આપણું ઉમરેઠ ( Since 2009 )

ચરોતરનો ઉંબરો..

ઉમરેઠ આણંદની બસ વધારવા માટે વિદ્યાર્થીઓની માંગ.


ઉમરેઠ-આણંદ અપ ડાઉન કરતા લોકોની સંખ્યા દિવસે દિવસે વધતી જાય છે બીજી બાજૂ ઉમરેઠ આણંદ વચ્ચે બસ સેવા અપુરતી હોવાનું સ્થાનિકો જણાવી રહ્યા છે. આણંદ વિદ્યાનગર મોટી સંખ્યામાં લોકો સવારના સમયે નોકરી ધંધા અર્થે જતા હોય છે તેવામાં વિદ્યાનગર આણંદ સ્થીત કોલેજ તેમજ ક્લાસિસમાં અભ્યાસ અર્થે જતા વિદ્યાર્થીઓનો પણ ઘસારો હોય છે જેથી સવારે ૭ થી ૧૦ કલાક સુધી ઉમરેઠ થી આણંદ જતી વધારે બસ મુકવામાં આવે તેમ લોક લાગણી પ્રવર્તમાન બની છે.

હાલમાં સવારે દશ કલાક સુધી આણંદ તરફ જતી બસ ડાકોર થી આવે છે જે આગળથી જ ભરાઈને આવતી હોવાથી ઉમરેઠના વિદ્યાર્થીઓ સહીત અન્ય મુસાફરોને માસિક પાસ લીધેલો હોવા છતા ઉભા ઉભા ગીરદીમાં જવાનો વારો આવે છે. વધુમાં કેટલાક સમયે ગીરદીનો લાભ લઈ કેટલાક છેલબટાવ યુવાનો અશોભનીય વર્તન કરતા હોય છે જેને કારણે યુવતિઓ મુશ્કેલીમાં મુકાય છે. ભૂતકાળમા ઉમરેઠના વિધાર્થીઓ દ્વારા આણંદ તરફ જતી બસ સેવા વધારવા ઉગ્ર રજૂઆતો પણ કરી હતી પરંતુ સકારાત્મક પરિનામ મળ્યું ન હતુ, આવનારા સમયમાં જો આણંદ તરફ જતી બસ વધારવામાં નહી આવે તો કેટલાક વિદ્યાર્થીઓ ઉચ્ચ કક્ષાએ રજૂઆત કરી આંદોલન કરવાના મૂડમાં હોય તેમ જાણવા મળી રહ્યું છે. એક તરફ આણંદ તરફ જતી ઓછી બસને કારણે વિદ્યાર્થીઓ પરેશાન છે ત્યારે બીજી બાજૂ વહેપારી તેમજ નોકરીયાત વર્ગના લોકોને પણ આણંદ તરફની અપુરતી બસ સેવાને કારણે અનેક મુશ્કેલીઓનો સામનો કરવો પડી રહ્યો છે.

પાસ હોવા છતા છકડામાં મુસાફરી કરવી પડે છે.

ઉમરેઠથી આણંદ વિદ્યાનગર અપ ડાઊન કરતા વિદ્યાર્થીઓએ જણાવ્યું હતુ કે માસિક પાસ હોવા છતા કેટલાય દિવસ બસમાં ગીરદી હોવાને કારણે અથવા સમય સાચવા માટે તેઓએ છકડા કે ખાનગી વાહનો દ્વારા આણંદ જવું પડે છે. મોટાભાગની બસ ડાકોર થી જ ભરાઈ જતી હોય છે જેથી તેઓને પૈસા ખર્ચીને ગીરદીમાં ઉભા ઉભા જવુ પડે છે.

આણંદની ટ્રેનનો સમય પ્રતિકૂળ

ઉમરેઠથી આણંદ તરફ જતી ટ્રેનના સમય પણ પ્રતિકૂળ હોવાને કારણે ઉમરેઠના વહેપારીઓ અને વિદ્યાર્થીઓ ટ્રેનનો લાભ લઈ શકતા નથી. આણંદ તરફ જતી ટ્રેન અન્ય મુંબઈ કે વડોદરા તરફ જતી ટ્રેનના સમયને ધ્યાનમાં રાખી મુકવામાં આવે છે જેથી તેનો લાભ સ્થાનિક વિદ્યાર્થીઓ કે વહેપારીઓ ઉઠાવી શકતા નથી. આણદ જવા માટે ૭ થી ૧૦ના ગાળામાં નોન સ્ટોપ ટ્રેન મુકવામાં આવે તો પણ બસ સેવા પર ભારણ ઓછું થઈ શકે તેમ છે.

Advertisements

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: