આપણું ઉમરેઠ ( Since 2009 )

ચરોતરનો ઉંબરો..

મકાનની સનોદોના મુદ્દે સતત છઠ્ઠા દિવસે-ઉમરેઠના વોર્ડ નં.૩માં હરિનગરના રહીશોનું ઉપવાસ આંદોલન.


 ૨૫ ચો.મી કરતા વધુ દબાણ કરેલ છે. – અલ્તાફ મલેક (ઉપ-પ્રમુખ)

હરિનગરના મ્યુ.કાઊન્સિલર અને ઉમરેઠ નગરપાલિકાના ઉપ પ્રમુખ અલ્તાફભાઈ મલેકે જણાવ્યું હતુ કે ૨૦૦૮માં સદર વિસ્તારના લોકોને ૨૫.ચો.મીના પ્લોટની સનદ અંગેનો ઠરાવ જેતે સમયના સત્તાધીશો દ્વારા કરવામાં આવ્યો હતો. તે સમયે જે વ્યક્તિઓને સનદ આપવામાં આવી હતી તે જ વ્યક્તિઓ હાલમાં ત્યાં રહે છે કે બીજા લોકો ત્યાં રહેવા આવ્યા છે તેની સમીક્ષા કરવી જરૂરી છે. વધુમાં તેઓએ ઉમેર્યું હતુ કે હાલમાં જેતે વિસ્તારના રહીશો દ્વારા ૨૫.ચો.મી થી પણ વધુ જગ્યા કવર કરવામાં આવી છે જેથી જો તે દીશામાં આગળ વધવામાં આવે તો પણ ભવિષ્યમાં વિવાદ થઈ શકે તેમ છે. જેથી આ અંગે નિષ્ણાંતોની સલાહ લઈ આગળ કાર્યવાહી કરવા તેઓએ ખાતરી આપી હતી અને વધુમાં ઉમેર્યું હતુ કે હાલમાં આ મુદ્દો ઉમરેઠ નગરપાલિકાના હાથ બહારની વાત છે જેથી મામલતદાર અને કલેક્ટરશ્રીને આ અંગે જરૂરી રજૂઆત કરી સકારાત્મક નિર્ણય લેવા તેઓ કટીબધ્ધ છે.

 

સમસ્યાનો નિકાલ ન આવે ત્યાં સુધી ઉપવાસ આંદોલન ચાલું રાખવાની ચિમકી

ઉમરેઠના વોર્ડ નં.૩માં આવેલા હરીનગરના રહીશોને ૨૦૦૮માં ઉમરેઠ નગર પાલિકા દ્વારા જનરલ બોર્ડમાં ઠારવ નં.૭ થી તા.૩૦.૪.૨૦૦૮ના રોજ ૨૫ ચો.મીના પ્લોટોની ફાળવણી કરવા ઠરાવ કરવામાં આવ્યો હોવા છતા આજદીન સુધી તેઓને પ્લોટની ફાળવની ન કરવામાં આવતા આખરે સ્થાનિકોએ ઉપવાસ આંદોલનનું ઓજાર ઉઠાવવાનો વારો આવ્યો છે.

વધુમાં પ્રાપ્ત માહીતી મુજબ ઉમરેઠ પાલિકા દ્વારા સદર વિસ્તારમાં પાણી પૂરવઠો સહીતની સેવા પૂરી પાડવામાં આવે છે, સદર વિસ્તારના લોકો પાસે ચુંટની કાર્ડ પણ છે અને નગરના વોર્ડ નં.૩ માંથી તેઓ મતાધીકારનો પણ ઉપયોગ કરે છે છતા સરકારી ચોપડે આ વિસ્તારનું કોઈ અસ્તીત્વ દેખાતું નથી. ચર્ચાઈ રહ્યું છે કે મામલતદાર કચેરી સહીત નગરપાલિકાના ચોપડે આ વિસ્તારનો કોઈ ઉલ્લેખ પણ નથી જો આ વાત સાચી હોય તો તેઓને પાણી પૂરવઠો કેમ પૂરો પાડવામાં આવે છે..? તેમજ તેઓ પાસે ચુંટણી કાર્ડ ક્યાંથી આવ્યા તે પણ એક સવાલ છે.

સદર વિસ્તારના અશોકભાઈએ જણાવ્યું હતુ કે ચુંટનીના સમયે વોર્ડ નં.૩ના મેમ્બરો સહીત નેતાઓ મોટી મોટી વાતો કરી પ્લોટોની ફાળવણીના ઠાલા વચનો આપે છે પરંતું ચુંટણી પત્યા પછી નેતાઓ હું કોણ ને તું કોણની વાતો કરતા થઈ જાય છે જેથી નાછુંટકે તેઓને ઉપવાસ ઉપર ઉતરવાનો નિર્ણય લેવો પડ્યો છે વધુમાં તેઓએ ઉમેર્યુ હતુ કે આ મુદ્દે મામલતદાર,પાલિકા પ્રમુખ સહીત કલેક્ટર સુધી તેમજ જિલ્લા ફરિયાદ નિવારણમાં પણ રજૂઆતો કરી હોવા છતા કોઈ પરિણાત્મક પગલા ભરવામાં આવતા નથી. છ દિવસથી ઉપવાસ આંદોલન ચાલી રહ્યું હોવા છતા તેઓની ભાળ લેવા કોઈ નેતા ફરક્યા પણ નથી.

સદર વિસ્તારના રહીશોની ઉગ્ર માગણી છે કે તેઓને સત્વરે પ્લોટોની ફાળવણી કરવામાં આવે અને તેઓ પોતાના ઘરના ઘરમાં રહી શકે તેવી વ્યવસ્થા કરવામાં આવે નહીતો ઉપવાસ આંદોલન આગળ ચાલતું જ રહેશે. સદર વિસ્તારના રહીશો દ્વારા આક્ષેપ કરવમાં આવ્યો હતો કે, અમોને તંત્ર માત્ર વોટ તરીકે જ દેખે છે અને પણ માણસ છે અને અમને અમારા હક્ક મળવા જ જોઈયે.

ટેક્ષ વગર પાણી પૂરવઠો અપાય છે..!

ઉમરેઠના વોર્ડ નં.૩માં આવેલા હરિનગરમાં પાલિકા તંત્ર દ્વારા પાણી પુરવઠો પૂરો પાડવામાં આવે છે. પરંતુ સદર વિસ્તારના મકાનો અંગે પાલિકાના ચોપડામાં કોઈ ઉલ્લેખ ન હોવાને કારણે આ રહીશો પાસેથી કોઈ પણ જાતનો ટેક્ષ વસુલ કરવામાં આવતો નથી જો આ વિસ્તારના રહીશો ગેરકાયદેસર રીતે વસવાટ કરતા હોય તો તેઓને પાણી પુરવઠો આપવામાં શા માટે પાલિકા તંત્ર ધ્વારા જે તે સમયે ઉદારતા દાખવી તે પણ મોટો પ્રશ્ન છે.

Advertisements

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: