આપણું ઉમરેઠ ( Since 2009 )

ચરોતરનો ઉંબરો..

ઉમરેઠના ધો.૫ થી ધો.૧૨ના વિદ્યાર્થીઓને ટોકન લઈ મફત પુસ્તકોનું વિતરણ.


સામાજિક જવાબદારી-એન્જિનિયરીંગના વિદ્યાર્થી દ્વારા પુસ્તક સહાય યોજના

હવે યુવાનોની પરિભાષા મુવી,મસ્તી,મેજીક સુધી સિમિત નથી રહી, યુવાનો દિવસે દિવસે પરિપકવ થવા લાગ્યા છે. સમય જતા જતા યુવાનો પોતાની સામાજિક જવાબદારીઓ પણ નિભાવા લાગ્યા છે,હાલમાં ડગલેને પગલે મોંધવારી વધી રહી છે. મધ્યમ અને ગરીબ પરિવારના વિદ્યાર્થીઓ કેટલીક વખત પૈસાના અભાવે પ્રાથમિક શિક્ષણ મેળવવામાં પણ પાછા પડે છે. પુસ્તકોની વધતી જતી કિંમતને કારણે ભણતર માટેના પુસ્તકો સામાન્ય વિદ્યાર્થીઓની પહોંચથી દૂર થઈ રહ્યા છે,આ ઉપરાંત કેટલીક વખતતો તેવી પરિસ્થિતી પેદા થાય છે કે, પૈસા ખર્ચ કરતા પણ પુસ્તકો મળતા નથી. ત્યારે આવા કપરા સમયે કોઈ ગરીબ કે મધ્યમ વર્ગનો વિદ્યાર્થી પુસ્તકના અભાવે ભણતરથી દૂર ન રહે તે માટે સામાજિક જવાબદારી ઉમરેઠના એન્જિન્યરીંગ અને કોમર્સના વિદ્યાર્થીઓએ ઉપાડી લીધી છે. ઉમરેઠના લગભગ પંદર જેટલા યુવાનોએ એકઠા થઈ ગરીબ અને મધ્યમ વર્ગના વિદ્યાર્થીઓ માટે અનોખી પુસ્તક સહાય યોજના અમલમાં મુકી છે. આ યોજના અંતર્ગત માત્ર ટોકન લઈ કોઈ પણ જાતના ભેદભાવ વગર વિદ્યાર્થીઓને માત્ર ટોકન દરે ધો.૫ થી ધો.૧૦ સુધીના પુસ્તકો વિના મુલ્યે પુરા પાડવામાં આવે છે.

વધુમાં આ પુસ્તક સહાય યોજનાનો લાભ લેવા ઈચ્છતા વિદ્યાર્થીઓ પાસેથી વૃંદ ગૃપ દ્વારા સભ્ય ફી તેમજ ડીપોઝીટ મળીને કુલ રૂ.પાંચસો વસુલ કરવામાં આવે છે જેના બદલામાં જે તે વિદ્યાર્થીને ધો.૫ થી ધો.૧૨ સુધીના પુસ્તકો મફત આપવામાં આવે છે. તમામ વિદ્યાર્થીઓ પોતાનો જે તે ધોરણનો અભ્યાસ પૂર્ણ કરે એટલે તેના પુસ્તકો વૃંદ ગુપ દ્વારા પરત મેળવવામાં આવે છે અને આગલા ધોરણના પુસ્તકો તેઓને આપવામાં આવે છે. આ યોજનાથી વિદ્યાર્થીઓને મોંધાભાવે બજાર માંથી પુસ્તકો ખરીદવા નથી પડતા.વૃંદગૃપ દ્વારા શરૂ કરવામાં આવેલ આ પુસ્તક યોજનાની નગરજનો પ્રશંશા કરી રહ્યા છે, સાથે સાથે મધ્યમ અને ગરીબ વર્ગના વિદ્યાર્થીઓ પાઠ્યપુસ્તકની તગડી કિંમત ચુકવવાથી બચી ગયા છે. અત્રે ખાસ ઉલ્લેખનિય છે કે વૃંદગૃપના તમામ સભ્યો પણ હજૂ કોલેજ માંજ અભ્યાસ કરે છે, હરવા ફર અને મસ્તી કરવાના દિવસોમાં પણ આ યુવાનોએ પોતાની સામાજિક જવાબદારી નિભાવી અનોખી પહેલ કરી છે. યુવાનોના કાર્યને જોઈ તેઓના માતા-પિતા પણ ગર્વની લાગની અનુભવતા હશે તેમાં કોઈ બે મત નથી. ઉમરેઠમાં અનોખી પુસ્તક સહાય યોજના અમલમાં લાવનાર આ યુવાનોને પ્રોત્સાહન આપવા માટે નગરના દાનવીરો આગળ આવે તે ખૂબ જરૂરી છે જેથી તેઓ વધુને વધુ જરૂરીયાતમંદ વિદ્યાર્થીઓને આ યોજનાનો લાભ આપી શકે.

બધા મિત્રો એકઠા થયા હતા અને પ્રવર્તમાન સમયમાં શિક્ષણ કેટલું મોંધું બન્યું છે તે અંગે ચર્ચા કરતા હતા અને વાતવાતમાં બધા મિત્રોએ નગરના મધ્યમવર્ગના તેમજ ગરીબ વર્ગના વિદ્યાર્થીઓને પુસ્તક સહાય કરવા અંગે સર્વ સંમતિથી આ પુસ્તક સહાય યોજના અમે અમલમાં મુકી. અમારો મુખ્ય ધ્યેય તેજ છે કે કોઈ વિદ્યાર્થી પુસ્તકના અભાવે ભણતરથી વંચિત ન રહે.

પ્રેરક કા.પટેલ – એન્જિનયરીંગ વિદ્યાર્થી, ઉમરેઠ

અમે મિત્રો ફુરસદના સમયમાં મળીએ ત્યારે બધા પુસ્તકોને વ્યવસ્થિત પુઠા ચઢાવી તે વધારે સમય ટકે તેવો પ્રયત્ન કરીએ છે સાથે સાથે જ્યારે પુસ્તકો વિદ્યાર્થીઓને આપીયે ત્યારે પણ તેઓને પુસ્તકની સાચવણી વ્યવસ્થિત રીતે કરવા આગ્રહ કરીયે છે જેથી ભવિષ્યમાં તેજ પુસ્તકો અન્ય વિદ્યાર્થીઓને કામમાં આવી શકે. અમારા આ કાર્યમાં અમારા પરિવાર તેમજ શુભેચ્છકો દ્વારા અમોને સહયોગ મળ્યો છે.

– સપન શેઠ , એન્જિનિયરીંગ વિદ્યાર્થી, ઉમરેઠ

ખડાયતા સમાજ દ્વારા પણ પુસ્તક સહાય યોજના –

ઉમરેઠમાં ખડાયતા વિદ્યોતેજક મંડળ દ્વારા પણ આવીજ યોજના વર્ષોથી ચાલતી આવી છે. ખડાયતા વિધોતેજક મંડળ દ્વારા પણ સમાજના વિદ્યાર્થીઓને તમામ અભ્યાસ ક્રમ માટેના પુસ્તકો માત્ર ટોકન ફી ડીપોઝીટ લઈ વિનામુલ્યે આપવામાં આવે છે. સંસ્થામાં જો કોઈ અભ્યાસ ક્રમના પુસ્તક ન હોય તો તે પુસ્તક વિદ્યાર્થીને બજાર માંથી ખરીદવા જણાવાય છે અને બદલામાં તે પુસ્તકની કિંમત રોકડમાં વિદ્યાર્થીઓને ચુકવવામાં આવે છે.

2 responses to “ઉમરેઠના ધો.૫ થી ધો.૧૨ના વિદ્યાર્થીઓને ટોકન લઈ મફત પુસ્તકોનું વિતરણ.

  1. Krushil Patel May 27, 2013 at 12:38 pm

    You guys are doing a fantastic job! It feels good when you see your friends doing some great work for the society. keep up the good work guys 🙂

    Like

  2. PANKAJ SHAH May 28, 2013 at 5:42 pm

    Congrates to the organizers of this scheme. A new way to serve the whole society & now a days school books even not awailable as one is ready to purchase……nice job….may God help them to help more & more students of Umreth & also to the students of surrounded villeges.
    PANKAJ SHAH
    Umreth (Baroda)

    Like

નીચેના બોક્સમાં તમારી પ્રતિક્રીયા જણાવો...

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: