આપણું ઉમરેઠ ( Since 2009 )

ચરોતરનો ઉંબરો..

Monthly Archives: August 2014

ઉમરેઠમાં ગણેશ મહોત્સવની ભક્તિભેર ઉજવણી


ઉમરેઠમાં ગણેશ મહોત્સવની ઉત્સાહભેર ઉજવણી શરૂ થઈ ગઈ છે. નગરમાં સૌ પ્રથમ ગણેશ મહોત્સવની શરૂઆત કાછીયાવાડ દાદાના દરબાર વિસ્તારમાં થઈ હતી. આ વિસ્તારમાં આ વર્ષે ૨૬મો ગણેશ મહોત્સવ ઉજવાઈ રહ્યો છે. આ ઉપરાંત નગરના શેલતિયા કૂવા વિસ્તારમાં પણ ગણેશ મહોત્સવ વર્ષોથી ઉજવાઈ રહ્યો છે. ઉપરોક્ત તસ્વીરમાં ઉમરેઠના કાછીયાવાડ,શેલતિયા કૂવા, પંચવટી,ગલાગોઠડીયાની પોળ તેમજ રૂદ્રગૃપના ગણેશજી દ્રશ્યમાન થાય છે. ઉલ્લેખનીય છે કે રૂદ્ર ગૃપ દ્વારા દરવર્ષની જેમ ચાલુ વર્ષે પણ અનોખી રીતે ગણેશ પંડાલ બનાવ્યું છે,આ વર્ષે ગુફામાં પ્રવેશ કરી ગણેશજીના દર્શન થાય તે રીતે સેટ નગરના આર્ટીસ્ટ જયંત પેઈન્ટરે તૈયાર કર્યો છે. ઉમરેઠ પોલીસે જણાવ્ય હતુ કે,નગરમાં ૨૫ જગ્યાએ ગણેશજીની સ્થાપના કરવામાં આવી છે અને શાંતિપૂર્ણ ગણેશ મહોત્સવ ભક્તિભેર ઉજવાય તે માટે પો.સ.ઈ યુ.એ.ડાભીના માર્ગદર્શન મુજબ ચુસ્ત બંદોબસ્ત રાખવામાં આવ્યો છે.

ભરોડા


ઉમરેઠ તાલુકાના ભરોડા ગામ ખાતે તાલુકા પંચાયત ઉમરેઠની ગ્રાન્ટ માંથી બે લાખના ખર્ચે વોટર વર્કસનો બોર બનાવવાની મંજૂરી મળતા, ઉમરેઠ તાલુકા પંચાયતના પ્રમુખ ભૃગુરાજસિંહ ચૌહાણે ભરોડાના સરપંચ તેમજ સિનિયર સિટીઝન ફોરમના સભ્યોની ઉપસ્થિતીમાં નવનિર્માન પામનાર બોર માટે ભુમિપૂજન કર્યું હતુ તેઓએ જણાવ્યું હતુ કે આ બોર કાર્યરત થતાની સાથે ભરોડામાં પાણીની સમસ્યા નહી રહે અને ગ્રામ્પજનોની સુવિધામાં અવધારો થશે. આ પ્રસંગે ભરોડાના અગ્રણીઓ સહીત યુવાકાર્યકર શંભુભાઈ પટેલ સહીત નગરજનો ઉપસ્થિત રહ્યા હતા.

ઉમરેઠ તાલુકાના ભરોડા ગામ ખાતે તાલુકા પંચાયત ઉમરેઠની ગ્રાન્ટ માંથી બે લાખના ખર્ચે વોટર વર્કસનો બોર બનાવવાની મંજૂરી મળતા, ઉમરેઠ તાલુકા પંચાયતના પ્રમુખ ભૃગુરાજસિંહ ચૌહાણે ભરોડાના સરપંચ તેમજ સિનિયર સિટીઝન ફોરમના સભ્યોની ઉપસ્થિતીમાં નવનિર્માન પામનાર બોર માટે ભુમિપૂજન કર્યું હતુ તેઓએ જણાવ્યું હતુ કે આ બોર કાર્યરત થતાની સાથે ભરોડામાં પાણીની સમસ્યા નહી રહે અને ગ્રામ્પજનોની સુવિધામાં અવધારો થશે. આ પ્રસંગે ભરોડાના અગ્રણીઓ સહીત યુવાકાર્યકર શંભુભાઈ પટેલ સહીત નગરજનો ઉપસ્થિત રહ્યા હતા.

ગણેશજીનું મંદિર, ખારવાવાડી-ઉમરેઠ


ઉમરેઠના ખારવાવાડી વિસ્તારમાં આવેલ ગણેશજ ઉમરેઠ પંથકમાં અનેરૂં ધાર્મિક મહત્વ ધરાવે છે, માન્યતા છે કે બુધવારે ગણેશજીના દર્શન કરી કોઈ માનતા રાખવામાં આવે તો ગણેશજી અવશ્ય પૂર્ણ કરે છે. બુધવારે ગણેશજીના દર્શન કરવા ભક્તો અચુક આવતા હોય છે. આ ગણેશજીના મંદિરની ખાસીયત છે કે, આ મંદિરમાં બિરાજમાન ગણેશજી ઉભા છે, જે ખૂબ જૂજ મંદિરોમાં જોવા મળે છે,મોટાભાગે ગણેશજી બેઠેલા હોય તેવી પ્રતિમાં વધારે હોય છે.

 

ઉમરેઠમાં બિરાજમાન ગીરીરાજજીના દર્શન (તા.૧૮.૮.૨૦૧૪ થી ૨૪.૮.૨૦૧૪)


Click On Photo To View in Full size , Jai Shree Krushna

ઉમરેઠમાં શ્રાવણમાસના છેલ્લા સોમવારે ભક્તોનો મહાદેવમાં ઘસારો


બિલેશ્વર મહાદેવ ખાતે ઘીના કમળના દર્શનનું આયોજન

બિલેશ્વર મહાદેવ ખાતે ઘી ના કમળ - ઉમરેઠ ડાકોર માર્ગ

બિલેશ્વર મહાદેવ ખાતે ઘી ના કમળ – ઉમરેઠ ડાકોર માર્ગ

ઉમરેઠમાં શ્રાવણ માસના અંતિમ સોમવારે મહાદેવમાં ભક્તોની ભારે ભીડ જોવા મળી હતી સવારથી જ ભક્તો મોટી સંખ્યામાં શીવાલયોમાં મહાદેવજીની આરાધના કરવા આવી પહોંચ્યા હતા. ઉમરેઠ ડાકોર માર્ગ પર આવેલ બિલેશ્વર મહાદેવ ખાતે દર વર્ષની જેમ પરંપરાગત રીતે ધીના કમળ બનાવી મહાદેવજીને ધરાવવામાં આવ્યા હતા. આ દિવ્ય દર્શનનો લાભ લેવા ઉમરેઠ સહીત ડાકોર પંથકના ભક્તોએ ઘસારો કર્યો હતો.

સ્વામિનારાયણ મંદિર

સ્વામિનારાયણ મંદિર

ઉમરેઠન વડતાલ તાબાના શ્રી સ્વામિનારાયણ મંદિર ખાતે શ્રીજીને શીવજીના વાધા ધરાવવામાં આવ્યા હતા, અને કૈલાસ પર શિવજી બિરાજમાન હોય તેવું દ્રશ્ય બનાવવામાં આવ્યું હતું. આ દિવ્ય દર્શનનો હરિભક્તોએ લાભ લીધો હતો.

ચંન્દ્રમુળેશ્વર મહાદેવ ખાતે પીપળા પુજન કરી ફેરા ફરવામાં આવ્યા.

ચંન્દ્રમુળેશ્વર મહાદેવ ખાતે પીપળા પુજન કરી ફેરા ફરવામાં આવ્યા.

ઉમરેઠમાં ચંન્દ્રમુળેશ્વર મહાદેવ ખાતે સોમવતી અમાસના પર્વે પીપળે ફેરા ફરવા માટે મહીલાઓનો ઘસારો થયો હતો. પરંપરાગત રીતે મહીલાઓ દ્વારા પીપળા પુજન કરવામાં આવ્યું હતુ, અને શ્રધ્ધા મુજબ પીપળાના ફેરાફરી મહીલાઓ ધન્યતા અનુભવી હતી.

Girirajdham Darshan UMRETH


image

GIRIRAJDHAM DARSHAN , 23.8.2014

ઉમરેઠમાં પંચકુંડી શિવપંચાયતન યાગ યોજાયા.


ઉમરેઠના જાગનાથ મહાદેવ ખાતે પવિત્ર શ્રાવનમાસને અનુલક્ષી પંચકુડી શિવ પંચાયતન યાગનું આયોજન કરવામાં આવ્યું હતું. જેનો નગરના ભક્તોએ મોટી સંખ્યામાં લાભ લીધો હતો અને ધન્યતાનો અનુભવ કર્યો હતો. સદર યજ્ઞમાં શિવ,વિષ્ણુ,સુર્યુ,ગણેશ,અને દેવી મળી કૂલ પાંચ દેવોને ઉદ્દેશી કરવામાં આવ્યો હતો. યજ્ઞને સફળ બનાવવા માટે આચાર્ય યુલકીતભાઈ શાસ્ત્રી, શાસ્ત્રી રાજેન્દ્રપ્રસાદ ભટ્ટ, શાસ્ત્રી અલ્પેશભાઈ દવે, તેમજ ભીખુભાવી દવેએ જહેમત ઉઠાવી હતી તેમ જાગનાથ મહાદેવના કાર્યકર રીતેશભાઈ પટેલે જણાવ્યું હતું.

ઉમરેઠના બી.એ.પી.એસ સ્વામિનારાયણ મંદિરમાં ત્રિદિવસીય બાળપારાયણનું આયોજન


બાળવક્તા યશ જયેશભાઈ પટેલે શાસ્ત્રીજી મહારાજના બાળપણના દિવ્ય પ્રસંગોનું રસપાન કરાવ્યું

balparayan01 BALPARAYAN02

વિદ્યાર્થીઓમાં ધાર્મિક ભાવના વધે અને તેઓ સત્સંગ તરફ રૂચિ ધરાવતા થાત તે હેતુ થી લગભગ ૬૦ વર્ષ પહેલા પરમ પૂજ્ય પ્રમુખ સ્વામી મહારાજના ગુર બ્રહ્મ સ્વરૂપ યોગીજી મહારાજે બાળકોને બાળપારાયણ સ્વરૂપે અનોખો ધાર્મિક વારસો આપ્યો હતો. જે પરંપરાગત મુજબ બી.એ.પી.એસ શ્રી સ્વામિનારાયણ મંદિરોમાં બાળપારાયણનું આયોજન થતુ હોય છે. જેમાં સત્સંગીઓના બાળકો નક્કી કરાયલ વિષયો ઉપર પોતાના વિચારો તેમજ ધાર્મિક પ્રવચનો રજૂ કરે છે. સદર બાળ પારાયણમાં અમદાવાદ શાહીબાગ બી.એ.પી.એસ શ્રી સ્વામિનારાયણ મંદિર તરફથી “જય જય શાસ્ત્રીજી મહારાજ” વિષય ઉપર બાળપારાયણના આયોજન કરવાની આજ્ઞા મળી હતી જેના ભાગરૂપે ઉમરેઠના બી.એ.પી.એસ સ્વામિનારાયણ મંદિરમાં તારીખ ૨૨ ,૨૩ અને ૨૪ ઓગષ્ટે ત્રિદિવસીય બાળપારાયણનું આયોજન કરવામાં આવ્યું હતુ. જેમાં મોટી સંખ્યામાં સત્સંગીઓ તેમજ તેઓના બાળકો સહ પરિવાર ભાગ લીધો હતો, બાળપારાયણની શરૂઆત શ્રી સ્વામિનારયાયણ ભગવાનની ધૂન,સ્તુતિ સાથે કરવામાં આવી હતી. આ અંગે સત્સંગી વિશાલભાઈ પટેલે જણાવ્યું હતુ કે, બાળકો દ્વારા બાળપારાયણમાં ધાર્મિક પ્રવચન કરવામાં આવે છે, તેઓને પોતાનું પ્રવચન તૈયાર કરવા સ્વામિનારાયણ મંદિરના સત્સંગીઓ તેમજ તેઓના પરિવારજનો મદદ કરે છે, ત્યાર બાદ બાળકો પોતાના વિચારો તેઓની ભાષામાં સૌ સમક્ષ રજૂ કરે છે. બાળપારાયણના પ્રથમ દિવસે યશ જયેશભાઈ પટેલે શાસ્ત્રીજી મહારાજના બાળપણના દિવ્ય પ્રસંગોનું રસપાન કરાવ્યું હતું અને ઉપસ્થિત સત્સંગીઓને મંત્ર મુગ્ન કરી દીધા હતા ઉલ્લેખનીય છે કે બાળ સત્સંગીઓ ઈગ્લિસ મિડીયમ સ્કૂલમાં અભ્યાસ કરતા હોવા છતા પણ તેઓ દ્વારા સુંદર રીતે શાસ્ત્રીજી મહારાજના બાળપણના પ્રસંગોને ગુજરાતીમાં સુંદર રીતે પોતાની રીતે પ્રગટ કર્યા હતા અને નૃત્ય, સ્કીટ અને દ્રશ્ય શ્રાવ્ય માધ્યમ દ્વારા વિવિધ કાર્યક્રમો નો લાભ ઉપસ્થિત હરિભક્તોને આપ્યો હતો. સમગ્ર બાળપારાયણનું સંચાલન સંસ્થાના સત્સંગી બાળકો દ્વારા જ કરવામાં આવ્યું હતુ, ધાર્મિક પ્રવૃત્તિ બાદ બાળકોની સુસુપ્ત શક્તિઓને નિખારવા માટે ઈતર પ્રવૃત્તિઓનું આયોજન કરવામાં આવ્યું હતું,એકંદરે ઉમરેઠના બી.એ.પી.એસ શ્રી સ્વામિનારાયણ મંદિરમાં યોજાયેલ ત્રિદિવસીય બાળપારાયણ હર્સોઉલ્લાસ સાથે યોજાયો હતો.

ઉમરેઠમાં ૬૮મા સ્વાતંત્ર દિવસની ઉત્સાહભેર ઉજવણી.


શ્રી સરસ્વતી વિદ્યાલય ઉમરેઠના શ્રી સરસ્વતી વિદ્યાલય ખાતે સ્વાતંત્રતા દિવસની ઉજવણી ઉત્સાહભેર કરવામાં આવી હતી. નિવૃત આચાર્ બાબુભાઈ એસ.પટેલના અધ્યક્ષ પદે ધ્વજવંદન કાર્યક્રમનું આયોજન કરવામાં આવ્યું હતું. આ રાષ્ટ્રીય પર્વમાં બાબુભાઈ પટેલે વિદ્યાર્થીઓને દેશને મળેલ મહામૂલી આઝાદીનું જતન કરવા માટે અનુરોધ કર્યો હતો. સદર કાર્યક્રમમાં સરસ્વતી વિદ્યાલયના વિદ્યાર્થી દેવાંશી શાહ તેમજ માલવ શેલતે સ્વતંત્રતા દિવસ પર અંગ્રેજીમાં વ્યાખ્યાન કરી ઉપસ્થિત લોકોને મંત્રમુગ્ન કરી દીધા હતા. શાળાના બાળકો દ્વારા દેશભક્તિના ગીતોની રમઝટ બોલાવવામાં આવી હતી. સરસ્વતી સ્કૂલના ચેરમેન ર્ડો.મધુસુધન ભગતના હસ્તે વિદ્યાલયના પૂર્વ આચાર્યશ્રી સંજયભાઈ પ્રજાપતિને ભવિષ્યનિધિનો ચેક અર્પન કરવામાં આવ્યો હતો અને તેનોના સ્કૂલ પ્રત્યેના યોગદાનની સરાહના કરી તેઓનું સન્માન કરવામાં આવ્યું હતું.સદ કાર્યક્રમમાં વિદ્યાલયના ટ્રસ્ટ સુજલ શાહ,વ્યવસ્થા સ્થાપક કમિટીના સભ્ય ગુણવંતભાઈ પટેલ તેમજ મોટી સંખ્યામાં વિદ્યાર્થી-વાલી ગણ ઉપસ્થિત રહી દેશ પ્રત્યે પોતાની ભાવના પ્રગટ કરી હતી.

વલ્લભપાર્ક સોસાયટી ખાતે ધ્વજવંદન

વલ્લભપાર્ક સોસાયટી ખાતે ધ્વજવંદન

વલ્લભપાર્ક સોસાયટી ઉમરેઠની વલ્લભપાર્ક સોસાયટી ખાતે પણ ધ્વજ વંદન કાર્યક્રમ રાખવામાં આવ્યો હતો. સોસાયટીના રહીશોએ જણાવ્યું હતુ કે, મોટાભાગે સ્કૂલ અને સરકારી કચેરીઓ માંજ ધ્વજ વંદન કરવામાં આવે છે ત્યારે વલ્લભપાર્ક સોસાયટીના લોકોએ પોતાની સોસાયટીમાં ધ્વજ વંદન કરી સતત બીજા વર્ષે ધ્વજવંદન કર્યું હતુ. સોસાયટીના વડીલો દ્વારા ધ્વજ વંદન કરવામાં આવ્યું હતુ જેમાં તમામ રહીશો હાજર રહ્યા હતા.

મામલતદાર કચેરી ઉમરેઠની મામલતદાર કચેરી ખાતે ૬૮માં સ્વાતંત્ર દિવસની ઉજવણી કરવામાં આવી હતી. આ સમયે ઉમરેઠ તાલુકા મામલતદાર જી.આર.વસાવાના હસ્તે ધ્વજ વંદન કરવામાં આવ્યું હતું અને ઝંડાને સલામી આપવામાં આવી હતી. આ પર્વે પ્રાસંગીક સંબોધનમાં મામલતદાર જી.આર.વસાવાએ આઝાદીનું મહત્વ સમજાવ્યું હતુ. મામલતદાર કચેરી ખાતે યોજાયેલ ધ્વજ વંદન કાર્યક્રમમાં નાયબ મામલતદાર મનીષભાઈ, દિપકભાઈ, તેમજ પૂરવઠા મામલતદાર પટેલ સહીત કર્મચારીઓ તેમજ અધિકારીઓ ઉમરેઠ પોલીસ સ્ટેશનના જવાનો અને સરકારી સ્કૂલના વિદ્યાર્થીઓ ઉપસ્થિત રહ્યા હતા.

તાલુકા પંચાયતની કચેરી ઉમરેઠ તાલુકા પંચાયતની કચેરી ખાતે પ્રમુખ ભૃગુરાજસિંહ ચૌહાનના હસ્તે ધ્વજ વંદન કરવામાં આવ્યું હતુ. આ પ્રસંગે નગરની શાળાના વિદ્યાર્થીઓ સહીત ઉપ પ્રમુખ ફરીદભાઈ પઠાણ, તાલુકા વિકાસ અધિકારીશ્રી, વિમલભાઈ પટેલ તેમજ રાજ્ય સભાના સાંસદ લાલસિંહભાઈ વડોદિયા ઉપસ્થિત રહ્યા હતા અને ઝંડાને સલામી આપી હતી.

ભરોડા પ્રાથમિક શાળા ઉમરેઠના ભરોડ ખાતે સ્વતંત્ર દિવસ ઉજવાયો હતો. ભરોડા ગ્રામ પંચાયત તેમજ પ્રાથમિક શાળા સહીત વિનય મંદીરમાં ધ્વજ વંદન કરવા સરકારી અધિકારીઓ સહીત ગ્રામ્યજનો અને શાળાના બાળકો મોટી સંખ્યામાં ઉપસ્થિત રહ્યા હતા અને દેશ પ્રત્યે પોતાનો પ્રેમ પ્રગટ કર્યો હતો.

ભરોડા સ્કૂલમાં ધ્વજ વંદન

ભરોડા સ્કૂલમાં ધ્વજ વંદન

ધારાસભ્ય જયંતભાઈ પટેલ(બોક્સી)ના હસ્તે ઉંટખરી ખાતે ધ્વજ વંદન

ધારાસભ્ય જયંતભાઈ પટેલ(બોક્સી)ના હસ્તે ઉંટખરી ખાતે ધ્વજ વંદન

ઉટખરી પ્રાથમિક શાળા ઉમરેઠ તાલુકાના ઉંટખરી ગામની પ્રાથમિક શાળામાં ધારાસભ્ય જયંતભાઈ પટેલ(બોસ્કી)ના વરદ હસ્તે ધ્વજ વંદન કરવામાં આવ્યું હતું. પ્રાથમિક શાળાના આચાર્ય સહીત શિક્ષણ ગણ અને બાળકો સહીત ગ્રામ્યજનો મોટી સંખ્યામાં ઉપસ્થિત રહ્યા હતા. ધારાસભ્ય જયંતભાઈ પટેલ(બોસકી)એ આઝાદી માટે શહીદ થનાર દેશના સપૂતોના બલીદાનને નમન કર્યા હતા અને આઝાદી પર્વના મહત્વને સમજાવ્યું હતું. ૬૮માં સ્વાતંત્રતા દિવસે ઉમરેઠના ઉંટખરી ગામે થનાર વિકાસ કાર્યોનું ખાતમહૂર્ત જયંતભાઈ પટેલે કર્યું હતુ જેમાં ગ્રામ્યજનો અને સરપંચ સહીત સભ્યો ઉપસ્થિત રહ્યા હતા.

ઉમરેઠના શ્રી સરસ્વતી વિદ્યાલય ખાતે વિદ્યાર્થીઓનો સન્માન સમારોહ યોજાયો


અખિલભારતીય શિક્ષણ સંસ્થા “વિદ્યાભારતી” સંલ્ગ્ન શ્રી સરસ્વતી વિદ્યાલય ઉમરેઠ ખાતે ધો.૧૦ અને ધો.૧૨ની પરિક્ષામાં શ્રેષ્ઠ પરિનામ સાથે પાસ થનાર વિદ્યાર્થીઓનો સન્માન સમારોહ વિદ્યાલયના માધ્યમિક વિભાગના દાતા નવીનભાઈ સુત્તરીયાના અધ્યક્ષ પદે યોજાયો હતો. આ કાર્યક્રમમાં વિદ્યાલયના મુખ્ય દાત ટ્રસ્ટી નવીનભાઈ સુત્તરીયા તરફથી વિદ્યાલયમાં ધો.૧૦માં પ્રથમ નંબરે પાસ થનાર વિદ્યાર્થી દર્શનસિંહ ઝાલાને સુવર્ણ ચંન્દ્રક તેમજ અન્ય વિદ્યાર્થીઓને રજતમુદ્રાઓ અર્પણ કરી સન્માનીત કર્યા હતા. આ ઉપરાંત વિવિધ વિષયોમાં શ્રેષ્ઠ પ્રદર્શન કરનાર વિદ્યાર્થીઓને રોક્કડ પુરસ્કાર તેમજ પ્રમાણપત્ર નવીનભાઈ સુત્તરીયા અને અન્ય મહેમાનોના હસ્તે એનાયત કરવામાં આવ્યા હતા. આ પ્રસંગે વિદ્યાલયના ચેરમેન ર્ડો.મધુસુધન ભગતે શાળાની વિવિધ સિધ્ધિઓનો વિસ્તૃત અહેવાલ આપ્યો હતો અને શાળા અને વિદ્યાર્થીઓના વિકાસ માટે દાતાશ્રીઓના સહકારની કદર કરી તેઓનો આભાર વ્યક્ત કર્યો હતો.

આ કાર્યક્રમમાં મુખ્ય મહેમાન પદે કિર્તિવદનભાઈ શાહ(વિ.નગર),સરલાબેન સુત્તરીયા, અતિથિ વિશેષ પદે ઉમરેઠ નગરપાલિકાના પ્રમુખ સંજયભાઈ પટેલ, દિનેશભાઈ શાહ, રોટરી કલબના પ્રમુખ સંદિપભાઈ શાહ, ઉમરેઠ શહેર ભાજપ પ્રમુખ સુજલભાઈ શાહ સહીત નગરના પ્રતિષ્ઠીત નાગરિકો અને બહોળી સંખ્યામાં વાલીગણ ઉપસ્થિત રહ્યા હતા અને શાળા અંગે સકારાત્મક અભિવ્યક્તિ કરી હતી. કાર્યક્રમને સફળ બનાવવ માટે વિદ્યાલયના આચાર્ય સહીત શિક્ષકો તેમજ કર્મચારીઓએ જહેમત ઉઠાવી હતી.

ઉમરેઠ પોલીસ દ્વારા રક્ષાબંધન પર્વની ઉજવણી


ઉમરેઠ પોલીસ દ્વારા રક્ષાબંધન પર્વની ઉજવણી કરવામાં આવી હતી. આ પ્રસંગે ઉમરેઠના કાંસકી કોલોની ખાતે રહેતા ગરીબ બાળકોને ભેટ અને મિઠાઈ વિતરણ કરી ગરીબ બાળાઓ સાથે પોલીસ કર્મીઓએ રક્ષાબંધન પર્વ ઉજવ્યું હતુ ત્યાર બાદ ઉમરેઠ પોલીસ સ્ટેશન ખાતે નગરની મદ્રેસામાં અભ્યાસ કરતી મુસ્લીમ બાળાઓએ ઉમરેઠ પોલીસ સ્ટેશનના સ્ટાફને રાખડી બાધવામાં આવી હતી. ઉમરેઠ બ્ર.કુમારી સંસ્થાની બહેનો દ્વારા પણ ઉમરેઠ પોલીસ સ્ટેશનના સ્ટાફને રાખડી બાંધવામાં આવી હતી.

ઉમરેઠ સ્વામિનારાયણ મંદિરમાં ચલણી નોટો તેમજ સોના ચાંદીના આભૂષનોના હિંડોળા દર્શન


ઉમરેઠ સ્વામિનારાયણ મંદિરમાં સોનાચાંદીના આભૂષનો અને ચલણી નોટોના હિંડોળાના દર્શનનું આયોજન કરવામાં આવ્યું હતુમ જેનો લાભ લઈ ઉમરેઠ પંથકના ભાવિક ભક્તોએ ધન્યતાનો અનુભવ કર્યો હતો.

ઉમરેઠ ચોકસી મહાજનના હોદ્દેદારોની વરણી કરાઈ


તા ૨૭-૦૭-૨૦૧૪, રવિવાર ના રોજ ચોકસી મહાજન ઉમરેઠ નો પદગ્રહણ સમારોહ નાસીકવાળા હોલ ખાતે યોજવામાં આવ્યો હતો. જેમાં મુખ્ય અતિથી તરીકે રાજ્યસભા સભ્ય શ્રી લાલસિંહ વડોદિયા તથા અમદાવાદ માણેકચોક સોના ચાંદી એસોસિયેશન ના પ્રમુખ શ્રી હેમેન્દ્રભાઈ સોની ઉપસ્થિત રહ્યા હતા. અને પદગ્રહણ પુરોહિત તરીકે આણંદ ના પ્રખ્યાત ફીઝીશીયન ડો હેમંત અંતાણી ઉપસ્થિત રહ્યા હતા. આ સમારોહ માં શ્રી દિવ્યેશભાઈ મદનલાલ દોશી ને વર્ષ ૨૦૧૪-૧૫ તથા ૨૦૧૫-૧૬ ના પ્રમુખ તરીકે અને શ્રી પરાગકુમાર ચંદ્રકાન્તભાઈ ચોકસી ને મંત્રી તરીકે શપથ લેવડાવવામાં આવ્યા હતા . શ્રી ભરતભાઈ બાવાવાળા ને ખજાનચી તરીકે નીમવામાં આવ્યા હતા . પ્રમુખ તથા મંત્રીએ આ સમારોહ માં વિશ્વાસ વ્યક્તિ કર્યો હતો કે હમણાં જ ૫૦ વર્ષ પૂર્ણ કરી ચૂકેલ આ સંસ્થા ને તે જ રીતે આગળ ધપાવવા તેઓ કટીબદ્ધ છે . શ્રી લાલસિંહ વડોદિયા તથા શ્રી હેમેન્દ્રભાઈ સોની એ જરૂરિયાત સમયે સંસ્થા ને સહકાર આપવાની ખાતરી આપી હતી. તથા ડો હેમંત અંતાણીએ પોતાના માર્ગદર્શન દ્વારા સંસ્થા ને આગળ ધપાવવામાં મદદરૂપ થવાની ખાતરી આપી હતી.

ઉમરેઠ રોટરી ક્લબ દ્વારા રતનપુરા ગામ દત્તક લેવાયું


આગામી ત્રણ વર્ષ સુધી સેવાકીય પ્રવૃત્તિઓ કરશે

rરોટરી કલબ ઓફ ઉમરેઠ દ્વારા તાજેતરમાં ઉમરેઠનું રતનપુરા ગામ દત્તક લેવામાં આવ્યું છે. આ અંગે રતનપુરાના સરપંચ તેમજ તલાટી સાથે એમ.યુ.ઓ. કરવામાં આવ્યું છે. રતનપુરા ગામમાં શૈક્ષણિક, આરોગ્યલક્ષી સહિત અન્ય પ્રવૃત્તિઓ આગામી ત્રણ વર્ષ સુધી રોટરી કલબ રતનપુરા ગામે પૂર્ણ કરવા ભારે મુકશે તેમ કહેતાં રોટરી કલબના પ્રમુખ સંદીપભાઇ શાહએ જણાવ્યું હતું કે, રોટરી કલબ દ્વારા મળતી ગ્રાન્ટનો સૌથી વધુ ઉપયોગ રતનપુરા ગામના રહીશોના સુખાકારી માટે ખર્ચ થશે.તાજેતરમાં રતનપુરા ગામના લોકોમાં વૃક્ષો પ્રત્યે જાગૃતિ કેળવાય અને લોકો વૃક્ષો રોપે અને તેનું જતન કરે તે માટે કાર્યક્રમ યોજાયો હતો. જેમાં રોટરી કલબ દ્વારા પણ વૃક્ષારોપણ કાર્યક્રમ કરવામાં આવ્યો હતો. આ પ્રસંગે રતનપુરા ગામના સરપંચ તલાટી સહિત ગ્રામજનો ઉપસ્થિત રહ્યાં હતાં. જેમાં ગામના પ્રશ્નો અંગે ચર્ચા કરવામાં આવી હતી. રોટરી કલબ દ્વારા ગામના વિદ્યાર્થીઓને વ્યવસ્થિત શિક્ષણ મળી રહે તે માટે ભાર મુકવામાં આવ્યો હતો અને આગામી સમયમાં શૈક્ષણિક પ્રોજેકટો કરવા ખાતરી આપી હતી. આ પ્રસંગે મયુરભાઇ વ્યાસ (ડી-ચેરમેન, સાક્ષરતા), રો-પ્રમુખ સંદીપભાઇ શાહ, પરાગભાઇ ચોકસી, સેજલભાઇ શાહ, અનિલભાઇ પ્રજાપતિ તેમજ તલાટી બીદુબેન લખારા ઉપસ્થિત રહ્યાં હતાં.

ઉમરેઠ પાલિકાના ૪૭ રોજમદાર સફાઈ કામદારોને કાયમીના લાભ આપવા હુકમ


મહિનામાં અમલ કરવા તેમજ રેફરન્સ કેસના ખર્ચ પેટે રૂા. ૫૦૦૦ સંઘને ચૂકવી આપવા હુકમ

ઉમરેઠ નગરપાલિકામાં ઘણાં વર્ષોથી સફાઈ કામદારો રોજમદાર તરીકે ફરજ બજાવતા હતા. આ સફાઈ કામદારોએ કાયમી કામદાર તરીકેના લાભ મેળવવા અખિલ ગુજરાત જનરલ મજદૂર યુનિયન મારફત નડિયાદ મજૂર અદાલતમાં કેસ દાખલ કર્યો હતો. આ કેસ નડિયાદ ઔદ્યોગિક અદાલત સમ-ા ચાલી જતા ૪૭ સફાઈ કામદારોને તા. ૧૪-૧૨-૧૧થી કાયમી કરી લાભો ચૂકવી આપવા ઉમરેઠ નગરપાલિકાને હુકમ કર્યો છે.

મળેલ વિગત મુજબ ઉમરેઠમાં રહેતા કમલેશભાઈ બાબુભાઈ હરિજન તથા અન્ય ૪૬ કામદારો ઉમરેઠ નગરપાલિકામાં ઘણાં વર્ષોથી રોજમદાર સફાઈ કામદાર તરીકે ફરજ બજાવતા હતા. આ સફાઈ કામદારોએ કાયમી કામદારો તરીકેના લાભ મેળવવા અવારનવાર નગરપાલિકામાં માંગણી કરવા છતાં ન્યાય ન મળતા અખિલ ગુજરાત જનરલ મજદૂર યુનિયન સંઘ દ્વારા નડિયાદ ઔદ્યોગિક અદાલતમાં કેસ દાખલ કર્યો હતો. આ કેસ નડિયાદ મજૂર અદાલતમાં ચાલી જતા ઔદ્યોગિક અદાલતના ન્યાયાધીશ રોહિતભાઈ બી. સોનીએ અખિલ ગુજરાત જનરલ મજદૂર સંઘના એડવોકેટ વી.કે. કાઝી અને એસ.કે. પાટીલની દલીલોને ધ્યાનમાં લઈ ઉમરેઠ નગરપાલિકામાં ફરજ બજાવતા ૪૭ રોજમદાર સફાઈ કામદારોને તા. ૧૪-૧૨-૧૧થી કાયમી સફાઈ કામદાર ઠરાવવા જણાવ્યું હતું. આ સફાઈ કામદારોને મળવાપાત્ર ઈજાફાની તેમજ મળવાપાત્ર પગારપંચની ગણતરી કરી તે મુજબ પગારધોરણ તેમજ મળવાપાત્ર તમામ લાભ ચૂકવી આપવા ઉમરેઠ નગરપાલિકાને હુકમ કર્યો હતો. આ હુકમનો એક મહિનામાં અમલ કરવા તેમજ રેફન્સ કેસના ખર્ચ પેટે રૂા. ૫૦૦૦ મજદૂર સંઘને ચૂકવી આપવા હુકમ કર્યો છે.

ઉમરેઠ નગરપાલિકાના સત્તાધીશોને મોટા મોટા બજેટવાળા કામમાં જ રસ ધરાવે છે..?


ઉમરેઠમાં ઠેર ઠેર ખુલ્લી ગટરો – સ્થાનિકોમાં આક્રોશ

0103

ઉમરેઠ નગરમાં છેલ્લા કેટલાય સમયથી પાલિકાના સત્તાધીશો વિકાસના કામોની ડંફાશો મારી રહ્યા છે પરંતુ પાણી,ગટર અને રસ્તા જેવી પ્રાથમિક સુવિધા આપવામાં પાલિકા તંત્ર આળશું અભિગમ દાખવી હોવાનું નગરજનો ફરિયાદ કરી રહ્યા છે. એક તરફ નગરના કેટલાક વિસ્તારમાં પાણી પૂરવઠો પુરતા ફોર્સમાં ન આવતો હોવાની લોક ચર્ચા થઈ રહી છે,ત્યારે નગરના કેટલાય વિસ્તારોમાં ગંદકી અને ખુલ્લી ગટરોને કારને લોકોનો જીવ અધ્ધર છે ત્યારે નગરના દરજીવાડના નાકા,ત્રિવેદી વગા વિસ્તારના રસ્તાની હાલત એટલી ખરાબ થઈ ગઈ છે કે જાણે આ વિસ્તાર પાવાગઢમાં આવ્યો હોય તેવો અહેસાસ થાય છે. એક તરફ નગરજનો માળખાગત સુવિધા માટે ટળવળી રહ્યા છે ત્યારે બીજી બાજૂ સત્તાધીશો તો સબ બરાબરની વાતો સાથે નગરમાં વિકાસ થઈ જ રહ્યો છે તેમ છાતી ઠોકી કહી રહ્યા છે..! પણ ખુલ્લી ગટરો, અને ખરાબ રસ્તા લોકોની આંખે ઉડીને વળગી જ રહ્યા છે પણ પાલિકા તંત્ર તેના નિકાલ માટે કોઈ પરિણાત્મક પગલા ભરતું નથી.

વધુમાં જાગૃતજનો તો આક્ષેપ કરી રહ્યા છે કે ઉમરેઠ નગરપાલિકાના સત્તાધીશોને લાખ્ખો-કરોડોના પ્રોજેક્ટ માંજ રસ છે ગટરના ઢાંકના અને ગંદક દૂર કરવા તેમજ રસ્તા રીપેર કરવાના નાના પ્રોજેક્ટમાં કોઈ હાથ નાખવા પણ તૈયાર નથી. નગરના ઓડ બજાર વિસ્તારમાં આવેલ પ્રાથમિક શાળા બહાર, ઓડ બજાર શોપિંગ સેન્ટર બહાર તેમજ ઓડ બજાર સ્વામિનારાયણ મંદિર બહાર સહીત નગરના કેટલાય વિસ્તારમાં ખુલ્લી ગટરોને કારણે સ્થાનિકો પરેશાન થઈ ગયા છે. અગાઊ પણ આ અંગે નગરપાલિકા તંત્રને જાણ કરવામાં આવી હોવા છતા આજ દીન સુધી આ અંગે કોઈ નક્કર પગલા ભરવામાં આવ્યા નથી ત્યારે ઉમરેઠની નગરપાલિકા સ્કૂલ બહાર જ ખુલ્લી ગટર પુરવામાં પાલિકા એક મહીના થી પણ વધુ સમયથી નિષ્ફળ નિવળી રહી છે ત્યારે અન્ય વિસ્તારમાં શું હાલત થશે તેમ નગરજનો વિચાર કરી રહ્યા છે. વધુમાં નગરપાલિકા સ્કૂલ બહાર ખુલ્લી ગટરમાં તાજેતરમાં નગરની ત્રણ પોળ ખાતે રહેતા કમલેશભાઈ શાહ (બેન્કવાળા) પોતાના બાઈક સાથે પડ્યા હતા તેઓને મોઢાના ભાગે ઈજાઓ પણ પહોંચી હતી, આ જોખમી ખાડા ઉપર હાલમાં સ્થાનિકોએ ભંગાર સાઈકલ મુકી દીધી છે પરંતુ પાલિકા તંત્ર આ ગટર ઉપર ઢાંકણું ક્યારે મુકશે તે યક્ષ પ્રશ્ન છે, પાલિકા તંત્ર જાગશે નહી તો નગરપાલિકા સ્કૂલના જ કોઈ બાળકને આ જોખમી ખુલ્લી ગટરનો ભોગ બનવાનો વારો આવશે તે નક્કી જ છે.

ભગવાન વગાના રહિશો નર્કાગાર સ્થિતીમાં..!
ઉમરેઠના ભગવાન વગા વિસ્તારમાં વરસાદના સામાન્ય ઝાપટાથી પાણી ભરાઈ જાય છે. કૃષ્ણ સિનેમાથી કાછીયાવાડ તરફ જતા રસ્તે માતાજીના મંદિર બહાર અસહ્ય ગંદકીના ઢગલા છે પરંતું પાલિકા તંત્ર આ વિસ્તારની સતત ઉપેક્ષા કરે છે. આ વિસ્તારમાં વરસાદના પાણીનો કાયમી નિકાલ થાય અને સ્વચ્છતા જાળવવામાં પાલીકા તંત્ર સજાગ બને તેમ સ્થાનિકો માંગ કરી રહ્યા છે.
પંદર દિવસથી ખાડો ભુંગળાની રાહ જોવે છે..!
ઉમરેઠના પોલીસ લાઈન બહાર પાણીનો યોગ્ય નિકાલ ન હોવાને કારણે પાલિકા તંત્ર દ્વારા આ વિસ્તારમાં દશ થી પંદર દિવસ પહેલા ખાડો કરી ભુંગળા નાખવા માટે કામ શરૂ કરવામાં આવ્યું હતુ પરંતુ ખાડો ખોદયા પછી દશ થી પંદર દિવસ થયા પણ પાલિકાનો કોઈ કર્મચારી આ વિસ્તારમાં ફરક્યો નથી ત્યારે આ ખાડો હવે ભુંગળાની રાહ જોઈ રહ્યો છે.
ખુલ્લી ગટરો પર ઢાંકના ટુંક સમયમાં લાગી જશે – પાલિકા પ્રમુખ
ઉમરેઠના ઓડ બજાર સહીત નગરના અન્ય વિસ્તારમાં ખુલ્લી ગટરો ઉપર ઢાંકણા લગાવવા માટે કાર્યવાહી ટુંક સમયમાં પૂર્ણ કરી દેવામાં આવશે તેમ જણાવતા પાલિકા પ્રમુખ સંજયભાઈ પટેલે જણાવ્યું હતુ કે ખુલ્લી ગટરો ઉપર લગાવવા માટે ઢાંકણા તૈયાર થઈ ગય અછે પરંતુ હાલમાં વરસાદી વાતાવરણને કારણે ઢાંકના કાચા હોવાથી તે લગાવવામાં આવ્યા નથી.
%d bloggers like this: