આપણું ઉમરેઠ ( Since 2009 )

ચરોતરનો ઉંબરો..

ઉમરેઠની નવાજૂની


થોડા દિવસથી બ્લોગ અપડેટ કરવાનો મેળ પડતો નથી, કેટલાક લોકો વોટ્સએપ પર કે ફેશબુક પર વારંવાર ઉમરેઠની નવાજૂની અંગે પુચ્છા કરતા રહે છે તેવા લોકો માટે ખાસ આજે ઉમરેઠની કેટલીક તાજેતરની નવાજૂની પ્રસ્તુત છે.

  • અધીક માસને ધ્યાનમાં રાખી ઉમરેઠના વિવિધ મંદિરોમાં ભક્તોનો અવિરત ઘસારો થઈ રહ્યો છે. ખાસ કરીને નગરના સ્વામિનારાયણ મંદિર અને વૈષ્ણવ સપ્રદાયના શ્રી ગિરિરાજ્ધામ ખાતે ભક્તોનો ખાસ્સો ઘસારો થઈ રહ્યો છે. મંદિરમાં વિવિધ મનોરથો અને ધાર્મિક ઉત્સવો ઉજવવામાં આવી રહ્યા છે. એકંદરે ઉમરેઠમાં ધાર્મિક માહોલ જામ્યો છે.
  • ઉમરેઠમાં નવા રસ્તા બનાવવાનું કામ લગભગ પૂર્ણ થઈ ગયેલ છે, ગણ્યા ગાઠ્યા કેટલાક વિસ્તારમાં જ હવે રસ્તા બનાવવાના બાકી રહ્યા છે. આ વખતે બનેલા રસ્તા લા….બો સમય સુધી ચાલશે તેમ લાગે છે.
  • રસ્તા નવા બન્યા પછી ઉમરેઠમાં બધા ટુ-વ્હિલર ચાલકો ધૂમ સ્ટાઈલમાં બાઈક – એક્ટીવા ચલાવતા થઈ ગયા છે, પણ હવે તેઓએ ડગલે ને પગલે બ્રેક મારવાનો વારો આવશે. ઉમરેઠના મુખ્ય વિસ્તારોમાં તમામ વળાંક પર સ્પીડ બ્રેકર મુકવાની કામગીરી શરૂ થઈ ગઈ છે. જેથી ધૂમ સ્ટાઈલ થી વાહનો હાંકનાર સજ્જનો હવે ધીમા પડે તો નવાઈ નથી.
  • ઉમરેઠમાં મીની કાંકારીયા કહેવાતા રામ તળાવના પ્રોજેક્ટને પૂર્ણ થતા હજૂ થોડો સમય લાગશે, પણ નગરપાલિકાના સૂત્રોના જણાવ્યા મુજબ દિવાળી પહેલા આ પ્રોજેક્ટ પૂર્ણ કરવાની કોશીશ કરવામાં આવશે. હાલમાં રામ તળાવ ફરતે રેલીંગ મારવામાં આવી છે અને તળાવની ફરતે મરક્યુરી લાઈટો પણ લગાવવામાં આવી છે, ટેસ્ટીંગ માટે એક દિવસ તળાવ ફરતે લાઈટો ચાલુ પણ કરી હતી ત્યારે દૂર થી તળાવનો નજારો અદ્ભત લાગતો હતો જો બધુ બરાબર રહેશે તો ઉમરેઠના રામ તળાવને મીની કાંકરીયાનો દરજ્જો મળે તો નવાઈ નહી.
  • ઉમરેઠના બેચરી ફાટક પાસેથી ગેરકાયદેસર રીતે સસ્તા અનાજની દૂકાનનું અનાજ સગેવગે કરતા એક ટ્રક અને ટેમ્પો ઝડપાયો હતો. આણંદ જિલ્લા પૂરવઠા અધિકારીશ્રી આર.ટી.ઝાલા અને તેઓની ટીમને બાતમી મળતા સમગ્ર કૌભાંડને ઝડપી પાડ્યું હતુ, સસ્તા અનાજની દૂકાનનું અનાજ પકડી હવે કાયદેસરની કાર્યવાહી શરૂ થઈ ગઈ છે. પૂરવઠા તંત્રની સદર કાર્યવાહીના પગલે ઉમરેઠ પંથકમાં ગેરકાયદેસર રીતે સસ્તા અનાજની હેરાફેરી કરતા તત્વોમાં ભયનો માહોલ છે.
  • ઉમરેઠ પાસે સુંદલપુરા નહેરમાં બાઈક સવાર પડ્યા હતા, નહેર પાસેથી બાઈક પર ત્રણ યુવાનો પસાર થઈ રહ્યા હતા તેવામાં સામે અચાનક કૂતરું આવતા કૂતરાને બચાવવા જતા બાઈક ચાલકે બાઈક પરથી કાબુ ગુમાવ્યો હતો અને બાઈક સાથે ત્રયેણ યુવાનો નહેરમા ખાબક્યા હતા, સદર ઘટનામાં બે યુવાનોનો આબાદ બચાવ થયો હતો જ્યારે એક યુવાન લાપતા છે.
  • ઉમરેઠના કેટલાક વિસ્તારમાં ડફેરો (લુંટારા) આવવાના હોવાની અફવા ફેલાઈ છે જેના પગલે કેટલાક ચોક્કસ વિસ્તારમાં રાત્રીના સમયે લોકો ઉજાગરા કરી પહેરો ભરવા મજબુર થઈ ગયા છે, આ અંગે પોલીસ તંત્રએ જણાવ્યું હતુ કે, ડફેરો આવવાના હોવાની માત્ર અફવા જ છે ઉલ્લેખનીય છે કે, ઉમરેઠ પાસે ભાલેજ ગામમાં બહુરીપીને ડફેર સમજી ગામના લોકોએ પકડી ઢોર માર માર્યો હતો. આખરે પોલીસે તે વ્યક્તિની પુછપરછ કરતા તે વ્યક્તિ ડફેર નહી પણ માત્ર બહુરૂપી જ હતો. હવે ડફેરની અફવા ફેલાવનાર લોકો સામે પોલીસ કાયદેસરની કાર્યવાહી કરશે અને વોટ્સએપમાં પણ ડફેરની અફવા ફેલાવનાર સામે પગલા ભરાશે ખાસ કરીને જો કોઈ ગૃપમાં ડફેર ને લગતા ફેક મેસેજો કરશે તો તે ગૃપના એડમીન સામે પણ પગલા ભરવામાં આવશે તેમ પોલીસ સૂત્રોએ જણાવ્યું હતું.
  • ઉમરેઠ પંથકમાં હંમેશાની જેમ આ વર્ષે પણ મેઘરાજા રીસાયા હોય તેમ લાગે છે. દર વર્ષે સમગ્ર જિલ્લામાં ઉમરેઠ પંથકમાં મોડો વરસાદ આવે છે આ વર્ષે પણ તેવું જ છે, વરસાદનો એક રાઊન્ડ પત્યા બાદ બીજો રાઊન્ડ ક્યારે શરૂ થશે તેની લોકો રાહ જોઈ રહ્યા છે. ઉલ્લેખનીય છે કે પહેલા રાઊન્ડ માં પણ ગાજ્યા મેઘ વરસ્યા ન હતા.
Advertisements

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: