આપણું ઉમરેઠ ( Since 2009 )

ચરોતરનો ઉંબરો..

ઉમરેઠની સરકારી કચેરીઓ સહીત સ્કૂલ અને સોસાયટી-મહોલ્લામાં ધ્વજ વંદન કરવામાં આવ્યું.


ઉમરેઠમાં ઠેર ઠેર સ્વતંત્ર દિવસની ઉજવણી કરવામાં આવી હતી. નગરની વિવિધ સ્કૂલ અને સરકારી કચેરીઓમાં ધ્વજ વંદન કાર્યક્રમો સહીત સાંસ્કૃતિક અને મનોરંજન કાર્યક્રમ યોજાયા હતા.

શ્રી સરસ્વતી શીશુ વિદ્યાલય

1

ઉમરેઠની શ્રી સરસ્વતી શીશુ વિદ્યાલય ખાતે સ્વતંત્ર દિવસ નિમિત્તે ઉમરેઠ લાયોનેસ ક્લબના પ્રમુખ બિજલબેન કિરીટકુમાર ગાભાવાળાના હસ્તે ધ્વજવંદન કરવામાં આવ્યું હતું. શાળાના ચેરમેન ર્ડો.મધુસુધનભાઈ ભગત, આચાર્ચ અને શિક્ષક સહીત વિદ્યાર્થીઓએ ઝંડાને સલામી આપી દેશ પ્રત્યે પોતાની ભાવના પ્રગટ કરી હતી. તેજસ્વી તારલાઓનો આ પ્રસંગે સન્માનિત કરી પ્રોત્સાહન આપવામાં આવ્યું હતું.

આગમ ઈગ્લિસ મિડીયમ સ્કૂલ

ઉમરેઠની આગમ ઈગ્લિસ મિડીયમ સ્કૂલ ખાતે ધ્વજ વંદન કરી ઝંડાને સલામી આપવામાં આવી હતી. શાળાના વિદ્યાર્થીઓ આ પ્રસંગે વિવિધ વેશભૂષા કરી શાળામાં આવ્યા હતા. શાળા દ્વારા સુંદર રેલીનું આયોજન કરવામાં આવ્યું હતુ અને વિધાર્થીઓ રેલીમાં વિવિધ વેશભૂષા સાથે આવ્યા હતા અને દેશ ભક્તિના નારા લગાવ્યા હતા. અંતે શાળાના વિધાર્થીઓને ઓડ બજાર સ્થીત શ્રી સ્વામિનારાયણ મંદિરના દર્શનાર્થે લઈ જવામાં આવ્યા હતા. શાળના શિક્ષકો દ્વારા બાળકોને આઝાદીનું મહત્વ સમજાવવામાં આવ્યું હતું. 

તાલુકા પંચાયત કચેરી

5

ઉમરેઠ તાલુકા પંચાયત કચેરી ખાતે ધ્વજ વંદન કાર્યક્રમ યોજાયો હતો. તાલુકા પંચાયતના પ્રમુખ ભૃગુરાજસિંહ ચૌહાણે ધ્વજ વંદન કર્યું હતું. આ પ્રસંગે તાલુકા પંચાયત કચેરીના અધિકારીઓ,સભ્યો,અને કર્મચારીઓ ઉપસ્થિત રહ્યા હતા.

વાંટા સ્ટ્રીટ 

7

ઉમરેઠની વાંટા સ્ટ્રીટ ખાતે ધ્વજ વંદન કાર્યક્રમ યોજાયો હતો. પરંપરા મુજબ વાંટા સ્ટ્રીટના રહીશો દ્વારા ધ્વજ વંદન કરી ઝંડાને સલામી આપવામાં આવી હતી. વાંટા સ્ટ્રીટના યુવાનો સહીત મહીલાઓ અને બાળકોએ પણ ધ્વજ વંદન કાર્યક્રમમાં ભાગ લઈ પોતાની દેશ પ્રત્યે ભાવના પ્રગટ કરી હતી. 

વલ્લભ પાર્ક સોસાયટી

8

ઉમરેઠ બસ સ્ટેશન વિસ્તારમાં આવેલ વલ્લભ પાર્ક સોસાયટીમાં ઉત્સાહભેર ધ્વજ વંદન કરવામાં આવ્યું હતું. સોસાયટીના વડીલ મહિલા શારદાબેન દરજીના હસ્તે ધ્વજ વંદન કરવામાં આવ્યું હતું. આ પ્રસંગે સોસાયટીના રહીશો તેમજ આજૂબાજૂની સોસાયટીના લોકો પણ ઉપસ્થિત રહ્યા હતા.

એચ.એમ.દવે સ્કૂલ

ઉમરેઠના સ્ટેશન રોડ વિસ્તારમાં આવેલ એચ.એમ દવે સ્કૂલમાં ધ્વજ વંદન નગરના અગ્રણી ચોકસીના વહેપારી અર્પિતભાઈ ગાભાવાળાના હસ્તે કરવામાં આવ્યું હતું. ઝંડાને સલામી આપવા માટે શાળાના શિક્ષકો, આમંત્રીતો સહીત વિદ્યાર્થીઓ મોટી સંખ્યામાં ઉપસ્થિત રહ્યા હતા. ધ્વજ વંદન કરવા માટે તક આપવા બદલ અર્પિતભાઈ ગાભાવાળાએ શાળા પરિવારનો આભાર વ્યક્ત કર્યો હતો અને વિદ્યાર્થીઓને પ્રોત્સાહીત કર્યા હતા.

ધી જ્યુબિલિ ઈન્સ્ટિટ્યુશન ઉમરેઠ

9

ઉમરેઠની ધી જ્યુબિલિ ઈન્સ્ટિટ્યુશન ઉમરેઠ ખાતે ધ્વજ વંદન કરવામાં આવ્યું હતું. ધ્વજ વંદન કરવા માટે નગરના અગ્રણી વહેપારી નિલેશભાઈ પોલા ખાસ ઉપસ્થિત રહ્યા હતા અને ધ્વજ વંદન કરી ઝંડાને સલામી આપી હતી. આ પ્રસંગે શાળાના ટ્રસ્ટીઓ સહીત વિદ્યાર્થીઓ મોટી સંખ્યામાં ઉપસ્થિત રહ્યા હતા.

ઉમરેઠ નગરપાલિકા દ્વારા કાછીયાવાડમાં ધ્વજવંદન કરાયું.

11

દોરડૂં ખેચતા ધ્વજ ન ફરક્યો,આખરે ફાયર બ્રિગેડની સીડી થી ધ્વજની ગાંઠ ઢીલી કર્યા બાદ ધ્વજ વંદન કરાયું.

10ઉમરેઠ નગરપાલિકા દ્વારા દર વર્ષે નગરપાલિકા કંપાઊન્ડમાં ધ્વજ વંદન કાર્યક્રમ યોજવામાં આવે છે, પરંતુ ચાલુ વર્ષે નગરપાલિકાનો ધ્વજ વંદન કાર્યક્રમ નગરના કાછીયાવાડ વિસ્તારમાં યોજવામાં આવ્યો હતો જેને લઈ નગરના કેટલાક લોકોએ છુપો આક્રોષ વ્યક્ત કર્યો હતો. વધુમાં ધ્વજ વંદન સમયે દોરડું ખેચતા ધ્વજ ન ફરકતા લોકો ક્ષોભમાં મુકાઈ ગયા હતા. ધ્વજને ફીટ ગાંઠ મારી દેવામાં આવી હોવાને કારણે ધ્વજ ન ફરકતા આખરે ફાયર બ્રિગેડની સીડી થી ધ્વજની ગાંઠ ઢીલી કરવામાં આવ હતી. આખરે નગરપાલિકાના પ્રમુખ સંજયભાઈ પટેલે ધ્વજ વંદન કરી ઝંડાને સલામી આપી હતી. આ પ્રસંગે નગરના અગ્રણીઓ સહીત પાલિકાના અધિકારીઓ, સભ્યો અને કર્મચારી સહીત ભૂ.પૂ.ધારાસભ્ય વિષ્ણુભાઈ પટેલ ઉપસ્થિત રહ્ય હતા.

અજરપુરા પ્રાથમિક શાળા

12

ઉમરેઠ તાલુકાના અજરપુરા પ્રાથમિક શાળમાં ઉમરેઠ મત વિસ્તારના ધારાસભ્ય જયંતભાઈ પટેલ (બોસ્કી)ના હસ્તે ધ્વજવંદન કરવામાં આવ્યું હતું. આ પ્રસંગે શાળાના આચાર્ય સહીત શિક્ષક મિત્રો, વિદ્યાર્થીઓ અને ગામના આગેવાનો ઉપસ્થિત રહ્યા હતા.

ઉમરેઠ ખડાયતા બાલ મંદિર

13

 ઉમરેઠની પાટ પોળમાં આવેલ ખડાયતા બાલમંદિરમાં ધ્વજવંદન કાર્યક્રમ યોજવામાં આવ્યો હતો. આ પ્રસંગે મુખ્ય મહેમાન નિશિથ અને.ચોકસીના વરસ હસ્તે ધ્વજ વંદન કરવામાં આવ્યું હતું. બાળકોને દૂધ-બિસ્કિટ વિતરણ કરવામાં આવ્યું હતું. મુખ્ય મહેમાન નિશિથ ચોકસીએ જણાવ્યું હતુ જે બાલ મંદિરમાં અભ્યાસ કર્યો હોત તે જ બાલ મંદિરમાં મુખ્ય મહેમાન બની ધ્વજ વંદન કરવાનો અવસર મળે તે તેઓ માટે ગૌરવની બાબત છે. આ પ્રસંગે બાલમંદિરના પ્રમુખ નિતિનભાઈ ચોકસી, અનિલભાઈ ગાંધી, શંજય શહેરાવાળા, દિવ્યાંગ શાહ, યોગેશભાઈ શહેરાવાળા,ચંન્દ્રેશભાઈ શાહ,જૈમિનભાઈ શાહ, કિરીટભાઈ શા.પટેલ તથા શિક્ષિકા કૃષ્ણાબેન ઉપસ્થિત રહ્યા હતા અને ઝંડાને સલામી આપી હતી.

ઉમરેઠ જાગનાથ મહાદેવ

14

 ૧૫મી ઓગષ્ટ અને શ્રાવણ માસનો પહેલો દિવસ એક જ દિવસે આવતો હોવાને કારણે જાગનાથ મહાદેવમાં અનોખી રીતે ઉજવણી કરવામાં આવી હતી. શિવલીંગની આસપાસ ત્રિરંગી ફુલવાડી સજાવવામાં આવી હતી. આ દિવ્ય દર્શનનો મોટી સંખ્યામાં લોકોએ લાભ લીધો હતો. મહાદેવમાં મહાદેવમાં શીવજીની ભક્તિ સાથે દેશ ભક્તિનો અનોખો સમનવય જોવા મળ્યો હતો.

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: