આપણું ઉમરેઠ ( Since 2009 )

ચરોતરનો ઉંબરો..

ઉમરેઠની નવા-જૂની


  • સૌ પહેલા તો ચોમાસાને અલવીદા,આ વર્ષે ચોમાસું જોરદાર રહ્યું, અરે જોરદાર શું ભયાનક રહ્યું..! હવે ગરમીનો વારો, ગરમીએ પોતાનું સામ્રાજ્ય બનાવી દીધુ છે.
  • ઉમરેઠમાં રાજકીય ગરમી પણ વધી ગઈ છે, થોડા જ દિવસો પહેલા ઉમરેઠ નગરપાલિકાના પ્રમુખની ચુંટણી યોજાઈ હતી જેમાં ભાજપના જ સભ્ય દ્વારા ભાજપ સામે બળવો કરી પ્રમુખની ખુરસી અપક્ષોના સહારે મેળવી હતી, હવે ફરી તેઓનું હ્રદય પરિવર્તન થયું છે, ખુરશીની મોહ માયા છોડી તેઓ પૂનઃ બિનશરતી ભાજપમાં જોડાવા તેમજ પ્રમુખની ખુરશી પરત કરવા તૈયાર થઈ ગય છે. સાથે સાથે ચર્ચાઈ રહ્યું છે આ બળવાખોરોને ગેરલાયક ઠરાવવા પક્ષ દ્વારા કરવામાં આવેલ તૈયારીઓના સ્વરૂપે બળવાખોરો પક્ષમાં લીલાતોરણે પરફ ફર્યા છે.
  • હવે ગણેશ મહોત્સવ આવશે,ઉમરેઠમાં ઠેર-ઠેર ગણેશ મહોત્સવની ઉજવણી કરવામાં આવશે. ખાસ કરીને ઉમરેઠના કાછીયાવાડ (દાદાના દરબાર)માં આ વર્ષે ધામધૂમ થી ગણેશ મહોત્સવ ઉજવાશે. કાછીયાવાડમાં આ ૨૫મો ગણેશ મહોત્સવ છે. કહેવાય છે, ઉમરેઠમાં સૌ પ્રથમ ગણેશ મહોત્સવ ઉજવવાની શરૂઆત કાછીયાવાડથી થઈ હતી, કાછીયાવાડમાં કેટલાય વર્ષો સુધી નગરના ઈન્દ્રવદનભાઈ કાછીયાએ પોતાના હસ્તે ગણેશજીની પ્રતિમાં બનાવતા હતા.
  • શ્રાવણ માસમાં ઉમરેઠમાં શ્રધ્ધાભેર લોકો મહાદેવજીના દર્શનાર્થે જઈ રહ્યા છે, ખાસ કરીને નગરના પંચવટી વિસ્તારમાં આવેલ મહાદેવ તેમજ સ્ટેશન રોડ ઉપર આવેલ ચંન્દ્રમુળેશ્વર મહાદેવ અને જાગનાથ મહાદેવમાં ભક્તોની ભારે ભીડ રહે છે. સાથે નગરના વારાહી ચકલા વિસ્તારમાં આવેલ મહાદેવ તેમજ જાગનાથ મહાદેવમાં શ્રાવણમાસને અનુલક્ષી યજ્ઞનું આયોજન કરવામાં આવ્યું હતું.
  • શ્રાવણમાસ એટલે ફક્ત ભક્તિનો જ માસ નહી ઉમરેઠમાં શ્રાવણમાસ દરમ્યાન સાડીના સેલની ધૂમ હોય છે. ઉમરેઠના સાડી બજારમાં ક્યારે પણ મંદી દેખાતી નથી. હાલમાં ઉમરેઠમાં સાડીના ઢગલો શો-રૂમ શરૂ થયા છે. કહેવાય છે, આખા વર્ષની જરૂરી સાડીઓ મહીલાઓ સેલમાં ખરીદ કરતી હોય છે.
  • ઉમરેઠના વોર્ડ નં.૯ની પેટા ચુંટણીમાં વોર્ડનં.૨ના પ્રકાશભાઈ પટેલ ઝંપલાવશે, ભાજપના સૂત્રો દ્વારા જાણવા મળ્યું છે ભાજપે તેઓને મેન્ડેટ આપવાનું લગભગ નક્કી જ કરી દીધુ છે, હવે વિપક્ષ દ્વારા કયો ઉમેદવાર મુકવામાં આવશે તે જોવાનું રહ્યું, આમ તો વોર્ડ નં.૯માં વર્ષોથી ભાજપનો દબદબો હોવાને કારણે આ સીટ બિનહરીફ આવે તેમાં પણ બે મત નથી.

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: