયું પણ ડેસ્કટોપ વિન્ડોના ટોપ ઉપર જોઈ મહાશયના પત્નિ પરિસ્થિતી સમજી ગયા. છેવટે સાંજે મહાશય ઓફિસથી ઘરે આવ્યા ને કોમ્પ્યુટરની સમિક્ષા કરી કોમ્પ્યુટર જ્યાંથી ખરીદ્યુ હતું ત્યાં ફોન કર્યો છેવટે સ્કિન નવો લાવવાનો થયો જાણી મહાશયના મોઢેં શબ્દો સરી પડ્યા ” નસીબ આડે પાંદડું, કોમ્યુટર તોડે વાંદરું…! “

ધારાસભ્ય માટે, સ્ત્રીઓ માટે અને સ્વાતંત્ર્ય સેનાની માટે…


યાદ આવ્યું  આ ત્રણ વાક્યો તમે ક્યાં વાચ્યાં છે…?
બરાબર યાદ કરો…
યાદ આવ્યું…?

અરે ભૈ..આપણી એસ.ટી બસમાં, આવ્યું ને યાદ…!

ગઈ કાલે સવારે હું વડોદરા જવા માટે નિકળ્યો, આમ તો હું જ્યારે બસમાં સફર કરું ત્યારે મારું નસીબ જોર કરતું હોય છે, બસ પણ મળી જાય છે ને જગ્યા પણ મળી જાય છે. સવારના સમયે વડોદરા તરફ જતી બધી બસ મુસાફરોથી ગીચોગીચ આવતી હતી બે બસ તો મે જવા પણ દીધી, આમ પણ વડોદરા કાંઇ ખાસ કામ ન હતું રખડવા જ જવાનું હતુ તો ફછી પૈસા ખર્ચીને ઉભા ઉભા જવાનું થોડું પોસાય અને એ પણ મારા જેવા વાણિયાને આપણે તો બે બસ જવા દીધી છેવટે ડાકોર-સુરત બસ આવી ને તેમાં નસીબજોગે જગ્યા મળી ગઈ, અને તે પણ જેવી તેવી નહી હાઈ-ફાઈ જગ્યા મળી.

મારી જગ્યા એટલી બધી હાઈ-ફાઈ હતી કે ના પુછો તેવી વાત…! હું તો મનોમન હસવા લાગ્યો..પણ કોઈ કારણસર મેં મંદ મંદ હસવાનું ચાલુ કર્યુ એટલે મારી બાજુમાં બેઠેલા કાકાથી ના રહેવાયું ને તેઓએ ફટાક દઈ મને પુછી કાઢ્યું ” કેમ બેટા શું થયું આમ મંદ મંદ હસે છે..? ”  મેં પણ તેમને કહ્યું “કાકા તમને હું કહીશ તો તમે પણ હસવા માંડશો..”, “કાકાની અધીરાઈ ના રહી મને કહેવા માંડ્યા જે કાંઈ હોય તે કે મારી તો મશ્કરી નથી કરતો ને…?, મે કહ્યું કાકા જોવો આપણે કઈ સીટ ઉપર બેઠા છે.આઆ પણે ધારાસભ્યની સીટ આંચકી લીધી જોયું ને કેટલું મોટું પરાક્ર્મ કર્યું આપણે…? પેલા કાકા પણ બિચારા વિચારમાં પડી ગયા ને પછી તે પણ હસવા લાગ્યા ને બોલ્યા..જવા દે ને બેટા આ એસ.ટી.વાળા પણ છે ને નક્કામાં વાક્યો ચીતરી માંડે છે. કોઈ ધારાસભ્ય પેદા થયો છે કે જે બસમાં મુસાફરી કરે..? ખેર જવાદો આપણે તો ધારાસભ્યની સીટ પર બેસી ગયાને…

બસ આગળ વધતી હતી એટલામાં ઓડ ગામ આવ્યું આ સમયે બસમાં બેસવા એક પણ સીટો બચી ન હતી. જ્યારે ઓડથી લગભગ ૧૦ થી ૧૫ જેટલા મુસાફરો બસમાં ચઢ્યા બધાને ઉભા રહેવાનો વારો આવ્યો. અમારી સીટ પાસે એક કપલ આવી ને ઉભું હતુ તેમની પાસે લગભગ છ-સાત મહિનાનો એક બાબો પણ હતો. અમારી સીટ ની બાજુંની ત્રણ વ્યક્તિની સીટ ઉપર એક કપલ અને તેમની લઘભગ ૪/૫ વર્ષની છોકરી બેઠા હતા. ત્યારે ઓડથી બસમાં ચઢેલા કપલ સાથે નાનો છોકરો હોવાથી તેમને ત્રણની સીટમાં પેલી નાની છોકરીને ખોળામાં લઈ લેવા અને પોતાને જગ્યા આપવા આ કપલે બેઠેલા કપલને વિનંતી કરી પરંતુ બેઠેલા કપલે પરિસ્થિતી સમજ્યા વિના પોતે પોતાની જગ્યાએ યથાવત રહેશે તેમ સ્પષ્ટ કહી દીધું પછી પેલું કપલ પોતાના બાળક ને સાચવી ઉભુ રહ્યું .

હું પણ મારી જાતને સમાજ સેવક સમજી બેઠો અને આમ પણ હું “ધારાસભ્ય”ની સીટ પર બેઠો હતો એટલે મે નાનો છોકરો લઈ ઉભેલા પેલા બહેન ને કહ્યું ” માસી લો બેસી જાવ મારી જગ્યા ઉપર” બસ આટલું કહી મે મારી સીટ ખાલી કરી તે માસીએ પણ ફોરમાલીટી કરી ના બકા બેસ તું તારે કાંઈ વાધો નહિ મે ફરી તેમને કહ્યું બે સો કાંઈ વાધો નહી.. પછી તે મારી સીટ પર બેસી ગયા તેમના હસબન્ડે મને થેન્ક્યું કહ્યું આ જોઈ ત્રણની સીટ પર અઢી ટીકીટ લઈને બેઠેલા યુગલે મોઢું મચકોડ્યું ને આંખો બંધ કરી સુઈ ગયા.

થોડી વાર પછી બસની એક સીટ ઉપર “સ્ત્રીઓ માટે”, “વિકલાંગો માટે” અને સ્વાતંત્ર્ય સેનાની માટે તેવા શબ્દો પણ સીટ પાસે લખેલા જોયા.. આ વાક્યો લખવાનો શો અર્થ શું કોઈ ખરેખર સ્ત્રીઓ માટે બસમાં જગ્યા ખાલી કરે ખરું…?  શું વિકલાંક કે પછી સ્વતંત્ર્ય સેનાની માટે પણ કોઈ જગ્યા ખાલી કરે ખરું. આવા વાક્યો લખઈ ને તેનો અમલ કરાવવામાં પણ તંત્ર સજાગ થાય અને આવા વાક્યોનો અમલ કરવા પણ જનતા સકારાત્મક અભિગમ દાખવે તો આવકાર દાયક રહેશે. બાકી અઢી ટિકીટ લઈ ત્રણની સીટ ઉપર કબ્જો કરનારા બિન્દાસ બસમાં આરામથી મુસાફરી કરશે ને આખી ટીકીટ લઈ ઉભા ઉભા મુસાફરી કરનારા નિસાસા નાખ્યા કરશે.

અસલી દિવાળીની અસલી શુભેચ્છા..!


“નકલી માવાની મિઠાઈ”
“નકલી ઘી ના દિવા”
“નકલી દૂધની બાસુંદી”
“નકલી ચલણી નોટો”
અને
“ચાઈનીઝ ફટાકડાની આતીશબાજી”

તમારું દિવાળી પર્વ ન બગાડે તેવી હાર્દિક શુભેચ્છા…!

 

“જ્યારે બધા ગરબા ગાવાનું બંધ કરે,ત્યારે અમે ચાલુ કરીયે છે..!”


..રાત્રે ૧૨ કલાક પછી ગરબા ગાવાનો,લાઊડ સ્પીકર વગાડવાનો પ્રતિબંધ હોવા છતા પણ અમારા ગામમાં બિન્દાસ રાત્રે ૧૨ વાગ્યા પછી પણ ગરબા ચાલું જ હોય છે,આટલું કાંઈ નથી ખરેખર કહું તો રાત્રે ૧૨ કલાકે ગરબા ચાલું થાય છે, તેમ કહીશ તો પણ અતિરેક નહિ હોય રાત્રીના ૧૧ કલાકે પોતાના ઘરેથી ખેલૈયાઓ સજી ધજીને નિકળી પળે છે ને ગરબા સ્થડે આવે છે,ગરબા જામતા લગભગ ૧૨ તો વાગીજ જાય ને પછી રાત્રે ૨ વાગે રીશેશ ને પછી પણ ખેલૈયાનો મુડ જણાય તો સવારના ૪ પણ વાગી જાય અને હા…છેલ્લે દિવસે તો વાત જવાદો કદાચ ગરબા ગ્રાઊન્ડ તરફથી તમે વોકીંક કે જોગીંગ માટે જાવ તો ઢોલીંડા ઢોંલ રે વગાડ મારે હિંચ લેવી છે, તેવા સુરો પણ તમારા કાન ને અથડાય તેમાં નવાઈ નહી.

એટલેજ કહું છું,  જહાં સે સબ સોચના બંધ કરતે હૈ, વહાં સે હમ સોચના શુરુ કરતે હૈ. ડાયલોગ થી પ્રેરીત એક નવો ડાયલોગ અમારા ગામ માટે ખુબ યોગ્ય લાગે છે.

“જ્યારે બધા ગરબા ગાવાનું બંધ કરે,ત્યારે અમે ચાલુ કરીયે છે..!”

આ બાબતે ગુજરાતના મારા પ્રિય શહેર વડોદરામાં સરસ નિયમો છે, મજાલ છે કોઈની રાત્રે બાર કલાક પછી ગરબા રમે…?  ખેર…જવાદો..વર્ષમાં બે-ચાર ડાહડા આવા જાય પણ મઝા આવે છે.

જબરો તારો મોબાઈલ નંબર….!


મોબાઈલનો ઉપયોગ દિવસે ને દિવસે ખુબ વધવા લાગ્યો છે, ત્યારે હવે મોબાઈલ ફોનમાં સીરીઝ પણ બદલાવા લાગી છે સામાન્ય રીતે મોબાઈલ નંબર ૯૨,૯૩,૯૪,૯૫,૯૬,૯૭,૯૮,કે ૯૯ ની સીરીઝથી શરૂં થાય છે, પણ હમણા એક મિત્રએ રીલાયન્સનો નવો ફોન અને નવો નંબર લીધો અને મારા મોબાઈલ પર તેનો નવો નંબર દર્શાવતો એસ.એમ.એસ આવ્યો નંબર જોઈ હું તો અચરજમાં પડી ગયો નં-૮૦૦૦૨૬૮*** હતો, મને લાગ્યુ ભુલથી આવો નંબર આવ્યો હશે પણ એસ.એમ.એસ માં સેન્ડર તરીકે પણ તેજ નંબર ડિસપ્લે થયો જેથી હું વધારે અચરજમાં મુકાયો મે પછી તરત તેને તે જ નંબર ડાયલ કર્યો ને કહ્યુ કે લ્યા..આ કેવો નંબર છે…? ૮૦૦૦૦૨૬૮***  આ કઈ કંપનીનોપ નંબર છે..? તેને કહ્યુ ભાઈ,આપણા ધીરુભાઈ વાળી રિલાયન્સ નોજ નંબર છે સીરીઝ બદલાઈ ગઈ છે…!

પછી મારા મ્હોમાં થી વાક્ય  પડી ગયુ ” જબરો તારો મોબાઈલ નંબર ”

ખરેખર આજે અહેસાસ થયો કે મોબાઈલનું ચલન ખુબ વધી ગયુ છે…!

…નહિતો વગર મંદીએ મોલમાં તાળા લાગી જશે..!


હવે “મોલ” કલ્ચરનું ચલણ વધવા માડ્યુ છે કેટલીક જગ્યાએ “મોલ”ના વળતા પાણી પણ થયા છે.જ્યારે મોલમાં સસ્તા ભાવે વસ્તુઓ મળતી હોવાથી સામાન્ય અને રોકકડ ખરીદી કરતા લોકો “મોલ”માં થી વસ્તુ ની ખરીદી કરવા વધુ આગ્રહ રાખતા હોય છે વિશાળ સંકુલમાં આકાર પામતા મોલમાં વહિવટ કરવો ખુબ મુશેકલી ભર્યુ કામ છે છતા પણ આટલા બધા મોટા મોલનો સફળ વહિવટ ટેક્નોલોજીને સહારે થઈ જાય છે તેમાં પણ કેટલીક ખામીઓ રહી જતી હોય છે. આજે આપણે અહિયા ચર્ચા કરીશું “મોલ”ના વહિવટી તંત્ર ધ્વારા રહી ગયેલી ખામીઓની.

મોલ માલિકોને છેતરવા માટે લોકો કેવા કેવા ગતકડાં કરતા હોય છે તે જાણશો તો મોં માં આંગળા નાખતા રહી જશો પણ હા..તમે ક્યારે પણ આ ગતકડાં ના કરશો પાછા..!

 તમે જાણો છો તેમ મોલમાં બહુ મોટા પ્રમાણમાં વસ્તુઓ મળતી હોય છે બધી વસ્તુઓના ભાવ યાદ રાખવા જે તે વસ્તુની સ્કીમ યાદ રાખવી મોલના સ્ટાફ માટે ખુબજ અઘરી બાબત છે, જેના માટે મોલમાં વેચવામાં આવતી તમામ વસ્તુઓ ઉપર બારકોડ સ્ટીકર મારવામાં આવે છે. જેથા આધારે વસ્તુની કિંમત નક્કી થાય છે, આ માટે પહેલેથી મોલ માલિકો તમામ વસ્તુઓના બારકોડના આધારે જે તે વસ્તુનો ભાવ કોમ્પ્યુટરમાં ફીટ કરી દે છે અને જ્યારે આપણે જે તે વસ્તુ ની ખરીદી કરીએ ત્યારે તે વસ્તુનું બારકોડ સ્ટીકર મશીન આગળ ધરતાની સાથે તેનો ભાવ કોમ્યુટરમાં આવી જાય છે આમ સરળતાથી મોલનો સ્ટાફ વસ્તુનો ભાવ યાદ રાખ્યા વગર ભૂલ રહિત ચોખ્ખો વહુવટ કરી શકે છે.

મોલમાં કોઈ ગફલત ન થાય તે માટે ખુણે ખાંચરે કેમેરા પણ મુકવામાં આવે છે,પરંતુ તેનું મોનીટરીગ ન થતુ હોવાને કારણે કેમેરા છેલ્લેતો કારગર સાબિત નથી થતા,ત્યારે સુરક્ષામાં રહેલી ખામીઓનું કેટલાક બદમાશો બારિકાઈથી અવલોકન કરી આ મોલ વાળાને છેતરવામાં સફળ થી જતા હોય છે.

-જ્યારે આપણે મોલમાં જઈયે છે ત્યારે કોઈ પણ વસ્તુ અંદર લઈ જવાની મનાઈ ફરમાવામાં આવે છે,કારણ કે કોઈ થેલી કે પાકીટમાં નાની વસ્તુ મુકી દે તો મોલ વાળા તેનું ધ્યાવ રાખી શકતા નથી,પરંતુ ક્યારે વિચાર્યુ છે કે વિના કોઈ હેન્ડબેગ કે થેલી વગર મોલમાં થી કેટલાક બદમાશો વસ્તુ લઈ આબાદ છટકી જાય તો…? તમે બરાબર વાંચ્યુ છે તમે હેન્ડબેગ વગર મોલની કેટલીક વસ્તુ લઈ આબાદ મોલની બહાર જઈ શકો છો અને પકડાવાની વાતતો બાજુમાં તમારા ઉપર કોઈને શક પણ નહિ પડે,મોલમાં કપડાં મળતા હોય છે આ કપડા પહેરવા માટે ટ્રાયલ રુમની પણ સઘવડ હોય છે.જો તમે તમારા પહેરેલા પેન્ટની નીચે મોલનું નવું પેન્ટ પહેરીલો તો લઘભગ કોઈને ખબર નથી પડતી,તેવીજ રીતે અન્ડરવેર,માં પણ આ કિમીયો કારગર સાબિત થાય છે,ત્યારે મોલના સિક્યોરીટીવાળાની બાઝ નજર પણ સ્વભાવિકરીતે કામ કરતી નથી.

બીજુ કે તમે મોલમાં જાવ અને અવનવી ખાવાની આઈટમ મફતમાં ખાવાનું મન થાય તો…? અરે ભાઈ તે પણ સક્ય છે પણ આ “મફત”માં નહિ પણ જે તે વસ્તુ એક વાર ખરીદી કરો પછી જેટલીવાર ખાવી હોય તેટલીવાર ખાઈ શકો છો,હા તમે બરાબર વાચ્યું દા.ત તમને મોલમાં કોઈ ચોકલેટ ગમી ગઈ જેનો ભાવ રુપિયા.૫૦ છે,જે તમારે ખરીદી તેનું બિલ લઈ જરુરી સિક્કો મરાવી તે ચોકલેટ ખાઈ લેવાની,પછી ફરી તેજ ચોકલેટ વિના પૈસા આપે તમે ખાઈ શકો છો જો કોઈ મોલનો સુપરવાઈઝર તમને આ અંગે રોકેટોકે તો ફટ લઈ જુનુ બિલ બતાવી તમે બિન્દાસ છટકી શકો છો.આમ એક વસ્તુની ખરીદી કરી તેનું બિલ સાથે રાખી તમે તેની તેજ વસ્તુ વરંવાર મોલમાં ને મોલમાં ખાઈ શકો છો.આમ તો મોલમાં વેચાતી વસ્તુ ત્યા ખાવા પર પ્રતિબંધ હોય છે પણ જો તમારી પાસે જે તે વસ્તુનું બિલ હોય તો તમે તે ખાઈ શકો છો.

અન્ય કે આપણે અગાઊ વાત કરી તેમ મોલમાં બારકોડ થી ભાવ નક્કી થાય એ પણ કેટલીક વસ્તુઓ તેવી હોય છે,જેમાં ઉત્પાદનકર્તા જે તે વસ્તુ પર બારકોડના સ્ટીકર લગાવી શકતા નથી દા.ત ચંપલ,કપડા પ્લાસ્ટીકના ઉત્પાદનો વગેરે આવી મોંઘી વસ્તુ પણ કેટલાક બદમશો  સસ્તાભાવ આપી આબાદ છટકી જતા હોય છે. મોલમાં કોઈ ચંપલની કિંમત ૭૦૦ રુપિયા છે અને કોઈ વ્યક્તિને તે ચંપલ ગમી જાય તો આ ચંપલ ઉપર મારેલ બારકોડનું સ્ટીકર ઉખાડી અન્ય ૧૦૦ રુપિયાના ચંપલ પરના બારકોડ સ્ટીકર ઉપર લગાવી દેવામાં આવે અને ૧૦૦ રુપીયાના ચંપલ ઉપર મારેલ બારકોડનું સ્ટીકર ૬૦૦ રુપીયાના ચંપલ ઉપર લગાવી દેવામાં આવે તો જ્યારે જે તે વ્યક્તિ કાઊન્ટર ઉપર બીલ બનાવા જાય ત્યારે આ બારકોડને આધારે તેનો ભાવ સ્ટાફનો માણસ કોમ્યુટરમાં નાખે છે પરિનામે ૬૦૦ના ચંપલ તમે માત્ર ૧૦૦માં લઈ આબાદ છટકી શકો છે.તેવીજ રીતે કોઈને ૧૦૦ ના ચંપલ પણ બારકોડ સ્ટીકરની ટ્રીકને કારણે ૬૦૦માં પણ પડે છે.

આમ મોલમાં કેમેરાની આંખો નીચે પણ કેટલાય બદમાશો પોતાની ટ્રીક અજમાવી દેતા હોય છે, જ્યારે તેઓ કેટલીકવાર સફળ તો કેટલીકવાર નિષ્ફ પણ નિવડતા હોય છે. પણ મોલ માલિકેતો આવા બદમાશોની તિરછી નજર ઉપર કાયમ બાઝ નજર રાખવી પડશે નીતો એ દિવસો દુર નથી કે જ્યારે મંદિ પણ નહી હોય છતા પણ મોલને તાળા વાગતા હશે..!

ઘર તોડો,ઘર જોડો અભિયાન-સીર્ફ “સ્ટાર પ્લસ” પર….


"આપકી કચેરી"

"આપકી કચેરી"

"સચ કા સામના"

"સચ કા સામના"

થોડા દિવસો પહેલા સ્ટાર પ્લસ ઉપર “સચ કા સામના” કાર્યક્રમ શરુ થયો હતો,જેને લઈને અનેક વિખવાદ શરુ થયા હતા,લોકો કહેતા હતા કે “સચ કા સામના” કાર્યક્રમમાં ગમેતેવા પ્રસ્નો પુછવામાં આવે છે,જેને કારણે લોકોના ઘર પણ તુટી જાય છે.જ્યારે કેટલાય વિરોધના વચ્ચે આજે પણ “સચ કા સામના”કાર્યક્રમ પુરજોશમા ચાલી રહ્યો છે.ત્યારે ગમેતેવા પ્રસ્નો કરી લોકોનું ઘર તોડતા આ કાર્યક્રમને લઈ થોડી બબાલ થતા સ્ટાર પ્લસ વાળએ લોકોના ઘર જોડતો એક કાર્યક્રમ પણ સરુ કર્યો છે,હજુ ના સમજ્યા “આપકી કચેરી” વિથ કીરણ બેદી…..

જોયુ ને થઈ ગયો હિસાબ બરાબર રાત્રે ૧૦.૩૦ ઘર તોડવાના ને બીજા દિવસે રાત્રે ૮.૦૦ કલાકે ઘર જોડવાના આજ છે સ્ટાર પ્લસની ખાસીયત….તો બસ જોતા રહો સ્ટાર પ્લસ.

%d bloggers like this: