આપણું ઉમરેઠ ( Since 2009 )

ચરોતરનો ઉંબરો..

ઉમરેઠમાં આમ આદમી પાર્ટીના ડોકાચિયા..!


નગરના અગ્રણી રાજકીય દિગ્ગજ આમ આદમી પાર્ટી માંથી નગરપાલીકાની ચુંટણી લડે તેવી શક્યતા..!

ઉમરેઠ નગરમાં હાલમાં ભાજપનું એક હથ્થુ શાશન છે. વિધાનસભાને બાદ કરતા લોકસભા,નગરપાલિકા સહીત તાલુકા પંચાયતમાં પણ ભાજપનું રાજ છે. પરંતુ ઉમરેઠ નગરપાલિકાના રાજકારણમાં ભાજપમાં અંદરખાને બે જૂથો પડી ગયા હોવાને કારણે સદર પરિસ્થિતીનો લાભ લઈ અન્ય રાજકીય પાર્ટીઓ ઉમરેઠ નગરપાલિકાના સત્તાના સમીકરનો સર કરવા પ્રયત્નો હાથ ધરી રહ્યા છે. મોટાભાગે ઉમરેઠમાં ભાજપ અને અપક્ષ વચ્ચે સીધો જંગ જામતો હોય છે. પરંતુ નવા સિમાંકન બાદ આવનારી નગરપાલિકાની ચુંટણીમાં ભાજપ અને અપક્ષો સાથે આમ આદમી પાર્ટીના ઉમેદવારો પણ ઝંપલાવે તો નવાઈ નહી. નગરના રાજકીય દિગ્ગજો તેમ પણ કહી રહ્યા છે કે જો ભાજપ સંગઠન દ્વારા આમ આદમી પાર્ટીને હલકામાં લેવામાં આવશે તો પાલિકાની ચુંટનીમાં ભાજપે માઠા પરિનામોનો સામનો કરવા તૈયાર રહેવું પડશે. આમ આદમી પાર્ટીના આધારભૂત સૂત્રો દ્વારા મળતી માહીતી પ્રમાણે તાજેતરમાં ઉમરેઠ ખાતે આમ આદમી પાર્ટીના સંગઠનના કેટલાક હોદ્દેદારોએ નગરના અગ્રણી રાજકીય દિગ્ગજ સહીત નગરના અન્ય આમ આદમી વિચારધારા ધરાવતા અને શિક્ષણ ક્ષેત્રે સંકળાયેલ વ્યક્તિઓ સાથે બેઠક કરી હતી અને આવનારી નગરપાલિકાની ચુંટણીમાં આમ આદમી પાર્ટીના રોલને લઈ ચર્ચાઓ કરી હતી. હાલમાં ઉમરેઠમાં પ્રજાજનો પાસે માત્ર ભાજપ જ સર્વસ્વ છે, અપક્ષો માત્ર કહેવાપૂરતા ના બરાબર છે જેથી પ્રજાજનોને કોઈ મજબૂત વિકલ્પ મળે તે હેતું થી ઉમરેઠમાં આમ આદમી પાર્ટીનું નેટવર્ક મજબુત બને અને સંગઠન વ્યવસ્થીત રીતે ઉભું થાય તે માટે ચક્રોગતિમાન કરવામાં આવ્યા છે,આવનારા દિવસોમાં ઉમરેઠમાં આમ આદમી પાર્ટીમાં કાર્યકરોની ભરતી કરવા માટે ઝુંબેશ પણ હાથ ધરવામાં આવશે તેવી ચર્ચાઓ હાલમાં નગરમાં વહેતી થઈ છે. એક તરફ સમગ્ર ઉમરેઠ પંથકમાં ભાજપની મજબુત પક્કડ છે ત્યારે આમ આદમી પોતાનું અસ્તીત્વ શોધવા માટેનું ભગીરથ કાર્ય હાથ ધર્યું છે, ઉપરથી ઉમરેઠના અગ્રણી રાજકિય દિગ્ગજએ આમ આદમી સાથે હાથ મિલાવ્યો હોવાની અટકળો છે ત્યારે આવનારા સમયમાં પાલીકાની ચુંટણીમાં રાજકિય સમીકરનો બદલાય અને મોટી રાજકીય વ્યક્તિ પોતાના પક્ષ છોડી અન્ય પક્ષ સાથે છેડો બાંધે તો નવાઈ નહી.

એન.સી.પી પણ પાલીકાની ચુંટણીમાં ઝંપલાવી શકે છે..!

ઉમરેઠ વિધાનસભાની બેઠક પર પાતળી સરસાઈ થી એન.સી.પીના ધારાસભ્ય જયંતભાઈ પટેલ (બોસ્કી) વિજય થયા હતા, તે સમયે સ્થાનિક ઉમરેઠમાં એન.સી.પીનું સંગઠન ના બરાબર હતુ ગણ્યા ગાઠ્યા પણ એન.સી.પીના કાર્યકરો ન હતા છતા પણ ઉમરેઠ માંથી એન.સી.પીને લગભગ તેત્રીસો જેટલા મત મળ્યા હતા ત્યારે હવે વિધાનસભાની ચુંટણીને દોઢ વર્ષ વિત્યા બાદ નગરમાં ૧૦૮ એબ્યુલસવાન સહીતના પ્રશ્નો હલ કર્યા હોવાને કારણે એન.સી.પીની વોટ બેન્ક વધશે તેમ રાજકિય દિગ્ગજો મત પ્રગટ કરી રહ્યા છે જેને કારને ઉમરેઠ નગરપાલિકામાં સત્તાના સમીકરણો સર કરવા એન.સી.પી પણ મેદાનમાં ઉતરે તો નવાઈ નહી.

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: