આપણું ઉમરેઠ ( Since 2009 )

ચરોતરનો ઉંબરો..

હમીદપુરામાં દરબારો અને ખ્રિસ્તી જૂથ વચ્ચે દંગલમાં ૧૪ની અટકાયત


ઉમરેઠ તાલુકાના હમીદપુરામાં મોડી રાત્રિએ બે જૂથો વચ્ચે થયેલ બોલાચાલીએ ઉગ્ર સ્વરુપ ધારણ કરતા મારામારી, ટોળાઓ દ્વારા પથ્થરમારો અને વાહનોને નુકસાન કરવા સહિત હથિયારથી હુમલો કરાયો હતો. જેમાં ધારિયાથી ઇજાગ્રસ્ત એક વ્યકિતને કરમસદ હોસ્પિટલમાં ખસેડાયો હતો. આજે બન્ને પક્ષોએ કરેલ સામસામે ફરિયાદોમાં પોલીસે ૧૪ વ્યકિતઓની અટકાયત કરી હતી અને ગામમાં ચાંપતો બંદોબસ્ત ગોઠવી દેવાયાનું જાણવા મળે છે. પોલીસ સૂત્રોમાંથી મળતી વિગતોનુસાર મોડી રાત્રિએ હમીદપુરામાં કોઇક કારણોસર ખ્રિસ્તીઓ અને દરબારો વચ્ચે બોલાચાલી થઇ હતી. બોલાચાલીએ ઉગ્ર સ્વરુપ ધારણ કરતા બન્ને જૂથોના ટોળેટોળા સામસામે આવી ગયા હતા. જેમાં મારામારી સાથે પથ્થરમારો અને વાહનોમાં તોડફોડ કરવામાં આવી હતી. જેથી ઉમરેઠ સહિત વાસદ, આણંદ અને વિદ્યાનગર પોલીસે હમીદપુરા પહોંચીને સ્થિતિ પર કાબૂ મેળવ્યો હતો.

દરમિયાન ઉમરેઠ પોલીસ દ્વારા બન્ને પક્ષોની ફરિયાદ દાખલ કરીને બંને પક્ષોના ૧૪ વ્યકિતઓની અટકાયત કરી છે. જેમાં રોહિતભાઇ સોલંકી, જયેન્દ્ર સોલંકી, મહેન્દ્ર સોલંકી, દિનેશ સોલંકી, રામા સોલંકી,મુકેશ સોલંકી, કિશન સોલંકી, જગદીશ સોલંકી અને અશોક સોલંકી સામે ફરિયાદ દાખલ કરી હતી. જયારે સામાવાળા તરફે નોંધાયેલી ફરિયાદમાં રમેશ વાઘેલા, આનંદ, વિજય, દિપક અને વિનય (તમામ વાઘેલા) સામે ફરિયાદ દાખલ કરીને કાયદેસરની કાર્યવાહી હાથ ધરી છે. જાણવા મળ્યાનુસાર ડીવાયએસપી કોમલબેન વ્યાસે સમગ્ર મામલે તપાસ હાથ ધરીને ચાંપતો બંદોબસ્ત ગોઠવી દીધો છે. ગામમાં હાલ શાંતિપૂર્ણ માહોલ હોવાનું જાણવા મળે છે.

Advertisements

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: