સ્વ.અટલજીને શ્રધ્ધાંજલી અર્પણ કરવા.. ઉમરેઠ શહેર ભાજપ યુવામોરચા દ્વારા વિના મુલ્યે મેડીકલ કેમ્પ યોજાયો.

મેડીકલ કેમ્પમાં ૧૦૦ થી પણ વધુ લોકોએ ભાગ લીધો.

 

ઉમરેઠ શહેર ભાજપ યુવા મોરચા દ્વારા પૂર્વ વડાપ્રધાન સ્વ.અટલજીને શ્રધ્ધાજલિ અર્પણ કરવા આજે સવારે ૯ થી ૧૨ કલાકે વિનામુલ્યે મેડીકલ કેમ્પનું આયોજન નગરના વાંટા વિસ્તારમાં કરવામાં આવ્યું હતું સદર કેમ્પમાં ર્ડો.મોર્યએ પોતાની સેવાઓ આપી હતી જેમાં સ્થાનિકોને ડાયાબીટીસ, બ્લડપ્રેશર, તાવ, ના દર્દીઓને તપાસી જરૂરીયાતમંદ દર્દીઓને દવાનું વિતરણ કરવામાં આવ્યું હતું. સદર કેમ્પમાં ઉમરેઠ શહેર યુવા મોરચાના પ્રમુખ આવૃત પટેલ, મહામંત્રી કૌટીલ્ય બાવાવાળા, તાલુકા પ્રમુખ ગૌરાંગભાઈ, જિલ્લા ઉપ-પ્રમુખ હર્ષ શહેરાવાળા સહીત કાર્યકરો મોટી સંખ્યામાં ઉપસ્થીત રહ્યા હતા અને કેમ્પમાં આવેલા લાભાર્થીઓને સરકારીની મા કાર્ડ અંગે સમજ આપી હતી. સદર કેમ્પમાં માં કાર્ડ કઢાવવા માટે જરૂરી દસ્તાવેજો, સહીત મા કાર્ડ કયા રોગમાં તેમજ નજદીકની કઈ હોસ્પિટલમાં ચાલે છે તે અંગે પણ લોકોને સમજ આપવામાં આવી હતી. સમગ્ર સુંદર આયોજન બદલ શહેર પ્રમુખ સુજલ શાહએ યુવા મોરચાની ટીમનો આભાર વ્યક્ત કરી અભિનંદન પાઠવ્યા હતા. સદર મેડીલક કેમ્પમાં ૧૦૦ થી પણ વધુ લોકોએ ભાગ લીધો હતો અને સચા અર્થમાં યુવા મોરચા દ્વારા સ્વ.અટલજીને શ્રધ્ધાંજલિ અર્પણ કરવામાં આવી છે તેમ જણાવ્યું હતું.