આપણું ઉમરેઠ ( Since 2009 )

ચરોતરનો ઉંબરો..

ઓડના યુવાનની હત્યા જમીન તકરારને કારણે કાકાએ જ કરી હતી હોવાનું બહાર આવ્યું..!


છોકરીની લાલચ આપીને અનિકેતને ખેતરના બોરકુવા પર લઈ જઈ ગળામાં રસી નાંખી નીચે પાડી દઈને મોઢાના ભાગે ઓશીકું મુકી દઈ ગુંગળાવીને મારી નાંખ્યો હતો.
ઓડના ૧૭ વર્ષીય યુવાન અનિકેતના રહસ્યમય મોત પરથી આખરે પડદો ઉંચકાઈ જવા પામ્યો છે. પિતરાઈ કાકાએ જ પોતાના એક મળતિયાની મદદથી અનિકેતનું અપહરણ કરીને ખેતરના બોરકુવા પર લઈ જઈને ગળુ દબાવીને હત્યા કરી નાંખી હોવાનું ખુલવા પામતાં પોલીસે હત્યાનો ગુનો દાખલ કરીને બન્ને શખ્સોને ઝડપી પાડીને કાયદેસરની કાર્યવાહી હાથ ઘરી છે.

પ્રાપ્ત વિગતો અનુસાર ગત ૨૫મી તારીખના રોજ રાસનોલ ગામની ગણેશપુરા સીમમાંથી પસાર થતી મોટી નહેરના ગરનાળામાં ઓડની સોના ટેકરી ખાતે રહેતા ૧૭ વર્ષીય યુવાન અનિકેત ચન્દ્રકાન્તભાઈ પટેલની લાશ મળી આવી હતી. અનિકેતના શરીર પર પહેરેલા દોઢેક લાખ રૂપિયાના સોનાના દાગીના તથા મોબાઈલ ફોન અને રોકડ રકમ ગૂમ હોય પ્રથમ દ્રષ્ટિએ લૂંટના ઈરાદે ઠંડા કલેજે હત્યા કરાઈ હોવાની શંકાઓ વ્યક્ત કરવામાં આવી હતી પરંતુ પીએમ રીપોર્ટમાં પણ પાણીમાં ડુબી જવાને કારણે મોત થયાનું ખુલવા પામતાં સમગ્ર મામલો વધુ રહસ્યમય બની જવા પામ્યો હતો જેને લઈને આણંદ એલસીબી સહિત પોલીસ ટીમો તપાસમાં જોતરાઈ હતી. દરમ્યાન ચન્દ્રકાન્તભાઈ તથા ઘરના સભ્યોની પુછપરછ કરતાં શંકમંદ તરીકે તેમના પિતરાઈ હિતેનભાઈ ભાઈલાલભાઈ પટેલનું નામ આપવામાં આવતા પોલીસે તેમની ઉલટતપાસ કરી હતી જેમાં તેઓ પડી ભાંગ્યા હતા અને તેઓએ જ પોતાના સાગરિત સાથે મળીને અનિકેતની હત્યા કરી નાંખી હોવાની કબુલાત કરી હતી. પોલીસના જણાવ્યા અનુસાર બનાવના દિવસે એટલે કે ૨૪મી તારીખના રોજ રાત્રીના સુમારે બેસતુ વર્ષ હોય યુવાનો ગામની ભાગોળે ફટાકડા ફોડી રહ્યા હતા ત્યારે હિતેનભાઈ પટેલ બાઈક લઈને આવ્યો હતો અને અનિકેતને કુવા પર સરસ છોકરી બોલાવી છે તેમ જણાવીને લલચાવ્યો હતો જેથી લાલચમાં આવી ગયેલો અનિકેત તેમના બાઈક પર બેસી ગયો હતો. હિતેન બાઈક સીધુ જ ખેતરના બોરકુવા પર લઈ આવ્યો હતો જ્યાં અગાઉથી જ પ્લાન મુજબ રાજેશ ઉર્ફે કાળીયો ભલાભાઈ પરમાર હાજર હતો. અનિકેતને એક ખુરશીમાં બેસાડીને છોકરી અંગેની વાતો કરવા લાગ્યા હતા. દરમ્યાન તેના ગળામાં એકાએક રસ્સી નાંખીને નીચે પાડી દેવામાં આવ્યો હતો ત્યારબાદ મોઢાના ભાગે ઓશીકું મુકી દઈને અનિકેત પર બેસી ગયા હતા અને ગુંગળાવીને મારી નાંખ્યો હતો. ત્યારબાદ લાશને બાઈક પર બેસાડીને ગણેશપુરા સીમમાં આવ્યા હતા અને ત્યાં નાંખી દઈને ફરાર થઈ ગયા હતા.

હત્યા કરવા પાછળના કારણ અંગે પોલીસે જણાવ્યું હતુ કે છેલ્લાં કેટલાક સમયથી તેમના વચ્ચે જમીન વહેંચણીનો વિવાદ ચાલતો હતો જેને લઈને હિતેનભાઈ પટેલ સમસમી ઉઠ્યા હતા. વળી થોડા સમય પહેલાં તેમના પિતાને માર મારવામાં આવ્યા હતા. અનિકેત ચન્દ્રકાન્તભાઈનો એકનો એક દિકરો હતો જેથી જો તેનો કાંટો કાઢી નાંખવામાં આવે તો ભવિષ્યમાં ચન્દ્રકાન્તભાઈના ભાગની જમીન તેમના હિસ્સે આવી જાય તવી ગણત્રી માંડીને હિતેને અનિકેતની હત્યાનો પ્લાન બનાવ્યો હતો અને બેસતા વર્ષના દિવસે તેને અંજામ આપ્યો હતો.

જમીનની અદાવત શું હતી?
અનિકેતની હત્યા કરનાર હિતેન પટેલ અને ચન્દ્રકાન્તભાઈ પટેલ પિતરાઈ ભાઈ થાય છે. જમીનની વહેંચણીમાં પાંચ ભાઈઓ વચ્ચે ચાર-ચાર વીઘા જમીન આવી હતી. બધા ભાઈઓના નામે આ જમીન થઈ જવા પામી હતી જ્યારે હિતેનભાઈના પિતા ભાઈલાલભાઈના નામે આ જમીન થવા દેતા નહોતા જેને લઈને છેલ્લાં કેટલાય સમયથી તકરાર ચાલતી હતી થોડા સમય પહેલાં તો આ મુદ્દે વિખવાદ થતાં ભાઈલાલભાઈને માર પણ માર્યા હતા. આ બધી રીસ તેમજ અનિકેત ચન્દ્રકાન્તભાઈ પટેલનો એકનો દિકરો હતો જેથી જો તેને રસ્તામાં દુર કરી દેવામાં આવે તો ચન્દ્રકાન્તભાઈના ભાગની ૪ વીઘા જમીન પણ તેમના ભાગે આવી જશે તેમ માનીને અનિકેતની ઠંડા કલેજે હત્યા કરી નાંખવામાં આવી હતી.
Advertisements

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

%d bloggers like this: