આપણું ઉમરેઠ ( Since 2009 )

ચરોતરનો ઉંબરો..

Category Archives: ઉમરેઠને લગતું…

આગરવા ખાતે મફત નેત્ર નિદ્દાન શિબિરનું આયોજન


જરૂરિયાત મંદવાળા દર્દીઓને ઓપરેશન પણ વિનામુલ્યે કરવામાં આવશે.

eye-camp.jpg

સ્વ.જયંતિલાલ (મંગુભાઈ) ચંદુલાલ શાહની પ્રથમ પુણ્યતિથિ નિમિત્તે પ્રમુખ સ્વામિ મેડીકલ કોલેજ શ્રી કૃષ્ણ હોસ્પિટલ (આંખ વિભાગ) કરમસદના સહયોગથી તા.૩૦.૧.૨૦૧૮ને મંગળવારના રોજ સવારે ૯ થી ૧ કલાકે પંચાયત ઓફિસ આગરવા ખાતે મફત નેત્ર નિદાન શિબિરનું આયોજન કરવામાં આવ્યું છે.  કેમ્પમાં શ્રી કૃષ્ણ હોસ્પિટલ કરમસદના નિષ્ણાંત ર્ડોક્ટરશ્રીઓ પોતાની સેવા આપશે. આ કેમ્પમાં આંખને લગતા તમામ રોગોનું નિદાન કરવામાં આવસે તેમજ જરૂરિયાતમંદ વાળા દર્દીઓને આંખનું ઓપરેશન પણ વિનામુલ્યે શ્રી કૃષ્ણ હોસ્પિટલ કરમસદ ખાતે કરી આપવામાં આવશે.મોતિયાના દર્દીઓ માટે ટાંકાવાળું તેમજ ટાંકા વગરનું ફેકો પધ્ધતિથી પણ ઓપરેશન  ની સુવિધા સદર કેમ્પમાં ઉપલબ્ધ છે તેમજ આંખનું દાન કરવા ઇચ્છતા લોકો માટે કેમ્પમાં ફોર્મ પણ ઉપલબ્ધ રહેશે. આ કેમ્પનો લાભ લેવા ઇચ્છતા લોકો નામ નોંધાવવા માટે સંજયભાઈ (સેક્રેટરી) દૂધની ડેરી (આગરવા), બ્રહ્માણી પ્રોવિઝન સ્ટોર્સ (આગરવા),ગોપાલભાઈ નટવરલા શાહ – અનાજના વહેપારી ઈ(આગરવા),ભરતભાઈ ઠાકોરભાઈ પટેલ (વણુતિ), તેમજ મનોજભાઈ અરવિંદભાઈ પટેલ (રખિયાલ)નો સંપર્ક કરે તેમ એક યાદીમાં મિતેષભાઈ જયંતિલાલ શાહ – (આગરવાવાળા)એ જણાવ્યું હતુ.

Advertisements

Special Collection of Bridal Wear Chaniya Choli In silk City Umreth


Special Collection of Bridal Wear Chaniya Choli
Many More Designs Also Available at …
Gandhi Dhirubhai Jitendrakumar
Nr bank of baroda , kharadi ni kodh
Umreth – 388220

 

ઉમરેઠ – સંતરામ મંદિરમાં પોષી પૂનમ નિમિત્તે સાંકર-બોર વર્ષા કરાઈ.


– શ્રી ગણેશદાસજી મહારાજ સહીત સંતરામ મંદિરની વિવિધ શાખાના સંત-મહંત વિશેષ ઉપસ્થિત રહ્યા અને મહા-આરતીનો લાભ લીધો.

ઉમરેઠ સંતરામ મંદિરમાં છેલ્લા કેટલાય વર્ષો થી પોષી પૂનમના દિવસે સાંકર-બોર ઉછામણી કરવાની પરંપરા છે. એક માન્યતા છે કે બાળક તેની ઉંમર પ્રમાણે બોલતુ ન હોય તો સંતરામ મંદિરમાં સાકર-બોર વર્ષા કરવાની બાધા રાખવામાં આવે તો તે બાળક જલ્દી બોલત્તું થાય છે. આજે સંતરામ મંદિર ઉમરેઠમાં મોટી સંખ્યામાં ઉમરેઠ સહીત આજૂબાજૂના ગામના લોકોએ સાંકર બોર ઉછામણી કરવાની બાધા રાખી હતી તો કેટલાય લોકોએ બાધા પૂર્ણ કરવા માટે સંતરામ મંદિરમાં સાંકર બોર વર્ષા કરી હતી. કેટલાક બાળકો પાંચ વર્ષના થાય પછી પણ મમ્મી પપ્પા જેવા શબ્દો બોલી શકતા નથી. બાળકોને જલ્દી બોલતા પણ આવડતું નથી આવા બાળકોના માતા પિતા સંતરામ મંદિરમાં પોષી પુનમે સાંકર બોર ઉછાળવાની બાધા રાખતા હોય છે. માન્યતા છે કે સંતરામ મંદિરમાં પોષી પુનમે સાંકર બોર વર્ષા કરવાથી પોતાનું બાળક જલ્દી બોલતું થાય છે. દર વર્ષે સંતરામ મંદિરની વિવિધ શાખાઓમાં સાંકર બોર વર્ષા કરવામાં આવે છે. ખાસ કરીને ઉમરેઠ, કરમસદ,કાલસર અને નડિયાદમાં સાંકર વર્ષામાં મોટી સંખ્યામાં ભક્તો એકઠા થતા હોય છે, અને પોતાનું બાળક જલ્દી બોલતું થાય તેવી બાધા રાખતા હોય છે અને જેઓનું બાળક બોલતું થઈ ગયું હોય તે પોતાની બાધા પૂર્ણ કરવા બોર-સાંકર વર્ષા કરતા હોય છે. સાકર વર્ષા નિમિત્તે આજે સંતરામ મંદિરમાં ભંડારાનું આયોજન કરવામાં આવ્યું હતુ. ઉમરેઠ સહીત આજૂબાજૂના ગામના લોકોએ ભંડારામાં મહાપ્રસાદનો લાભ લઈ ધન્યતા અનુભવી હતી. આજે ગણેશદાસજી મહારાજના સાનિધ્યમાં થયેલ સાંકર વર્ષામાં સંતરામ મંદિરની વિવિધ શાખા મહંતશ્રીઓ, તેમજ પરમાનંદભાઈ પટેલ (સુર્ય પરિવાર-ઓડ),દેવાંગભાઈ પટેલ (ઈપ્કોવાળા-નડિયાદ),ભુપેન્દ્રભાઈ પટેલ,રજનીભાઈ પટેલ વિશેષ ઉપસ્થીત રહા હતા.

 

જાણો ઉમરેઠમાં કેવી રીતે નાતાલ પર્વની થઈ ઉજવણી.


x2_n.jpg

ઉમરેઠમાં નાતાલ પર્વની ઉજવણી ઉત્સાહભેર કરવામાં આવી હતી. આ સમયે ઉમરેઠની સેન્ટ ઝેવિયર્સ સ્કૂલ માંથી નાતાલ પર્વની ઉજવણીના ભાગરૂપે શોભાયાત્રા નિકળી હતી જેમાં શાળાના બાળકો મોટી સંખ્યામાં જોડાયા હતા. ડીજે ના તાલ સાથે લોકો ઝુમી ઉઠ્યા હતા. શાળા માંથી નિકળેલ ઝુલુસ નગરના વિવિધ વિસ્તાર માં ફર્યુ હતુ જેમાં વિવિધ ઝાંખીઓ પ્રદર્શીત કરવામાં આવી હતી જે આકર્ષનનું કેન્દ્ર બની હતી. અંતે શોભાયાત્રા પુનઃ સ્કૂલ ખાતે પહોંચી સમાપન કરાયું હતું. બીજી બાજૂ ગતરોજ ઉમરેઠના ચર્ચ ખાતે મોટી સંખ્યામાં ખ્રિસ્તી સમુદાયના લોકો પ્રાર્થના અર્થે પહોંચ્યા હતા અને પોતાના ખ્રિસ્તી ભાઈ-બહેનોને નાતાલ પર્વની શુભેચ્છા વ્યક્ત કરી હતી. નગરના સેન્ટ ઝેવિયર્સ સ્કૂલ તેમજ સ્ટેશન રોડ વિસ્તારમાં આવેલ ચર્ચમાં સમુદાયના લોકોએ પ્રાર્થના બાદ નાતાલ પર્વ ઉજવ્યું હતુ. હવે સૌ કોઈ નવા વર્ષની ઉજવણી કરવા થનગનાટ કરી રહ્યા છે. નાતાલ પર્વને લઈ સમગ્ર ઉમરેઠ પંથકમાં ઉત્સાહનો માહોલ છે.

ઉમરેઠ – ટ્રક અને ટ્રક ચાલકનો જીવ થયો અધ્ધર…!


TRUCK.jpg

ઉમરેઠમાં સમી સાંજે લાલદરવાજા વિસ્તારમાં એક ટ્રક સાથે થયેલ વિચિત્ર બનાવને લઈ પ્રથમ દ્રષ્ટીએ લોકો ભયભીત થઈ ગયા હતા પણ ટ્રક નજદીક જઈ ખરી પરીસ્થીતી જોતા સૌ કોઈ હસવા લાગ્યા હતા. બન્યુ તેવું હતુ કે એક લાકડા ભરેલી ટ્રક લાલ દરવાજા વિસ્તારમાં વજન કાંટે લાકડાનું વજન કરાવવા જઈ રહી હતી જ્યાં રસ્તા ની બાજુમાં વજન કાંટા પર જવા ટ્રકે વળંક લીધો ને તરત ટ્રક આગળ ની બાજુ થી ઉંચી થઈ ગઈ હતી. અચાનક ટ્રક અધ્ધર થઈ જતા ડ્રાઈવર પણ વિસામણમાં મુકાયો હતો અને તેનો જીવ અધ્ધર થઈ ગયો હતો. હકીકતમા ટ્રકમાં લાકડા ઓવર વેઈટ હોવાને કારણે રસ્તા પર થી ટ્રક વજન કાંટા સાઈડ જતા પાછળની બાજૂ નમી પડી હતી ટ્રકની ટ્રોલી થી પણ લાકડા મોટા હોવાને કારણે લાકડા જમીન સુધી અડકે ત્યાં સુધી આગળની બાજુ થી ટ્રક ઉંચી થઈ જતા ડ્રાઈવર ગભરઈ ગયો હતો પરંતુ આખરે ટ્રક નમતી અટકી પડતા સમય સુચકતા વાપરી ટ્રક ડ્રાઈવર ઉતરી ગયો હતો અને રાહતનો શ્વાસ લીધો હતો. દૂર થી સદર ઘટના જોતા સૌ કોઈ ચીંતાતુર થઈ ટ્રક નજદીક દોડી આવ્યા હતા પરંતુ ટ્રક આગળ ની બાજૂ અધ્ધર અને ડ્રાઈવરને સલામત જોઈ સૌ કોઈના મોઢે હાસ્ય નું મોજૂ ફરી વળ્યું હતું. (વિવેક દોશી, ઉમરેઠ)

બાકરોલ રોડ પર અકસ્માતમાં મૃત્યુ પામનાર… મૈત્રી તલાટીને શ્રધ્ધાંજલી અર્પણ કરવા હજારો લોકો રેલીમાં જોડાયા..!


– આણંદની સામાજિક તેમજ સ્વૈછીક સંસ્થા સહીત પૂર્વ ધારાસભ્ય રોહીતભાઈ પટેલ, મૈત્રીની સ્કૂલના આચાર્ય અને શિક્ષકો તેમજ વિદ્યાર્થીઓ અને ખડાયતા સમાજના અગ્રણીઓ ઉપસ્થીત રહ્યા.

આણંદ બાકરોલ માર્ગ પર સ્પોર્ટ્સ રેસર બાઈકની ટક્કરે બે દિવસ પહેલા જ મૈત્રી તલાટી નામની એક યુવતિનું અકસ્માતમાં મોત થયું હતું. મૃતક મૈત્રી તલાટી ને શ્રધ્ધાંજલી વ્યક્ત કરવા માટે અને આણંદમાં બેફામ અને છાગટા બનેલા બાઈકર્સો સામે તંત્ર યથા યોગ્ય પગલા ભરી તેઓ ઉપર લગામ કશે તેવો સંદેશો આપવા માટે આણંદની સામાજિક સંસ્થાઓ દ્વારા ટાઉન હોલ ખાતે થી હાર્ટ કીલર મેદાન સુધી મૌન રેલીનું આયોજન કરવામાં આવ્યું હતું. રેલીમાં મૈત્રી તલાટીના સ્વજનો-મિત્રો સહીત આણંદના પૂર્વ ધારાસભ્ય રોહીતભાઈ પટેલ, ખડાયતા સમાજના અગ્રણીઓ, અને આણંદની વિવિધ સામાજિક સંસ્થા, મૈત્રીની સ્કૂલના આચાર્ય તેમજ શિક્ષકો અને વિદ્યાર્થીઓ મોટી સંખ્યામાં ઉપસ્થીત રહ્યા હતા અને શાંતિ પૂર્ણ રીતે રેલી સ્વરૂપે “મીસ યુ મૈત્રી”, “લવ યુ મૈત્રી” , “જસ્ટીસ ટુ મૈત્રી” જેવા સાઈન બોર્ડ બેનર સાથે હાર્ટ કીલર મેદાન સુધી પહોંચ્યા હતા. મૈત્રીના માતા પિતાની આ સમયે આંખો ભીની થઈ ગઈ હતી. ર્રેલી હાર્ટ કીલર મેદાને પહોંચતા કેન્ડલ પ્રગટાવી ઉપસ્થીત લોકોએ મૈત્રીને શ્રધ્ધાંજલિ અર્પણ કરી હતી. ઉલ્લેખનીય છે કે, અકસ્માત કરનાર યુવાન એક યુવતિને બેસાડી સ્પોર્ટ રેસર બાઈક લઈને બેફામ રીતે બાઈક હંકારતો હતો. આ સમયે બાકરોલ રોડ પર વ્રજવંદન સોસાયટીમાં જવા માટે પોતાના ભાઈ સાથે રસ્તા પર રોડ ક્રોસ કરવા પોતાના એવીયેટર પર મૈત્રી રાહ જોઈ ઉભી હતી ત્યારે અચાના કાળબની આવેલા આ બાઈક સવાર યુવાને તેને ટક્કર મારતા મૈત્રી પચ્ચાસ ફુટ દૂર જઈ પડી હતી અને ઘટના સ્થળે જ તેનું મોત થયું હતુ જ્યારે તેના ભાઈ દેવને પગના અને માથાના ભાગમાં ગંભીર ઈજાઓ પહોંચતા તેને હોસ્પિટલ ખસેડાયો હતો મૈત્રીનો ભાઈ દેવ હજૂ પણ હોસ્પિટલમાં સારવાર પર છે અને તેની એક સર્જરી પણ કરાઈ છે. જ્યારે અકસ્માત કરનાર યુવાનને ઓછી વધતી ઈજા થઈ હતી જે અકસ્માત બાદ રસ્તા વચ્ચે ડીવાઈડર પર બેસી ગયો હતો પરંતુ તેને કોઈને કોલ કર્યાના થોડા જ સમય માં પોલીસના સાયરન સાથે એક કથીત કાર આવી તેને લઈ ગઈ હતી જ્યારે તેની પાછળ બેઠેલી યુવતિને પણ સામાન્ય ઈજાઓ પહોંચી હતી અને તેને પણ એક કાર આવીને લઈ ગઈ હતી.

ગુન્હાઓ સામે અવાજ ઉઠાવવા સમાજે જાગૃત થવું જોઈયે – રોહીતભાઈ પટેલ

મૈત્રી તલાટીનું અકસ્માતમાં મોત થતા તેઓને શ્રધ્ધાંજલી અર્પણ કરવા રેલીમાં આણંદના પૂર્વ ધારાસભ્ય રોહીતભાઈ પટેલ પણ ઉપસ્થિત રહ્યા. આ સમયે તેઓએ જણાવ્યું હતુ કે ગુન્હાઓ સામે અવાજ ઉઠાવવા સમાજે જાગૃતતા લાવી જરૂરી છે, જો આમ થશે તો સમાજ માંથી આવા ગુન્હાઓ કરનાર ડરશે. તેઓએ મૈત્રીના માતા-પિતા અને પરિવારજનોને આશ્વાસન પાઠવી મૈત્ર્રીને શ્રધ્ધાંજલી અર્પણ કરી હતી. (બોક્સ મેટર)

ગેટ વેલ સુન દેવ..!

આણંદમાં મૈત્રીને શ્રધ્ધાંજલી અર્પણ કરવા માટે માત્ર મૈત્રીના જ નહી પરંતુ મૈત્રીના ભાઈ દેવના પણ સહપાઠીઓ હાજર રહ્યા હતા. ઉલ્લેખનીય છે કે દેવ સદર અકસ્માતમાં ગંભીર રીતે ઘાયલ થયો છે અને હાલમાં તે આણંદ ઓર્થોપેડીક હોસ્પિટલમાં સારવાર હેઠળ છે તેના જમના થાપે સર્જરી પણ કરવી પડી છે. ત્યારે દેવના મીત્રો ગેટ વેલ સુનના બેનર સાથે રેલીમાં જોડાઈ પોતાની સંવેદના પ્રગટ કરી હતી. (બોક્સ મેટર)

દેવને મૈત્રીના મૃત્યુ અંગે જાણ નથી કરી – રૂપેશ તલાટી

બાકરોલ રોડ ઉપર અકસ્માતમાં મોતને ભેટનાર મૈત્રીના  અવસાન અંગે હજૂ તેના ભાઈ દેવને જાણ કરાઈ નથી તેમ જણાવતા મૈત્રીના પીતા રૂપેશભાઈએ જણાવ્યું હતુ કે, દેવ હાલમાં સારવાર હેઠળ છે અને તેની સર્જરી પણ કરવામાં આવી છે જેથી તેને આઘાત ન લાગે તે હેતુ થી હજૂ તેને મૈત્રીના મૃત્યુ અંગે જાણ કરી નથી. ર્ડોક્ટરની સલાહ લઈને યથા યોગ્ય સમયે દેવને મૈત્રીન અવસાન અંગે જાણ કરીશું.

બાકરોલ રોડ પર અકસ્માતનો ભોગ બનનાર યુવતિની સ્મશાનયાત્રામાં સ્વજનોનું આક્રંદ


બાકરોલ રોડ પર ગત રાત્રીના થયેલા ગમખ્વાર અકસ્માતમાં મૃત્યુ પામનાર મૈત્રી તલાટીની આજે સવારે ૧૦.૩૦ કલાકે બાકરોલ રોડ પર આવેલ વ્રજવંદન સોસાયટી ખાતે થી સ્મશાનયાત્રા નિકળી હતી. સ્મશાનયાત્રામાં મોટી સંખ્યામાં સ્વજનો અને પરિવારજનો ઉમટી પડ્યા હતા. હસતી રમતી બાળકીને પલ વારમાં ખોવી દેતા તેના પરિવારજનોએ હૈયાફાટ રૂદન કર્યું હતું આ સમયે વાતાવરનમાં ગમગીનતા પ્રસરી ગઈ હતી અને સૌ કોઈના મોઢે અકસ્માત કરનાર નબીરા પર આક્રોશ દેખાઈ રહ્યો હતો. ઉલ્લેખનીય છે કે ગઈકાલે સાંજના સુમારે મૈત્રી તલાટી પોતાના ટુ-વ્હિલર પર ભાઈને ટ્યુશન થી લઈને ઘરે જઈ રહી હતી જ્યારે મુખ્ય માર્ગ થી ડીવાઈડર પાસે રોડ ક્રોસ કરવા રાહ જોઈને તે એક્ટીવા પર ઉભી હતી ત્યાં અચાનક એક સ્પોર્ટ્સ બાઈક લઈને લગભગ દોઢસો ની સ્પીડ થી કેવીન રીકીનભાઈ પટેલ (ઉ.૨૩) નામનો યુવાન ઘસી આવ્યો હતો અને મૈત્રીના એક્ટીવાને ટક્કર મારી હતી. બાઈક ચાલક યુવાન અને તેની પાછળ બેઠેલી અજાણી યુવતિને વધતા ઓછા પ્રમાણમાં ઈજાઓ પહોંચી હતી જ્યારે સામે બાજૂ એક્ટીવા પર સવાર મૈત્રી તલાટીને ટક્કર વાગતા લગભગ પચ્ચાસ સાઈઠ ફુટ ઉછડીને પડતા તેનું મોત નિપજ્યું હતુ જ્યારે તેના ભાઈને જમના થાપાના ભાગમાં ઈજા થતા આણંદ ઓર્થોપેડીક હોસ્પિટલમાં આજે ઓપરેશન કરવામાં આવ્યું હતું.

સ્કૂલમાં વાર્ષિકોત્સવ બંધ રહ્યો..!

મૈત્રી તલાટીનું અકસ્માતમાં મોત થતા આજે તેની સ્કૂલનો એન્યુઅલ ડે સ્કૂલ સંચાલકોએ રદ્દ કર્યો હતો. સ્કૂલના શિક્ષકો તેમજ શિક્ષિકાઓ અને તેના સહપાઠીઓ મોટી સંખ્યામાં સ્મશાનયાત્રામાં જોડાયા હતા. સ્મશાનયાત્રા નિકળી તે સમયે વાતાવરણ ગમગીન બની ગયું હતુ અને સૌ કોઈના ચહેરા પર બેફામ બાઈક હંકારનાર યુવક ઉપર આક્રોશ દેખાઈ રહ્યો હતો.

ફરિયાદ ન લેવા માટે રાજકિય અને ધાર્મિક અગ્રણીઓનું પોલીસને દબાણ

અકસ્માત કરનાર બાઈક ચાલક શ્રીમંત કુંટુંબનો નબીરો હોવાને કારણે તેને છાવરવા માટે રાજકિય તો ઠીક પરંતું કેટલાક ધાર્મિક અગ્રણીઓ પણ પોલીસ સ્ટેશનમાં ટાંટીયા અડાડવા લાગ્યા હતા. પરંતુ અકસ્માતનો ભોગ બનનાર યુવતિના પરિવારજનોની ફરિયાદ આખરે પોલીસ સ્ટેશનમાં નોંધાઈ ગઈ હતી. હવે પોલીસ તંત્ર આ નબિરાને છાવરશે કે પછી અકસ્માતનો ભોગ બનનાર યુવતિને ન્યાય મળે તે માટે યોગ્ય કાર્યવાહી કરશે તે આવનારો સમય જ બતાવશે.

ઉમરેઠ વલ્લભ યુથ ઓર્ગેનાઈઝેશન દ્વારા પ્રભુ પધરામણી કાર્યક્રમ યોજાયો.


vyo02.jpg

વલ્લભ યુથ ઓર્ગેનાઈઝેશન ઉમરેઠ દ્વારા ગતરોજ ઉમરેઠની દશ ખડાયતાની વાડી ખાતે મહીલા પાંખ દ્વારા પ્રભુ પધરામણી કાર્યક્રમનું આયોજન કરવામાં આવ્યું હતું. આ પ્રસંગે વલ્લભ યુથ ઓર્ગેનાઈઝેશન ઉમરેઠ શાખાની મહીલાઓ દ્વારા ભજન-કિર્તન સહીત પ.પુ.ગો.શ્રી ૧૦૮ વ્રજરાજકુમાર મહોદયશ્રીનું વચનામૃત અંગે ચર્ચા વિચારણા કરી હતી અને મહીલાઓએ પોતાના ધર્મિક જ્ઞાનની આપ-લે કરી હતી. પ્રભુપધરામણી કાર્યક્રમમાં મોટી સંખ્યામાં વલ્લભ યુથ ઓર્ગેનાઈઝેશનની મહીલાઓ ઉપસ્થીત રહી હતી.પ્રભુપધરામણી બાદ વલ્લભ યુથ ઓર્ગેનાઈઝેશનની સામાન્ય સભા મળી હતી જેમાં ભૂતકાળમાં સંસ્થા દ્વારા કરવામાં આવેલ વિવિધ પ્રોજેક્ટ અંગે ચર્ચા સહીત આગામી સમયમાં યોજાનાર કાર્યક્રમ તેમજ શ્રીનાથજી પ્રવાસ અંગે ચર્ચા કરાઈ હતી. આ સમયે સભ્યો દ્વારા વલ્લભ યુથ ઓર્ગેનાઈઝેશનને વધુ વેગવંતુ બનાવવા વિવિધ આયોજન કરવામાં આવ્યા હતા. ત્યારબા બાજરીની ખિચડીની મિજબાની કરવામાં આવી હતી. સમગ્ર કાર્યક્રમને સફળ બનાવવા માટે વલ્લભ યુથ ઓર્ગેનાઈઝેશનના પ્રમુખ દિવ્યેશભાઈ દોશી, મહીલા વીંગના પ્રમુખ રાજેશ્રીબેન શાહ અને યુવા પાંખના પ્રમુખ કદમભાઈ દોશી અને પરાગભાઈ ચોકસી અને ભાવેશભાઈ શાહએ જહેમત ઉઠાવી હતી.

ઉમરેઠ બેઠક – ભાજપના ગોવિંદભાઈ રઈજીભાઈ પરમારની જીત


ઉમરેઠ બેઠક પર આખરે ૨૦૦૨ બાદ ભાજપને જીતનો સ્વાદ ચાખવા મળ્યો હતો. ક્ષત્રિય મતદારોનું વરચસ્વ ધરાવતી ઉમરેઠ બેઠક પર આ વખતે ભાજપ કોગ્રેસ અને એન.સી.પી વચ્ચે ત્રિકોણીયો જંગ ખેલાયો હતો જેમાં ભાજપને જીત મળી હતી. ગોવિંદભાઈ રઈજીભાઈ પરમારને ૬૮૩૨૬ જ્યારે કોગ્રેસના કપીલાબેન ચાવડાને ૬૬૪૪૩ મત મળતા ભાજપનો ૧૮૮૩ મત થી વિજય થયો હતો.  ઉલ્લેખનીય છે કે કોગ્રેસ અને એન.સી.પી વચ્ચે ગઠબંધન ન થતા પહેલે થી જીત માટે ભાજપ આશાવાદી હતુ ત્યારે ભાજપના ક્ષત્રિય ઉમેદવારની જીત થતા સમગ્ર ઉમરેઠ પંથકમાં ભાજપના ટેકેદારોમાં આનંદની લાગણી દેખાઈ હતી. નગરપાલિકા અને પંચવટી વિસ્તારમાં ભાજપની જીત સાથે ભાજપના કાર્યકરો એકઠા થયા હતા અને ફટાકડા ફોડી વિજયોત્સવ ની ઉજવણી કરી હતી. ઉમરેઠ શહેર ભાજપ મહામંત્રી પ્રકાશભાઈ પટેલ, નગરપાલિકાના કાઉન્સિલર ગૌરાંગભાઈ ચોકસી, કનુભાઈ શાહ તેમજ ભાજપના કાર્યકરો અને ટેકેદારો મોટી સંખ્યામાં નગરપાલિકા ખાતે થી પંચવટી વિસ્તારમાં આવ્યા હતા અને ભાજપનો જયજય કાર કર્યો હતો.

ઉમરેઠમાં જલેબી ઉત્સવની ઉજવણી.


02n01

ઉમરેઠમાં ઉમરેઠમાં શ્રી ગુંસાઈજી પ્રાગટ્ય પર્વ એટલે કે જલેબી મહોત્સવની ઉજવણી ભક્તિભેર કરવામાં આવી હતી. આ પ્રસંગે ઉમરેઠમાં વૈષ્ણવ મંદિરોમાં વિવિધ ધાર્મિક આયોજન કરવામાં આવ્યા હતા. શ્રીજીને જલેબી ધરાવવામાં આવી હતી. નગરના વૈષ્ણવ મંદિર માંથી શોભા યાત્રા નિકળી હતી જેમાં વૈષ્ણવો જોડાયા હતા. શોભાયાત્રામાં મહીલાઓ દ્વારા શ્રી ગુંસાઈજીનો જયગોષ સાથે ગરબાની રમઝટ બોલાવી હતી સમગ્ર વાતાવરણ ધાર્મિક બની ગયું હતું. 

જાણો ઉમરેઠના ધારાસભ્ય જયંતભાઈ પટેલે પાંચ વર્ષમાં શું કર્યું..?


Click Hear  To View Book

ઉમરેઠના ધારાસભ્ય જયંતભાઈ પટેલ ૨૦૧૨માં ઉમરેઠ વિધાનસભા ચુંટણીમાં જીત્યા બાદ તેઓએ શું કામ કર્યા તેવા સવાલો વારંવાર પુછાઈ રહ્યા છે, ત્યારે આજે એન.સી.પી દ્વારા એક ઈ-બુકલેટનું વિમોચન કરવામાં આવ્યું હતુ જેમાં ૨૦૧૨ થી ૨૦૧૭ સુધી ઉમરેઠના ધારાસભ્ય તરીકે જયંતભાઈ પટેલ દ્વારા કરવામાં આવેલા કામની વિગતવાર છનાવટ કરવામાં આવી હતી. ઉમરેઠ એન.સી.પી કાર્યાલય ખાતે વિમોચીત કરાયેલ બુકલેટ અંગે ઉમરેઠ શહેર એન.સી.પી પ્રમુખ જયેશભાઈ પટેલે જણાવ્યું હતુ કે જયંતભાઈ પટેલ દ્વારા અનેક વિકાસ કાર્યો કરવામાં આવ્યા છે જેથી પ્રજા તેઓને વ્યાપક પ્રતિસાદ આપી રહી છે અને તેઓને પ્રજા ભારે બહૂમતિ થી જીતાળશે. જયંતભાઈ પટેલ (બોસ્કી)એ જણાવ્યું હતુ કે, છેલ્લા પાંચ વર્ષ થી વિવિધ ગામો માં માતબર ગ્રાન્ટ ફાળવી વિકાસ કાર્યો કર્યા છે, કેટલાય સમયે તેઓની ગ્રાન્ટ પૂર્ણ થયેલ હોય તો પ્રફુલભાઈ પટેલની ગ્રાન્ટ માંથી પણ કાર્ય કર્યા છે. ધારદાર રજૂઆત ને પગલે તેઓના તમામ કાર્યો પરિનામ સાથે પૂર્ણ થયા છે. તેઓએ બુકલેટનું વિમોચન કરતા જણાવ્યું હતુ કે આ માત્ર બુકલેટ નથી આ ૨૦૧૨ થી ૨૦૧૭ સુધી મેં કરેલા કાર્યો નો હિસાબ છે.

ઉમરેઠમાં મફત આરોગ્ય કેમ્પ યોજાયો.


lct_n

ઉમરેઠમાં યુથ વિથ મીશન ફાઉન્ડેશન અને લાઈફ કેર ટ્રસ્ટના સંયુક્ત ઉપક્રમે ઉમરેઠ ખાતે તાજેતરમાં કાછીયાવાડની વાડી ખાતે મફત આરોગ્ય કેમ્પ યોજાયો હતો. સદર કેમ્પમાં સ્પેશિયાલીસ્ટ દ્વારા બી.પી, ડાયાબીટીસ, બી.એમ.આઈ તેમજ વજન, ઉંચાઈ ચેક કરી લાભાર્થીઓને યોગ્ય માર્ગદર્શન આપવામાં આવ્યું હતું. કેમ્પમાં ૧૧૦ જેટલા વ્યક્તિઓએ લાભ લીધો હતો. કેમ્પને સફળ બનાવવા માટે લાઈફ કેર ટ્રસ્ટના સભ્યો તેમજ યુથ વીથ મીશન ફાઉન્ડેશનના સભ્યોએ જહેમત ઉઠાવી હતી. ઉલ્લેખનીય છે કે ઉમરેઠ તેમજ આજૂબાજૂના ગામમાં લાઈફ કેર ટ્રસ્ટ દ્વારા અનેક મેડીકલ કેમ્પ યોજી સ્થાનિકોને સ્વાસ્થય અંગે જાગૃતતા લાવવાનો ભગીરથ યજ્ઞ થઈ રહ્યો છે.

ઉમરેઠમાં શ્રી ગીરીરાજધામ ખાતે ભવ્ય અન્નકુટ મહોત્સવ નિમિત્તે શોભાયાત્રા નિકળી.


ચિ.ગો.શ્રી.દેવકીનંદજી બાવાશ્રી (દેવેશબાવા) તથા ચિ.ગો.શ્રી.વિઠ્ઠલનાથજી બાવાશ્રીના સાનિધ્યમાં શોભાયાત્રામાં મોટી સંખ્યામાં વૈષ્ણવો ઉમટી પડ્યા. અન્નકુટના દર્શન કરી ભક્તો ધન્ય બન્યા.

21

annkut.jpg

જગદગુરૂ વૈષ્ણવાચાર્ય પંચમ પીઠાધીશ્વર પુ.પા.ગો.૧૦૮ શ્રી વલ્લભાચાર્યજી મહારાજશ્રી(કામવન)ની આજ્ઞાથી ચિ.ગો.શ્રી.દેવકીનંદજી બાવાશ્રી (દેવેશબાવા) તથા ચિ.ગો.શ્રી.વિઠ્ઠલનાથજી બાવાશ્રીના સાનિધ્યમાં તા.૧૯.૧૧.૨૦૧૭ને રવીવારના રોજ હરીશભાઈ ચીમનલાલ પટેલના મુખ્ય મનોરથી પદે ભવ્ય અન્નકુટ મહોત્સવનું ભવ્ય આયોજન કરવામાં આવ્યુ હતુ. આ પ્રસંગે સવારે ૯.૩૦ કલાકે શ્રી દેવકીનંદજી મંદિર ખાતે થી શોભાયાત્રા નિકળી હતી. જેમાં ચિ.ગો.શ્રી.દેવકીનંદજી બાવાશ્રી (દેવેશબાવા) તથા ચિ.ગો.શ્રી.વિઠ્ઠલનાથજી બાવાશ્રીના સાનિધ્યમાં મોટી સંખ્યા માં વૈષ્ણવો ઉમટી પડ્યા હતા. શોભાયાત્રા નગર વિહાર કરી શ્રી ગીરીરાજધામ ખાતે પહોંચી હતી. શોભાયાત્રા નું ઠેર ઠેર ફુલવર્ષા કરી સ્વાગત કરાયુ હતુ. નગરના સુંદલ બજાર વિસ્તારમાં વલ્લભ યુથ ઓર્ગેનાઇઝેશન દ્વારા શોભાયાત્રા નું સ્વાગત કરાયું હતુ આ પ્રસંગે ઉમરેઠ વી.વાય.ઓ ના પ્રમુખ દિવ્યેશભાઇ દોશી, મહીલા પાંખના પ્રમુખ રાજેશ્રીબેન શાહ અને યુવા પાંખના પ્રમુખ કદમ દોશી ઉપસ્થીત રહ્યા હતા.  બપોરે ૧૨.૩૦ કલાકે શ્રી ગીરીરાજધામ ખાતે ગોવર્ધનપુજાના દર્શન નો લાભ લીધો હતો. આ સમયે ભજન- કિર્તન કરવામાં આવ્યુ હતુ અને વાતાવરણમાં અનેરી ધાર્મિક મહેક પ્રસરી હતી. સાંજે ૪ કલાકે અન્નકુટ દર્શનનું આયોજન કરવામાં આવ્યું હતુ. અન્નકુટના દિવ્ય દર્શન કરી ભક્તો ધન્ય બન્યા હતા. આ દિવ્ય મનોરથનો ભક્તોએ મોટી સંખ્યામાં લાભ લીધો હતો.  સમગ્ર કાર્યક્રમને સફળ બનાવવા હર્ષ શહેરાવાળા, ગોવિંદભાઇ ભાલજા, સહીત યજમાન પરિવારના હરીશભાઇ ચીમનભાઇ પટેલ, તેમજ વૈષ્ણવ વૄંદ દ્વારા ભારે જહેમત ઉઠાવવામાં આવી હતી.

annkut1n

ઉમરેઠમાં કમળાનો વાવર – નગરજનોમાં ફફડાટ..!


ઉમરેઠમાં છેલ્લા કેટલાક સમય થી કમળાનો વાવર ફેલાયો હોવાનું સ્થાનિકો ચર્ચા કરી રહ્યા છે. નગરના ખાનગી દવાખાના સહીત સ્ટેશન રોડ પર સરકારી દવાખાનામાં પણ કમળાના દર્દીઓ સામાન્ય પરીસ્થીતી કરતા પ્રવર્તમાન દિવસોમાં વધુ હોવાનું જાણવા મળી રહ્યું છે. કમળાના દર્દીઓ ઠેર ઠેર દેખાતા સ્થાનિકોમાં ચિંતાનું મોજૂ દેખાઈ રહ્યું છે ખાસ કરીને ઉમરેઠના આમલી ચકલા, ચોકસી બજાર સહીત વડાબજાર વિસ્તારમાં કમળાના દર્દીઓ ખાટલે પડ્યા છે જે પૈકી કેટલાક સરકારી હોસ્પિટલમાં તો કેટલાક ખાનગી હોસ્પિટલમાં સારવાર લઈ રહ્યા છે. નગરમાં કમળાનો વાવર જોઈ આરોગ્ય તંત્ર સજાગ બને અને પરિસ્થીતી વકરે તે પહેલા નગરમાં સાફ સફાઈ સહીત ફોગિંગ થી દવ છંટકાવ કરે તેવી લોક માંગ પ્રવર્તમાન બની છે. આ ઉપરાંત નગરપાલિકા દ્વારા આપવાનું પાણી ઉકાળીને પીવાની પણ ર્ડોક્ટરો સલાહ આપી રહ્યા છે. ઉલ્લેખનીય છે કે નગરપલિકા દ્વારા પાણી ચોખ્ખુ આવે છે કે નહી તે અંગે પણ ચકાસણી કરી પ્રભાવીત વિસ્તારમાં સર્વે કામગીરી થાય તેમ લોકો ઈચ્છી રહ્યા છે. વધુમાં ઉમરેઠના ખાનગી દવાખાનામાં કમળો પોઝિટીવ આવતા ર્ડોકટરો સ્પેશિયાલીસ્ટ ને ત્યાં રીફર કરી રહ્યા છે, ઉમરેઠમાં પીડીયાટ્રીશીયન સહીત અન્ ખાનગી દવાખાનામાં કમળાના દર્દીઓ આવી રહ્યા હોવાનું જાણવા મળે છે.

કમળાના દર્દીઓની હાલત સુધારા પર – ર્ડો.ઇમ્તીયાઝ

ઉમરેઠ સરકારી દવાખાનાના ર્ડો.ઈમ્તીયાઝભાઈ વ્હોરાએ જણાવ્યું હતુ કે કમળાના દર્દીઓ પ્રકાશમાં આવ્યા છે પરંતુ પરિસ્થીતી સંપુર્ણ રીતે કાબુમાં છે. જે દર્દીઓને કમળો પોઝીટીવ આવે છે તેઓને યોગ્ય સારવાર કરવામાં આવે છે અને તેઓની હાલત પણ અત્યારે સુધારા પર છે. આગામી દિવસોમાં કમળાના દર્દીઓ ની સંખ્યા મોટા પ્રમાણમાં ઘટી જશે.

જો તમે એચ.પી.ગેસ વાપરતા હોવ તો આ ખબર તમારા માટે અગત્યની છે..!


ezy

જો તમે એચ.પી.ગેસ સિલેન્ડર વાપરતા હોવ તો આ ખબર તમારા માટે ખુબજ રાહત ની છે. એચ.પી.સી.એલ દ્વારા ગ્રાહક લક્ષી સેવા વધારવા માટે ઈઝી ગેસ કાર્ડ લોન્ચ કરવામાં આવ્યું છે. આ કાર્ડ દ્વારા ગેસ સિલેન્ડર નોંધણી સહીત ઓનલાઈન પોર્ટલ પર શોપિંગ કરતા સમયે ડીસકાઉન્ટ પણ મળશે. ઈઝી ગેસ કાર્ડ તમારા એચ.પી.ગેસ વિતરક પાસે થી માત્ર વીશ રૂપિયામાં મળી જશે. ઈઝી કાર્ડ થી ગેસ સિલેન્ડર ની નોંધણી કરાવવાનું ખુબજ આસાન બનશે. પહેલા ગેસ સિલેન્ડર બુકિંગ કરવા માટે ફોન કરવો પડતો હતો જેમાં આઈ.વી.આર.એસમાં લાંબી કેસેટ હોવાથી ગ્રાહકને ફોન થી સિલેન્ડર બુક કરવામાં મુશ્કેલી પડતી હતી જેને કારણે કેટલીક વખત ગ્રાહકોએ એજન્સીમાં રીફીલ બુકિંગ કરાવવા જવું પડતુ હતું. પરંતુ ઈઝી ગેસ કાર્ડ થી ગેસ બુક કરવાનું ખુબ આસાન છે. આ ઉપરાંત મોબાઈલ એપ્લીકેશન માંજ રીફીલ હીસ્ટ્રી, સેફ્ટી ટીપ્સ, એજન્સીના ફોન નંબર સહીત વિતરક અંગેની માહીતી ઉપલબ્ધ કરવામાં આવી છે. કંપનીના અધિકારીઓના જણાવ્યા પ્રમાણે આ એપ્લીકેશનમાં ભવિષ્યમાં નવા ફીચર્સ પણ સામેલ કરવામાં આવશે જેનાથી ગ્રાહકો અને વિતરકોને સરળતા સાથે આર્થિક રાહતો પણ મળશે.

ઈઝી ગેસ કાર્ડ મેળવવા મેળવવા શું કરવું ?

9347_LPG_Gas

ઈઝી ગેસ કાર્ડ મેળવવા માટે તમારા એચ.પી.ગેસ વિતરકનો સંપર્ક કરો તે તેમને રૂ.૨૦ માં ઈઝી ગેસ કાર્ડ આપશે.

ઈઝી કાર્ડ થી રીફીલ બુકિંગ કેવી રીતે કરવું..?

તમે ઈઝી ગેસ કાર્ડ મેળવો તેના પર એક ક્યુઆર કોડ દોરેલો હશે તે ક્યુઆર કોડ માત્ર સ્કેન કરી એપ્લીકેશનમાં લોગ ઈન થવી બુકિંગ ઓપશન પર માત્ર ક્લિક કરવા થી બુકિંગ થઈ જશે. તમારે ગુગલ પ્લે સ્ટોરમાં જઈ EZYSuvidha સર્ચ કરવાનું રહેશે. આમ કરવાથી ઈઝી ગેસ સુવિધા એપ્લીકેશન મળશે જે તમારા એન્ડ્રોઈડ ડીવાઈઝ માં ડાઉનલોડ કરવાની રહેશે. એપ્લીકેશન ડાઉનલોડ કર્યા પછી લોગ ઈન કરવા તમે પ્રાપ્ત કરેલ ઈઝી ગેસ કાર્ડ પર દર્શાવેલ ક્યુઆર કોર્ડ સ્કેન કરવો પડશે ત્યાર બાદ સ્ક્રીનની જમની બાજૂ નીચેની સાઈડ ખૂણામાં એચ.પી ગેસનો લોગો દેખાશે તેના પર ક્લિક કર્યા બાદ બુકિંગ, ઈ-પાસબુક,સહીત સેફ્ટી ટીપ્સ જેવા વિવિધ ઓપશન પણ ઉપલબ્ધ થશે. બુકિંગ કરવા માટે બુકિંગ ઓપ્શન પર ટેપ કરવા થી બુકિંગ કન્ફરમેશન અંગે પુછશે જો બુકિંગ કરવું હોય તો માત્ર યસ ઓપશન ટેપ કરવાથી ગેસ સિલેન્ડર બુક થઈ જશે અને બુક યોર સિલેન્ડર સક્સેસફુલી મેસેજ વંચાશે. સાથે સાથે બુકિંગ કર્યા બાદ ડીલર કેશમેમો ક્યારે જનરેટ કરે છે અને ક્યારે તેની ડીલીવરી મળશે તે અંગે પણ એપ્લીકેશનમાં સ્ટેટસ બતાવશે.

ડીલીવરીમેન ગેસ પાસબુક માગે તો..?

ડીલીવરી મેન સિલેન્ડરની ડીલીવરી આપવા આવે તો સામાન્ય રીતે ગ્રાહક પાસે ગેસ રીફીલ પાસબુક માગે છે અને તેમાં એન્ટ્રી કરે છે પણ તમારી પાસે જો ઈઝી કાર્ડ હશે તો ડીલીવરી મેન તમારું કાર્ડ સ્કેન કરશે જેથી તમારી ડીલીવરી તમને મળી ગઈ તે અંગે કન્ફર્મ થઈ જશે.

ઈઝી સુવિધા એપ્લીકેશન ડાઉનલોડ કરવાની લીન્ક – 

https://play.google.com/store/apps/details?id=esy.suvidha.android1.ezysuvidha&hl=en


annkut

ઉમરેઠના વાંટા વિસ્તારમાં આવેલ કાલભૈરવ મંદિરમાં ગતરોજ કાલભૈરવ દાદાને અન્નકુટ ધરાવવામાં આવ્ય હતો. કાલભૈરવ જયંતિ નિમિત્તે યોજાયેલ અન્નકુટ દર્શનનો લાભ લેવા સ્થાનિકો મોતી સંખ્યામાં ઉમટી પડ્યા હતા અને દર્શન કરી ધન્યતાનો અનુભવ કર્યો હતો. ઉલ્લેખનીય છે કે કાલભૈરવદાદાનું ઉમરેઠમાં આવેલ સદર મંદિર ધાર્મિક દ્રષ્ટીએ અનન્ય મહત્વ ધરાવે છે, દાદાની પૂર્ણ ઉભી પ્રતિમાં ખુબ જૂજ મંદિરોમાં હોય છે ત્યારે ઉમરેઠમાં બિરાજમાન કાલભૈરવ દાદાના દર્શન કરી ભક્તો માનતા માની પુર્ણ કરવાનો મહીમા ધરાવે છે.

ઉમરેઠ – યુવા મોરચો શહેર ભાજપ દ્વારા જનસંપર્ક કરાયો.


yuva.jpg

ભાજપ દ્વારા ગૌરવ સંપર્ક અંતર્ગત ડોર ટુ ડોર પ્રચાર અભિયાન હાથ ધરાયું છે, ત્યારે આજે ઉમરેઠ શહેર ભાજપ યુવા મોરચા દ્વારા નગરના વાંટાસ્ટ્રીટ વિસ્તારમાં જનસંપર્ક કાર્યક્રમ યોજાયો હતો. આ સમયે પ્રમુખ આવૃતભાઈ પટેલ અને મહામંત્રી કૌટીલ્ય બાવાવાળા સહીત મોટી સંખ્યામાં સભ્યો હાજર રહ્યા હતા. તેઓએ પ્રજાજનોને સરકાર ની ઉપલબ્ધીઓ અને વિકાસ કાર્યોની રૂપરેખા લોકોને સમજાવી હતી અને તેઓ સાથે સંવાદ કર્યો હતો..

ઉમરેઠ – પણસોરા ખાતે કોગ્રેસનો સ્નેહ-મિલન સમારોહ યોજાયો.


congress

ઉમરેઠ વિધાનસભા ક્ષેત્રમાં કોગ્રેસ અને એન.સી.પી વચ્ચે ગઠબંધનને લઈ નકારાત્મક અટકળો વચ્ચે છેલ્લા કેટલાક મહીનાથી કોગ્રેસ દ્વારા ઉમરેઠ વિધાનસભા મત વિસ્તારમાં સ્નેહ મિલન સંમેલન અને બેઠકોનો દોર શરૂ થઈ ગયો છે. તાજેતરમાં ઉમરેઠના પણસોરા ખાતે કોગ્રેસનું સ્નેહ મિલન સંમેલન મળ્યું હતુ આ સમયે મુખ્ય મહેમાન પદે આંકલાવના ધારાસભ્ય અમિતભાઈ ચાવડા, કાન્તિભાઈ પરમાર, જિલ્લા પંચાયતના પ્રમુખ કપીલાબેન ચાવડા,નટવરસિંહ મહીડા, ઉમરેઠ તા.કો.સમિતિના પ્રમુખ ગોપાલ ચાવડા, યુનુસભાઈ વ્હોરા , વિપુલભાઈ ઠાકોર અને ઉમરેઠ તાલુકા પંચાયતના પ્રમુખ ગાયત્રીદેવી ચૌહાણ વિશેષ ઉપસ્થીત રહ્યા હતા.આ સમયે કાર્યકરોને સંબોધન કરતા અમિતભાઈ ચાવડાએ જણાવ્યું હતુ કે આગામી સમયમાં કોગ્રેસ દ્વારા ડોર ટુ ડોર જનસંપર્ક કાર્યક્રમ શરૂ કરવામાં આવશે. તેઓએ ઉમેર્યું હતુ કે અત્યાર સુધીની તમામ વિધાનસભા ચુંટણીમાં ઉમરેઠ વિધાનસભા વિસ્તારમાં કોગ્રેસનું પ્રદર્શન સારું રહ્યું છે, મતદારો કોગ્રેસ પર વર્ષો થી વિશ્વાસ રાખી રહ્યા છે ત્યારે આવનાર ચુંટણીમાં પણ મતદારો કોગ્રેસ પર વિશ્વાસ રાખશે તેવી તેઓએ આશા વ્યક્ત કરી હતી. જિલ્લા પંચાયતના પ્રમુખ કપીલાબેન ચાવડાએ સંબોધન કરતા જણાવ્યું હતુ કે, ભાજપ કહે છે કે, ૬૦ વર્ષમાં કોગ્રેસે કશું કર્યું નથી પણ જિલ્લામાં અનેક શૈક્ષણિક સંસ્થાઓ, સહકારી સંસ્થાઓ કોગ્રેસની જ દેન છે.

જાણો ઉમરેઠમાં ક્યારે આવશે ડી.વાય.એસપી ની કચેરી..?


ઉમરેઠમાં ડી.વાય.એસપીની કચેરી..? હા, ઉમરેઠમાં ડી.વાય.એસ.પીની કચેરી બનવાની હતી, ગૃહ ખાતના સદર નિર્ણયનો અમલ થાય તે પહેલા ચુંટણી જાહેર થઈ જતા હવે આ કાર્ય ચુંટણી બાદ થશે તેમ લાગી રહ્યું છે. વધુમાં રાજ્ય સરકાર દ્વારા પોલીસની કામગીરીને વિસ્તૃત બનાવવા તેમજ ભારણ ઓછું કરવા માટે અઢી મહિના પહેલાં સમગ્ર રાજ્યમાંથી સીપીઆઈની પોસ્ટ નાબૂદ કરી દઈને વધુ ડીવાયએસપી કચેરીઓ ખોલવાનો નિર્ણય કર્યો હતો પરંતુ રાજ્યમાં ચૂંટણીની જાહેરાત થઈ જતાં હવે સમગ્ર મામલો ટલ્લે ચઢી જવા પામ્યો છે. હવે ચૂંટણી પત્યા બાદ આ નિર્ણયનો અમલ થાય છે કે નહીં તેના પર સૌની નજરો સ્થિર થવા પામી છે. આણંદ ડિવિઝનમાંથી ભાલેજ, ઉમરેઠ, ખંભોળજ અને વાસદ પોલીસને અલગ કરીને ઉમરેઠ ડીવાયએસપી કચેરી બનાવવાનું નક્કી કરવામાં આવ્યું હતુ.  જેને લઈને હવે સમગ્ર કામગીરી ચૂંટણી પત્યા બાદ જ હાથ ધરવામાં આવશે તેમ મનાઈ રહ્યું છે. ઉમરેઠ અને બોરસદમાં રાજ્યના બાંધકામ વિભાગ સાથે પરામર્શ કરીને આ બન્ને શહેરોમાં નવી બિલ્ડીંગો બનાવીને કે પછી કોઈ જૂની સરકારી બિલ્ડીંગ ખાલી હોય તો ત્યાં રીનોવેશન કરાવ્યા બાદ તમામ પ્રકારની સુવિધાઓ ઉભી કરીને કચેરીઓ ચાલુ કરી દેવામાં આવશે. હાલ તો સમગ્ર તંત્ર ચૂંટણીમાં વ્યસ્ત થઈ જવા પામ્યું છે. ૨૫મી ડિસેમ્બર બાદ નવી કચેરીઓનું કામકાજ ચાલુ થશે અને સંભવત: ૨૦૧૭ના અંતમા ઉમરેઠ અને બોરસદ નવી ડીવાયએપી કચેરીઓ અમલમાં આવી જશે તેમ કહેવાઈ રહ્યું છે.

જાણો ઉમરેઠના ભાટપુરામાં કેમ શિક્ષકોને નોટિશ ફટકારાઈ..?


દિવાળી વેકેશન બાદ ઉમરેઠ તાલુકામાં શિક્ષણ કાર્યની સમિક્ષા કરવા માટે ડીડીઓ દ્વારા ઉમરેઠ તાલુકાના ભાટપુરા ગામની પ્રાથમિક શાળાની મુલાકાત કરવામાં આવી હતી. દિવાળી વેકેશન બાદ પ્રથમ દિવસે જ ડીડીઓ દ્વારા શાળાની મુલાકાત કરવામાં આવતા શિક્ષકો ભોઠા પડ્યા હતા. શાળામાં ગંદકી હતી અને સાફ સફાઈનો સદંતર અભાવ દેખાયો હતો અને શાળામાં માત્ર પાંચ વિદ્યાર્થીઓ જ હાજર હતા. ડીડીઓની સર્પ્રાઈઝ વિઝીટમાં ફલીત થયુ હતુ કે શાળામાં સાફ-સફાઈ તેમજ વિદ્યાર્થીઓને હાજરીને લઈ શાળા તંત્ર દ્વારા લાલીયાવાડી થઈ રહી છે જે થી તાબડતોપ તેઓએ જિલ્લા શિક્ષણ અધિકારીશ્રીને આ અંગે જાણ કરી હતી. ઉલ્લેખનીય છે કે આણંદ જિલ્લામાં ગ્રામ્ય વિસ્તારમાં શિક્ષણને લઈ બાળકો જાગૃત થાય અને શાળા તંત્ર વ્યવસ્થીત પોતાની જવાબદારી નિભાવે તે હેતુ થી જિલ્લા વિકાસ અધિકારી અમીત યાદવે ઝુંબેશ હાથ ધરી છે જેના ભાગરૂપે ડીડીઓ દ્વારા શાળાની અચિંતી મુલાકાત કરાઈ હતી. ડીડીઓના રીપોર્ટને આધારે જિલ્લા શિક્ષણ અધિકારી દ્વારા ભાટપુરા શાળાના ૧૧ શિક્ષકોને નોટિશ ફટકારી ખુલાસો માગવામાં આવ્યો છે. શિક્ષકોએ જણાવ્યું હતુ કે દિવાળી વેકેશન બાદ પ્રથમ દિવસ હોવાને કારણે સ્કૂલમાં વિદ્યાર્થીઓ આવ્યા ન હતા, શાળામાં ૩૬૦ વિદ્યાર્થીઓ પૈકી માત્ર પાંચ વિદ્યાર્થીઓ જ શાળામાં આવ્યા હોવાને કારણે ડી.ડી.ઓએ શાળા તંત્રના વહીવટ અંગે સવાલ ઉઠાવ્યા હતા અને શાળામાં વિદ્યાર્થીઓની હાજરી વધારવા શિક્ષકો દ્વારા લાલીયાવાડી કરવામાં આવતી હોવાનું જણાવ્યું હતું.

%d bloggers like this: